Looma 11
11
1Ni mu buuna, me ndi mu upfuula: Nzambi baatu ba nde hanyasula? Naana, ubila ve! Me mwakulu muutu hu Isereli me ndi, wu imbisa hya Abrahami, wa buli la Benyamini? 2Nzambi a hanyasula baatu ba nde hamiitswamina uyaaba ve#Mkg 94.14 . Yibwalaani monyi mu ma baasonehe ma Ngidi, ma mali mu ngu musamu wu mumbihuli Eliya ali mu unyongele Isereli ŋa busu bwa Nzambi: 3«Pfumu, bo bamiiduba mimbihuli mya we, bamiitsala madiiku ma we ma bungodu. Na me amiitsaala siha vii. Na bo baaka mu usaha umaasa muvumu a me.» 4Ka mono mvutu yi Nzambi haviidi nde: «Me amaasili me mwakulu biveeve tsambu (7000) bi babahala ba baavelikongemene ŋa busu bwa nzambi a Baale.»#11.4 nzambi a Baale inzanzambi hi baana ba Isereli baaka sambila.1Pf 19.10-18. 5Ni bumosi kaka mu tangu a loloyi, hwasaala mwa litangu la baatu ba Nzambi hasoolo mu hyese hya nde. 6Nde hasoolo bo mu hyese hya nde, ka a mu toni mavanga ma bo ve. Tso a buuna ve, hyese hya Nzambi a hisaali hyese ve.
7Ka hima? Baatu ba Isereli a baabaha hi bo baakasaha ve. Ka ndulu ba nde hasoolo baayaki hi bo baakasaha. Ka uto ti bakima, baamiikondosono bo utsikaha, 8we bu huli ma baasonehe: «Nzambi aviidi bo livupu li butsuudu, nde adibuhi bo miisu mana bavelemono, na matswi mana baveleyuha nate loloyi.» 9Mutumi Davidi kaka li mu uleele bunuubu:
«Nyaha mikuungi mya bo mi udya mikituha mweto huli bo, siinga, baku,
nzila yi uyaka tsyembili yi yayelemene mu bo.
10Nyaha miisu mya bo miba piipidi,
mu iteesi hyubwevelemono.
Hodemese bo mungoongo hwanzyeni#11.10 v. 8 Pfu 29.3; Esa 6.10; 29.10 v. 9-10: Mkg 69.23-24.».
11Ni mu buuna, me ndi mu upfuula: ŋa bisu Isereli baakubi baku, bo nzyeni baabwidi? Peleve naana! Ka mu toni a mbwili a bo mu mamabi, bangoyi baayaki liyobolo, mana bisu Isereli bamono nyengi. 12Na tso mbwili Bayudaayo mu mamabi yaabeedi dyambu lilibwe li linene mu toto yoosi, na ubwa hwa bo hwaviidi busina bu livupu huli bangoyi, ki pila bunene bwa dyambu li libwe luuba mu pfutihili a bo yi yakuha hu liyobolo!
13Me ndeele huli benu ba laavele Bayudaayo: Me wu ndi ilumbi hya ba baavele Bayudaayo, me ndi mu unzuusa isalu hya me, 14mana tso me twali, me tsimbalala nyengi a baatu ba me, mana bakima ŋa hati la bo bayoboho. 15Mu toni ati, tso uvengolo hu Bayudaayo hwaba ni unongese hwa tsi na Nzambi, buni huuba mu tangu yi buubweyaka bo? Sa huba pfutihili a lipfu hu monyi.
Miti myole mya olive
16Tso kabu la tsomi li lipa bali mu uva huli Nzambi, kabu lina li limiisaala lili kaka la nde. Tso manganzi ma muti baviidi huli Nzambi, bitabi kaka bili bya nde. 17Isereli hili we muti a olive wu Nzambi amiikese bitabi bikima. Ŋa mbuha a byo, baamiikatisa we, we wu avele Muyudaayo. Baamiikatisa we, we itabi hi muti a olive wa piinda. Bunuubu, we ka mu ubahila mu malimbu ma mali mu ukuma mu linganzi li muti a olive. 18Ni mu buuna, we a harokolo bitabi bi baakese. Buni we utwala usyenolo mapapanga? A ni we ubaahwadisa linganzi ve, ka ni linganzi libaahwadisa we.
