Mataayi 18
18
Yisu li mu ulongese bayihi
18.1-35
Na alutahala bukuutu hutso Ipfumu hi mayulu?
Mlk 9.33-37; Luk 9.46-48
1Mu taangu mo yiina, bayihi baayasusaha huli Yisu na ufuula nde: «Na alutahala bukuutu hu Ipfumu hi mayulu?» 2Buuna, Yisu ateeli mwana a ngebe mumosi, asuusi nde ŋa hati la bo, 3na aleeli: «Mu mbuli me ndi mu undeele benu, tso benu a lisobi na ukituha we baana ba bangebe ve, benu a luukoto hu Ipfumu hi mayulu ve. 4Ni mu buuna, muutu wu alutahala bukuutu hu Ipfumu hi mayulu ni nde wuuna wu ubaakulamana na ubaakituha we mwana a ngebe mo wunuunu. 5Muutu wu uyaka mwana a ngebe wa bunuubu mu nduhi a me, ni me nde huuyaka.»
Ukele mu ubwisa mwana a ngebe tso mumosi mu masumu
Mlk 9.42-48; Luk 17.1-2
6Yisu abweleele: «Ka tso muutu bwisi mu masumu mumosi mu bikenyi mo biniibi, bi bili mu usiila me imiinu, hufulili bubwe huli nde ti bakutalala nde manya li laafulala bunene mu likiingu, na udyamisa nde hu tsina mubu. 7Ni lingebe li lilahi mu baatu ba ŋa toto, mu tooni ati misamu mi mibaabwisa baatu mu masumu mili mi milahi. Eye, misamu mo miina utwala uvele ve. Ka ni lingebe huli muutu wu li tooni a nziili a myo! 8Tso kaka la we libaabwisa we mu masumu, kese lo na buma lo lala na we, buuve tso huulu hwa we hubaabwisa we mu masumu, kese hwo na buma hwo lala na we. Hwafulala bubwe huli we mu ukoto na kaka limosi buuve huulu humosi hu moonyi a mbuli, ka a mu uyene hu mbungulu wu akuha ve. 9Na tso diisu la we libaabwisa we mu masumu, lobolo lo na buma lo lala. Hwafulala bubwe huli we mu ukoto hu moonyi a mbuli na diisu limosi, ka a mu uba na miisu ma we mamoole, na ubwaha we hu mbeenge a mbaahu ve.»
Kuma lindombo li laadimbala na li limiisoloho
Luk 15.3-7
10Yisu abweleele: «Baakelaani mu ubelele mumosi mu bikenyi mo biniibi. Mumbuli me ndi mu undeele benu, bapofi ba bo hu mayulu bu baaba taangu yoosi ŋa busu bwa Taata a me wu li hu mayulu. [11Mu tooni ati, Mwana a Muutu miiya mu uyobolo ba baadimbala.]
12Benu buni lili mu utsima? Tso muutu li na kama (100) li madombo, na tso limosi mu mo lidiimbili, nde a humasiisa maku ipfwa na ipfwa (99) ŋa yulu isyelo, na uyene hu uyasaha lindombo li laadimbala ve? 13Mu mbuli me ndeele benu, tso nde sooli lo, nde sa aba na kinya mu lindombo mo liina. Kinya a nde mu lo yiufulala ya mu mandombo maku ipfwa na ipfwa (99) ma maaveledimbala. 14Ni bumosi kaka, Taata a benu wu li hu mayulu a baatondo ve ti mumosi mu bikenyi mo biniibi adimbala.»
Buni mu usiila mwana a ngu a we kolo-kolo
15Yisu abweleele: «Tso mwana a ngu a we mu livupu sili we dyambu li libi, yene, yamweese nde bubi bwa nde bu benu lili boole. Nde ayuhala we, we miibingala mwana a ngu a we mu livupu. 16Ka nde aveleyuhala we, volo muutu mumosi buuve baatu boole na we, we bu Libuuku la Ngidi lili mu uleele “mana musamu woosi asungama mu imbangi hya baatu boole buuve baatu batatu#Pfu 19.15.” 17Tso nde bisi uyuhala bo, yabisa lo huli libundu. Na nde abisa kaka uyuhala baana ba ngu mu libundu, nyaha nde aba we ngoyi ŋa busu bwa we, buuve we mutsonzihi limandu. 18Mu mbuli me ndi mu undeele benu, moosi ma benu luukuta ŋa toto, Nzambi sa akuta mo hu yulu. Na moosi ma benu luunyaangula ŋa toto, Nzambi sa banyaangula mo hu yulu. 19Mu mbuli me ndi mu umbwendeele benu ti, tso baatu boole ŋa hati la benu bapfuuti matsimi ŋa toto mu uvondo pasi isiha, Taata a me wu li hu mayulu sa ava bo hyo. 20Mu tooni ati, baatu boole buuve baatu batatu bapfuutana mu nduhi a me, me ndi ŋa hati la bo.»
