Looma 12
12
Uyuusa we bu hwafwana
1Baana ba ngu, mu toni ati Nzambi amiimwese bubwe bwa nde mu bisu, me ndi mu upondo huli benu, mu uyeholo nde nyutu a benu we bungondu bwa monyi, bwa ngidi, bu Nzambi husilasa. Buuna, benu sa liyusa Nzambi we bu hwafwana. 2A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.
Udyata mu litondo itwadi na Kristo
3Mu toni bungodu bu Nzambi hava me mu bubwe bwa nde, me ndi mu upondo huli pasi nde mu benu, mu uveletsima ti nde alutaala bana. Ka nyaha pasi muutu mu benu aba we bu huli iteesi hya kabu li imiinu hi Nzambi hava nde. 4Buuna, mu nyutu ndulu mosi, bisu lili na binama bibilahi. Ka pasi inama na isalu hya hyo. 5Bumosi kaka, tso lili ba balahi, bisu a benu lili nyutu ndulu mosi itwadi na Kristo, na lili itwadi bana na bana we binama bya nyutu ndulu mosi. 6Ka bisu a benu lili na bungodu bu bwasoboono we bu hu li hyese hi Nzambi akabila muutu muutu:
Tso mumosi mu bisu a benu li na bungodu bu ubihula,
nyaha nde abaasalila bwo we bu hu li imiinu.
7Tso mukima li na bungodu bu usalila bana,
nyaha abaasalila.
Wu li na bungodu bu ulongese,
nyaha abaalongese.
8Wu li na bungodu bu uhwadisa bana mu mavanga ma mabwe,
nyaha abaahwadisa bo.
Wu li na bungodu bu ukaba,
nyaha abaasalila bwo mu mutima wu mubwe.
Wu li mu utuma,
nyaha abaatuma na lehemene loosi.
Wu li mu ukumbasa nga puumbu,
nyaha abaakumbasa na kinya.
9Nyaha litondo liba li laavele muwala. Belelaani bubi, kangamaani mu mamabwe.
10Luulaani mu litondo bana mu bana,
we binama bya buli limosi;
Baani batsomi mu ukinza bana.
11Baani na lehemene mu isalu,
ka a liba babolo ve.
Salilaani Pfumu mu mutima a benu woosi.
12Baani na kinya mu toni a hiitu hya benu.
Baani na mukami mu tangu a pasi,
baasambilaani na mukonono.
13Baakumbasaani baana ba ngu ba bali na nzala likumbasa,
na baayakaani bubwe tangu yoosi, ba bali mu uya mu manzo ma benu.
14Vondelaani ba bali mu utsuta benu lisyeme la Nzambi. Vondelaani bo lisyeme, ka a livondo nde mu usinga bo ve.
15Baani mu kinya na baatu ba bali mu kinya,
na lilaani na ba bali mu ulila.
16Baani mu hyenze ŋa hati la benu.
A liba na peyu mu bi byasyenoho ve,
ka baasahaani bi byavelemonehele ŋa miisu ma baatu.
A limonehele we bangeele benu mwakulu ve#Esa 5.21.
17A lifutala ma mabi mu ma mabi ve,
ka hwadaani mu ubaasa ma mabwe ŋa busu bwa baatu boosi.
18Tso benu litwali ukuhasa buuna, mu iteesi hi hyahwama na benu,
baani mu hyenze na baatu boosi.
19Bambaahi ba litondo,
a lifutala piinga huli ba bubaavangila benu bubi ve,
ka nyahaani Nzambi amwese kesi a nde.
Mu toni ati baasonehe bunuubu:
«Me ni wu ufutala piinga,
me ni wu ufutala huli pasi muutu we bu huli mavanga ma nde», bu leeli Pfumu.
20Na nde abweleele bunuubu:
«Tso muboho a we li na nzala,
va nde byudya.
Tso nde li na peyu,
va nde byunywa.
Mu toni a ŋa we li mu usa buuna,
we li mu ukuukaha nde makala ma mbahu ŋa yulu mutswe#12.19-20v. 19 Pfu 32.35 v. 20 Mak 25.21-22..»
21A nyaha bubi bubingala we ve,
ka nyaha we biingala bubi mu libwe.