19We sa leele me: «Baakesi bitabi mobiina, mu unamiha me ŋa mbuha a byo.» 20Ni buuna hwa nde. Baakesi byo, mu toni a pelili imiinu hya byo. Na baanamiha we, mu toni imiinu hya we. Ka a hasa nyeme! Homo ba na boomo! 21Ka tso Nzambi avengolo Bayudaayo ba bali bitabi bi muti a mbuli, kele hwa we! We wu li itabi hi banamiha, mana nde a havengolo we kaka. 22Ni mu buuna, tsikaha bubwe bwa Nzambi na bunono bwa nde: nde li mu umwese bunono bwa nde huli ba baamiibwa, na bubwe bwa nde mu we, tso we kwilili mu bubwe mobuuna. Tso a buuna ve, sa bakese we kaka we bitabi bikima. 23Ka tso Bayudaayo bayafutaha na basiidi imiinu, Nzambi sa abwekatisa bo kaka ŋa mbuha yi bo baabeedi tsomi. Buuna Nzambi na matwala ma ubwekatisa bo. 24Ni mu buuna, we itabi hi muti a olive wa mu piinda, Nzambi akesi we na akatisi we mu muti a Olive wu baakuna, na wu li na lisobosono na muti wu baamaasi we. Ka uto ti Bayudaayo, bo bali bitabi bya mbuli bi muti a Olive wa mbuli: Ni mu buuna, Nzambi ubwekatisa bo mu muti wu bo baabeedi tsomi.
Liyobolo li Isereli
25Baana ba ngu, me tondi ti benu liyaaba matswehi ma Nzambi momanima, mana benu a libaamonehele we bangeele: kabu limosi la baatu ba Isereli sa likwilala hutso a dungili, nate bu boosi ba bali bangoyi buuyaka liyobolo. 26Ni buuna, buli li Isereli loosi luuyoboho, we bu ma Baasonehe ma Ngidi mali mu uleele:
«Muyobili sa amata hu isyelo hya Syoni,
nde umaasa bubi bu imbisa hya Yakobi.
27Liina ni lahi la me li me utsa na bo,
ŋa me umaasa masumu ma bo.#Esa 59.20-21; Esa 27.9 »
28Tso limoni ubisa hwa bo hu Musamu wu Mubwe, bo baaka bambene ba Nzambi mu libwe la benu. Ka tso litelimi ŋa busu bwa tsolili a Nzambi, nde kini mu utondo bo, mu toni bakaaha ba bo. 29Ka Nzambi a hubaapatula hi nde hamiikwava ve. Na nde a hubaasobo matsimi ŋa busu bwa ba nde hamiiteele ve. 30Mu tangu a tsomi, benu laabisili Nzambi. Ka bunuubu, Nzambi amiikwila benu lingebe, mu toni ati Bayudaayo baabisili nde. 31Ni bumosi kaka, kene a bo mu tangu moyiniyi yili mu usa ti benu liyaka kwili lingebe ya Nzambi, na mana bo kaka bayaka kwili lingebe moyiina#Esa 55.8; Mkg 139.6,17-18. 32Mu toni ati, Nzambi amiikangimasa baatu boosi hutso a kene, mana nde amwese kwili lingebe a nde huli boosi. 33
Nyimbu muyusu a bunene bwa Nzambi
Ki pila bunene bu busina bwa Nzambi!
Ki pila idongi hili mu nzabili na buyedi bwa nde!
Na utwala ubindula maakesili ma nde?
Na utwala utsikaha makani ma nde?
34We bu ma Baasonehe ma Ngidi mali mu uleele:
«Na ayaaba matsimi ma Pfumu?
Na atwali uba muviidi a nde ndongi?
35Na atswamina uva nde isiha,
mana nde wuuna, ayaka pfuta humbisa#Esa 40.13?»
36Byosi bibaamata huli Nzambi, mu nde, na byo bili bya nde.
Nyaha muyusu aba huli Nzambi mu bilima na bilima! Amen!