Kuma musalili wu abisi usa kolo-kolo
21Buuna Peetelo ayasusaha huli Yisu na afuuli nde: «Pfumu, kolo-kolo tsa kwe me utsa mwana a ngu a me mu livupu, ŋa nde husiila me ma mabi? Natee, tsa tsambu?» 22Yisu afutili: « Naana, me a handi mu undeele ve ti natee tsa tsambu. Ka we afwana mu usa nde kolo-kolo tsa maku tsambu li bikuku tsambu. 23Ni mu buuna, Ipfumu hi mayulu hyafwanina na mutumi mumosi wu tondi ukamba mbongo huli basalili ba nde. 24Bu nde abandihi usa litangu, baabehili nde musalili mumosi wu aba asombo mbongo yi ndahi-ndahi. 25Musalili a haaba na tsalu yi utwala ufuta mukanu mo wuuna ve. Buuna pfumu a nde atumi ti basumbasa nde we muviha. Nde na mukadi a nde na baana ba nde, na bisiha bya nde byosi, mana bafuta mukanu mo wuuna. 26Musalili akongimini ŋa busu bu a pfumu na aleeli: “Pfumu, suusala me puumi, me tsa pfuta bya we byosi!” 27Pfumu akwili musalili a nde lingebe, anyahuli nde na ayehuli mukanu a nde. 28Bu musalili mo wuuna hapali, nde abwani na mbaahi a nde mumosi wu isalu, wu aba asombo nde mbongo yi keehe. Nde akaangi nde, aviki nde ŋa mivodi na aleeli: “Futa bya me bi we asombo!” 29Mbaahi a nde abwili nde ŋa miilu, ayayiini nde na aleeli: Suusala me puumi, na me tsa pfuta we. 30Ka nde a hatondi ve; nde ayabwaha nde napa mu kondaayi, tee mu pfutili a mukanu a nde. 31Bu basalili bakima baamoni mambu ma maabwidi, baamoni lingebe li lilahi, na baayabisi musamu huli pfumu a bo. 32Ni buuna, pfumu hatsihi musalili mo wuuna, na aleeli nde: “We musalili nga mavaanga ma mabi! Me anzyehuli mukanu a we woosi mu tooni ti we ayayiini me. 33We a haakikwila mbaahi a we lingebe, we bu me akwila we lingebe ve?” 34Pfumu abahi kesi na nde a tsindihi musalili hu kondaayi, hu bisalu bya pasi, natee bu nde hafuti byosi bi nde haba hasombo.»
35Na Yisu abweleele: «Ni buuna Taata a me wu li hu yulu husa mu benu, tso pasi nde mu benu velisa mwana a ngu a nde mu livupu kolo-kolo mu mutima a nde woosi.»
Currently Selected:
Mataayi 18: TSA
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Mataayi 18
18
Yisu li mu ulongese bayihi
18.1-35
Na alutahala bukuutu hutso Ipfumu hi mayulu?
Mlk 9.33-37; Luk 9.46-48
1Mu taangu mo yiina, bayihi baayasusaha huli Yisu na ufuula nde: «Na alutahala bukuutu hu Ipfumu hi mayulu?» 2Buuna, Yisu ateeli mwana a ngebe mumosi, asuusi nde ŋa hati la bo, 3na aleeli: «Mu mbuli me ndi mu undeele benu, tso benu a lisobi na ukituha we baana ba bangebe ve, benu a luukoto hu Ipfumu hi mayulu ve. 4Ni mu buuna, muutu wu alutahala bukuutu hu Ipfumu hi mayulu ni nde wuuna wu ubaakulamana na ubaakituha we mwana a ngebe mo wunuunu. 5Muutu wu uyaka mwana a ngebe wa bunuubu mu nduhi a me, ni me nde huuyaka.»
Ukele mu ubwisa mwana a ngebe tso mumosi mu masumu
Mlk 9.42-48; Luk 17.1-2
6Yisu abweleele: «Ka tso muutu bwisi mu masumu mumosi mu bikenyi mo biniibi, bi bili mu usiila me imiinu, hufulili bubwe huli nde ti bakutalala nde manya li laafulala bunene mu likiingu, na udyamisa nde hu tsina mubu. 7Ni lingebe li lilahi mu baatu ba ŋa toto, mu tooni ati misamu mi mibaabwisa baatu mu masumu mili mi milahi. Eye, misamu mo miina utwala uvele ve. Ka ni lingebe huli muutu wu li tooni a nziili a myo! 8Tso kaka la we libaabwisa we mu masumu, kese lo na buma lo lala na we, buuve tso huulu hwa we hubaabwisa we mu masumu, kese hwo na buma hwo lala na we. Hwafulala bubwe huli we mu ukoto na kaka limosi buuve huulu humosi hu moonyi a mbuli, ka a mu uyene hu mbungulu wu akuha ve. 9Na tso diisu la we libaabwisa we mu masumu, lobolo lo na buma lo lala. Hwafulala bubwe huli we mu ukoto hu moonyi a mbuli na diisu limosi, ka a mu uba na miisu ma we mamoole, na ubwaha we hu mbeenge a mbaahu ve.»