Currently Selected:
Looma 12: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Looma 12
12
Uyuusa we bu hwafwana
1Baana ba ngu, mu toni ati Nzambi amiimwese bubwe bwa nde mu bisu, me ndi mu upondo huli benu, mu uyeholo nde nyutu a benu we bungondu bwa monyi, bwa ngidi, bu Nzambi husilasa. Buuna, benu sa liyusa Nzambi we bu hwafwana. 2A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.
Udyata mu litondo itwadi na Kristo
3Mu toni bungodu bu Nzambi hava me mu bubwe bwa nde, me ndi mu upondo huli pasi nde mu benu, mu uveletsima ti nde alutaala bana. Ka nyaha pasi muutu mu benu aba we bu huli iteesi hya kabu li imiinu hi Nzambi hava nde. 4Buuna, mu nyutu ndulu mosi, bisu lili na binama bibilahi. Ka pasi inama na isalu hya hyo. 5Bumosi kaka, tso lili ba balahi, bisu a benu lili nyutu ndulu mosi itwadi na Kristo, na lili itwadi bana na bana we binama bya nyutu ndulu mosi. 6Ka bisu a benu lili na bungodu bu bwasoboono we bu hu li hyese hi Nzambi akabila muutu muutu:
Tso mumosi mu bisu a benu li na bungodu bu ubihula,
nyaha nde abaasalila bwo we bu hu li imiinu.
7Tso mukima li na bungodu bu usalila bana,
nyaha abaasalila.
Wu li na bungodu bu ulongese,
nyaha abaalongese.
8Wu li na bungodu bu uhwadisa bana mu mavanga ma mabwe,
nyaha abaahwadisa bo.
Wu li na bungodu bu ukaba,
nyaha abaasalila bwo mu mutima wu mubwe.
Wu li mu utuma,
nyaha abaatuma na lehemene loosi.
Wu li mu ukumbasa nga puumbu,
nyaha abaakumbasa na kinya.
9Nyaha litondo liba li laavele muwala. Belelaani bubi, kangamaani mu mamabwe.
10Luulaani mu litondo bana mu bana,
we binama bya buli limosi;
Baani batsomi mu ukinza bana.
11Baani na lehemene mu isalu,
ka a liba babolo ve.
Salilaani Pfumu mu mutima a benu woosi.
12Baani na kinya mu toni a hiitu hya benu.
Baani na mukami mu tangu a pasi,
baasambilaani na mukonono.
13Baakumbasaani baana ba ngu ba bali na nzala likumbasa,
na baayakaani bubwe tangu yoosi, ba bali mu uya mu manzo ma benu.
14Vondelaani ba bali mu utsuta benu lisyeme la Nzambi. Vondelaani bo lisyeme, ka a livondo nde mu usinga bo ve.
15Baani mu kinya na baatu ba bali mu kinya,
na lilaani na ba bali mu ulila.
16Baani mu hyenze ŋa hati la benu.
A liba na peyu mu bi byasyenoho ve,
ka baasahaani bi byavelemonehele ŋa miisu ma baatu.
A limonehele we bangeele benu mwakulu ve#Esa 5.21.
17A lifutala ma mabi mu ma mabi ve,
ka hwadaani mu ubaasa ma mabwe ŋa busu bwa baatu boosi.
18Tso benu litwali ukuhasa buuna, mu iteesi hi hyahwama na benu,
baani mu hyenze na baatu boosi.
19Bambaahi ba litondo,
a lifutala piinga huli ba bubaavangila benu bubi ve,
ka nyahaani Nzambi amwese kesi a nde.
Mu toni ati baasonehe bunuubu:
«Me ni wu ufutala piinga,
me ni wu ufutala huli pasi muutu we bu huli mavanga ma nde», bu leeli Pfumu.
20Na nde abweleele bunuubu:
«Tso muboho a we li na nzala,
va nde byudya.
Tso nde li na peyu,
va nde byunywa.
Mu toni a ŋa we li mu usa buuna,
we li mu ukuukaha nde makala ma mbahu ŋa yulu mutswe#12.19-20v. 19 Pfu 32.35 v. 20 Mak 25.21-22..»
21A nyaha bubi bubingala we ve,
ka nyaha we biingala bubi mu libwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.