Currently Selected:
Looma 11: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Looma 11
11
1Ni mu buuna, me ndi mu upfuula: Nzambi baatu ba nde hanyasula? Naana, ubila ve! Me mwakulu muutu hu Isereli me ndi, wu imbisa hya Abrahami, wa buli la Benyamini? 2Nzambi a hanyasula baatu ba nde hamiitswamina uyaaba ve#Mkg 94.14 . Yibwalaani monyi mu ma baasonehe ma Ngidi, ma mali mu ngu musamu wu mumbihuli Eliya ali mu unyongele Isereli ŋa busu bwa Nzambi: 3«Pfumu, bo bamiiduba mimbihuli mya we, bamiitsala madiiku ma we ma bungodu. Na me amiitsaala siha vii. Na bo baaka mu usaha umaasa muvumu a me.» 4Ka mono mvutu yi Nzambi haviidi nde: «Me amaasili me mwakulu biveeve tsambu (7000) bi babahala ba baavelikongemene ŋa busu bwa nzambi a Baale.»#11.4 nzambi a Baale inzanzambi hi baana ba Isereli baaka sambila.1Pf 19.10-18. 5Ni bumosi kaka mu tangu a loloyi, hwasaala mwa litangu la baatu ba Nzambi hasoolo mu hyese hya nde. 6Nde hasoolo bo mu hyese hya nde, ka a mu toni mavanga ma bo ve. Tso a buuna ve, hyese hya Nzambi a hisaali hyese ve.
7Ka hima? Baatu ba Isereli a baabaha hi bo baakasaha ve. Ka ndulu ba nde hasoolo baayaki hi bo baakasaha. Ka uto ti bakima, baamiikondosono bo utsikaha, 8we bu huli ma baasonehe: «Nzambi aviidi bo livupu li butsuudu, nde adibuhi bo miisu mana bavelemono, na matswi mana baveleyuha nate loloyi.» 9Mutumi Davidi kaka li mu uleele bunuubu:
«Nyaha mikuungi mya bo mi udya mikituha mweto huli bo, siinga, baku,
nzila yi uyaka tsyembili yi yayelemene mu bo.
10Nyaha miisu mya bo miba piipidi,
mu iteesi hyubwevelemono.
Hodemese bo mungoongo hwanzyeni#11.10 v. 8 Pfu 29.3; Esa 6.10; 29.10 v. 9-10: Mkg 69.23-24.».
11Ni mu buuna, me ndi mu upfuula: ŋa bisu Isereli baakubi baku, bo nzyeni baabwidi? Peleve naana! Ka mu toni a mbwili a bo mu mamabi, bangoyi baayaki liyobolo, mana bisu Isereli bamono nyengi. 12Na tso mbwili Bayudaayo mu mamabi yaabeedi dyambu lilibwe li linene mu toto yoosi, na ubwa hwa bo hwaviidi busina bu livupu huli bangoyi, ki pila bunene bwa dyambu li libwe luuba mu pfutihili a bo yi yakuha hu liyobolo!
13Me ndeele huli benu ba laavele Bayudaayo: Me wu ndi ilumbi hya ba baavele Bayudaayo, me ndi mu unzuusa isalu hya me, 14mana tso me twali, me tsimbalala nyengi a baatu ba me, mana bakima ŋa hati la bo bayoboho. 15Mu toni ati, tso uvengolo hu Bayudaayo hwaba ni unongese hwa tsi na Nzambi, buni huuba mu tangu yi buubweyaka bo? Sa huba pfutihili a lipfu hu monyi.
Miti myole mya olive
16Tso kabu la tsomi li lipa bali mu uva huli Nzambi, kabu lina li limiisaala lili kaka la nde. Tso manganzi ma muti baviidi huli Nzambi, bitabi kaka bili bya nde. 17Isereli hili we muti a olive wu Nzambi amiikese bitabi bikima. Ŋa mbuha a byo, baamiikatisa we, we wu avele Muyudaayo. Baamiikatisa we, we itabi hi muti a olive wa piinda. Bunuubu, we ka mu ubahila mu malimbu ma mali mu ukuma mu linganzi li muti a olive. 18Ni mu buuna, we a harokolo bitabi bi baakese. Buni we utwala usyenolo mapapanga? A ni we ubaahwadisa linganzi ve, ka ni linganzi libaahwadisa we.
