Malako Kotili
Kotili
Musamu wu Mubwe wa Malako, baasonehele nde huli Bamukristo ba baavele boosi Bayudaayo, bakima aba Bangoyi. Nde ni Musamu wu Mubwe wu afulala bukusi. Mu nde, a baasonehe bukenyi bwa Yisu ve. A bali mu umono muuna kaka bileedi bya Yisu bibila ve. Ka ndulu, nde li mu umweese bileedi bi bilahi bi mapfuutini, bya mbelusi na bya tsobisini minywa. Mu matangu makima, nde li mu usaangula misamu mi myavele mu mihanda mikima mya mu Musamu wu Mubwe.
Musamu wu Mubwe wa Malako, li mu uduukala mulahi a nzila wu mihanda mimitatu myatsomi mi Musamu wu Mubwe. Ka tsangu a nde yaavolo ifwaani hya dyambu li linene. Ubaandiha mu bisono bi mulongo a tsomi, Malako li mu umweese Yisu we Mwana a Nzambi (1.1). Hu pedu a tsukusu Musamu wu Mubwe wa Malako, Mwana a Nzambi ukwa, baakomene ŋa kuruwa (15.39).
Mu ibadi hyatsomi hi libuuku mo liniili (1.1–8.26), Yisu a hali mu utondo ve ti baatu badihula nde mu mawasa. Nde li mu ubeeloso babeedu, nde li mu ubinga mavupu ma mabi, nde li mu utoyo na ibahala hyoosi. Baatu bali mu ufuulasana: «Muutu mo wunuwu na ali?» Ka Yisu li mu uleele huli ba baatsikaha nde: «A lileele huli pasi muutu, me na ndi.»
Ibadi hya byole hi libuuku mo liniili (8.27; 16.20), hili mu umweese buni buutsikaha ti Yisu Mwana a Nzambi ali.
Basambili ba musyenge a Looma, baakanyungala baatu ba baakamonehele we mwa banzambi. Baatu mo baniiba, baakasa bipadi bya kimuhili. Baakava bo mifwende na bo baakabiingala mapasi moosi.
Kaahu, Yisu Mwana a Nzambi ali, mu usiinga uyamonehele nde woosi muutu, na usiingala Nzambi. Maana ni ma muubita nde hu munyongi na huukwa. Tso bayihi ba Yisu a baaleenge atsikaha mo ve. Bo bali mu utimba Yisu, mu taangu yi bali mu utsundasa nde mu lipfu. Mu umono ŋa Yisu ali mu ukwa, mukuutu balwani ba Looma li mu uleele ti: «Mu mbuli, muutu mo wunuwu beedi Mwana a Nzambi!»
Ŋa Yisu ali mu utoyo mu nde mwakulu, nde li mu uteleme we Mwana a Muutu. Ikuma mo hinihi, hili mu umweese nde wuuna wu Nzambi ali mu uva matwala moosi, tso matwala ma utsundasa na ma usa kolo-kolo. Mbindulili a hyo kaka ni ti Yisu beedi mbuli muutu. Ikuma hya «Mwana a Muutu», hili mu umweese tswehi yi yaadiinga bumuutu na isalu hya nde. Musamu wu Mubwe wa Malako, li mu uva hyuhu mo hiniihi: «Yisu ni na?» A hu li na tso muutu wu utwala ufutala mvutu mu mawasa ve. Libuuku la Malako, lili mu umweese nzila yi Yisu haduukili. Lo lili mu ukumbasa mu utsikaha hoole-hoole, Yisu na ali.
Currently Selected:
Malako Kotili: TSA
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.