Kuma lindombo li laadimbala na li limiisoloho
Luk 15.3-7
10Yisu abweleele: «Baakelaani mu ubelele mumosi mu bikenyi mo biniibi. Mumbuli me ndi mu undeele benu, bapofi ba bo hu mayulu bu baaba taangu yoosi ŋa busu bwa Taata a me wu li hu mayulu. [11Mu tooni ati, Mwana a Muutu miiya mu uyobolo ba baadimbala.]
12Benu buni lili mu utsima? Tso muutu li na kama (100) li madombo, na tso limosi mu mo lidiimbili, nde a humasiisa maku ipfwa na ipfwa (99) ŋa yulu isyelo, na uyene hu uyasaha lindombo li laadimbala ve? 13Mu mbuli me ndeele benu, tso nde sooli lo, nde sa aba na kinya mu lindombo mo liina. Kinya a nde mu lo yiufulala ya mu mandombo maku ipfwa na ipfwa (99) ma maaveledimbala. 14Ni bumosi kaka, Taata a benu wu li hu mayulu a baatondo ve ti mumosi mu bikenyi mo biniibi adimbala.»
Buni mu usiila mwana a ngu a we kolo-kolo
15Yisu abweleele: «Tso mwana a ngu a we mu livupu sili we dyambu li libi, yene, yamweese nde bubi bwa nde bu benu lili boole. Nde ayuhala we, we miibingala mwana a ngu a we mu livupu. 16Ka nde aveleyuhala we, volo muutu mumosi buuve baatu boole na we, we bu Libuuku la Ngidi lili mu uleele “mana musamu woosi asungama mu imbangi hya baatu boole buuve baatu batatu#Pfu 19.15.” 17Tso nde bisi uyuhala bo, yabisa lo huli libundu. Na nde abisa kaka uyuhala baana ba ngu mu libundu, nyaha nde aba we ngoyi ŋa busu bwa we, buuve we mutsonzihi limandu. 18Mu mbuli me ndi mu undeele benu, moosi ma benu luukuta ŋa toto, Nzambi sa akuta mo hu yulu. Na moosi ma benu luunyaangula ŋa toto, Nzambi sa banyaangula mo hu yulu. 19Mu mbuli me ndi mu umbwendeele benu ti, tso baatu boole ŋa hati la benu bapfuuti matsimi ŋa toto mu uvondo pasi isiha, Taata a me wu li hu mayulu sa ava bo hyo. 20Mu tooni ati, baatu boole buuve baatu batatu bapfuutana mu nduhi a me, me ndi ŋa hati la bo.»
Kuma musalili wu abisi usa kolo-kolo
21Buuna Peetelo ayasusaha huli Yisu na afuuli nde: «Pfumu, kolo-kolo tsa kwe me utsa mwana a ngu a me mu livupu, ŋa nde husiila me ma mabi? Natee, tsa tsambu?» 22Yisu afutili: « Naana, me a handi mu undeele ve ti natee tsa tsambu. Ka we afwana mu usa nde kolo-kolo tsa maku tsambu li bikuku tsambu. 23Ni mu buuna, Ipfumu hi mayulu hyafwanina na mutumi mumosi wu tondi ukamba mbongo huli basalili ba nde. 24Bu nde abandihi usa litangu, baabehili nde musalili mumosi wu aba asombo mbongo yi ndahi-ndahi. 25Musalili a haaba na tsalu yi utwala ufuta mukanu mo wuuna ve. Buuna pfumu a nde atumi ti basumbasa nde we muviha. Nde na mukadi a nde na baana ba nde, na bisiha bya nde byosi, mana bafuta mukanu mo wuuna. 26Musalili akongimini ŋa busu bu a pfumu na aleeli: “Pfumu, suusala me puumi, me tsa pfuta bya we byosi!” 27Pfumu akwili musalili a nde lingebe, anyahuli nde na ayehuli mukanu a nde. 28Bu musalili mo wuuna hapali, nde abwani na mbaahi a nde mumosi wu isalu, wu aba asombo nde mbongo yi keehe. Nde akaangi nde, aviki nde ŋa mivodi na aleeli: “Futa bya me bi we asombo!” 29Mbaahi a nde abwili nde ŋa miilu, ayayiini nde na aleeli: Suusala me puumi, na me tsa pfuta we. 30Ka nde a hatondi ve; nde ayabwaha nde napa mu kondaayi, tee mu pfutili a mukanu a nde. 31Bu basalili bakima baamoni mambu ma maabwidi, baamoni lingebe li lilahi, na baayabisi musamu huli pfumu a bo. 32Ni buuna, pfumu hatsihi musalili mo wuuna, na aleeli nde: “We musalili nga mavaanga ma mabi! Me anzyehuli mukanu a we woosi mu tooni ti we ayayiini me. 33We a haakikwila mbaahi a we lingebe, we bu me akwila we lingebe ve?” 34Pfumu abahi kesi na nde a tsindihi musalili hu kondaayi, hu bisalu bya pasi, natee bu nde hafuti byosi bi nde haba hasombo.»
35Na Yisu abweleele: «Ni buuna Taata a me wu li hu yulu husa mu benu, tso pasi nde mu benu velisa mwana a ngu a nde mu livupu kolo-kolo mu mutima a nde woosi.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.