19We sa leele me: «Baakesi bitabi mobiina, mu unamiha me ŋa mbuha a byo.» 20Ni buuna hwa nde. Baakesi byo, mu toni a pelili imiinu hya byo. Na baanamiha we, mu toni imiinu hya we. Ka a hasa nyeme! Homo ba na boomo! 21Ka tso Nzambi avengolo Bayudaayo ba bali bitabi bi muti a mbuli, kele hwa we! We wu li itabi hi banamiha, mana nde a havengolo we kaka. 22Ni mu buuna, tsikaha bubwe bwa Nzambi na bunono bwa nde: nde li mu umwese bunono bwa nde huli ba baamiibwa, na bubwe bwa nde mu we, tso we kwilili mu bubwe mobuuna. Tso a buuna ve, sa bakese we kaka we bitabi bikima. 23Ka tso Bayudaayo bayafutaha na basiidi imiinu, Nzambi sa abwekatisa bo kaka ŋa mbuha yi bo baabeedi tsomi. Buuna Nzambi na matwala ma ubwekatisa bo. 24Ni mu buuna, we itabi hi muti a olive wa mu piinda, Nzambi akesi we na akatisi we mu muti a Olive wu baakuna, na wu li na lisobosono na muti wu baamaasi we. Ka uto ti Bayudaayo, bo bali bitabi bya mbuli bi muti a Olive wa mbuli: Ni mu buuna, Nzambi ubwekatisa bo mu muti wu bo baabeedi tsomi.
Liyobolo li Isereli
25Baana ba ngu, me tondi ti benu liyaaba matswehi ma Nzambi momanima, mana benu a libaamonehele we bangeele: kabu limosi la baatu ba Isereli sa likwilala hutso a dungili, nate bu boosi ba bali bangoyi buuyaka liyobolo. 26Ni buuna, buli li Isereli loosi luuyoboho, we bu ma Baasonehe ma Ngidi mali mu uleele:
«Muyobili sa amata hu isyelo hya Syoni,
nde umaasa bubi bu imbisa hya Yakobi.
27Liina ni lahi la me li me utsa na bo,
ŋa me umaasa masumu ma bo.#Esa 59.20-21; Esa 27.9 »
28Tso limoni ubisa hwa bo hu Musamu wu Mubwe, bo baaka bambene ba Nzambi mu libwe la benu. Ka tso litelimi ŋa busu bwa tsolili a Nzambi, nde kini mu utondo bo, mu toni bakaaha ba bo. 29Ka Nzambi a hubaapatula hi nde hamiikwava ve. Na nde a hubaasobo matsimi ŋa busu bwa ba nde hamiiteele ve. 30Mu tangu a tsomi, benu laabisili Nzambi. Ka bunuubu, Nzambi amiikwila benu lingebe, mu toni ati Bayudaayo baabisili nde. 31Ni bumosi kaka, kene a bo mu tangu moyiniyi yili mu usa ti benu liyaka kwili lingebe ya Nzambi, na mana bo kaka bayaka kwili lingebe moyiina#Esa 55.8; Mkg 139.6,17-18. 32Mu toni ati, Nzambi amiikangimasa baatu boosi hutso a kene, mana nde amwese kwili lingebe a nde huli boosi. 33
Nyimbu muyusu a bunene bwa Nzambi
Ki pila bunene bu busina bwa Nzambi!
Ki pila idongi hili mu nzabili na buyedi bwa nde!
Na utwala ubindula maakesili ma nde?
Na utwala utsikaha makani ma nde?
34We bu ma Baasonehe ma Ngidi mali mu uleele:
«Na ayaaba matsimi ma Pfumu?
Na atwali uba muviidi a nde ndongi?
35Na atswamina uva nde isiha,
mana nde wuuna, ayaka pfuta humbisa#Esa 40.13?»
36Byosi bibaamata huli Nzambi, mu nde, na byo bili bya nde.
Nyaha muyusu aba huli Nzambi mu bilima na bilima! Amen!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.