Mataayi 16

Bafarisi na Basaduki bali mu uvondo ipadi

Mlk 8.11-21; Luk 12.54-56

1Bafarisi na Basaduki baayasusaha huli Yisu, mu utehele nde mweto. Bo baakasaha iliimbu hya kimuhili hi hyumata hu yulu. 2Ka Yisu afutili bo: «Ŋa tsitsaha, benu libaaleele: “Tangu sa yiba yimbwe, mu tooni ati yulu laabeenge.” 3Na ŋa tsumba a ngwali, benu libaaleele: “Mvula mana unoho lolo yiniiyi, mu tooni ati, yulu laabeenge na laapiinda.” Benu libaayaba utsikaha biliimbu bya toto na bya yulu, buni benu laaveletsikaha mambu ma mali mu uvyoho mu taangu mo yiniiyi? 4Baatu ba tungi mo liniili bali ba babi na ba baavelekangama mu Nzambi. Bo bali mu usaha iliimbu, ka, a busiila bo iliimbu ikima ve ŋa yulu a hi mumbihuli Yonasi.» Titswene, nde asiisi bo na ayeni.

Usa buyedi mu ndongisili Bafarisi na Basaduki

Mlk 8.14-21

5Ŋa bayihi baakayene hu simu lina la dyanga, bo baavusiini mapa mutima. 6Yisu aleeli bo: «Kebaani! Baani na buyedi mu levure li Bafarisina na Basaduki.» 7Bayihi baakatsundana hutso mitima na baakaleelesene: «Nde amiileele buuna, mu tooni ati, bisu a libehi mapa ve.» 8Yisu a Yaabi mambu ma bo baakatsima, na nde afuuli bo: «Mu hima benu lili mu ulelesene ti: a lili na mapa ve? Benu baatu ba imiinu hya hi ikeehe! 9Benu kini a laatsikaha ve? Benu a lili mu uyibwala moonyi mu mapa mataanu ma baakabili biveeve bitaanu (5 000) bi babahala na litangu li maponzi ma benu laabiti ve? 10Na benu a lili mu uyibwala moonyi mu mapa tsambu ma baakabili biveeve bina (4 000) bi babahala na litangu la byebe bi benu laabiti ve#Mty 15.34? 11Benu a laaveletsikaha ve? Me a hakanzambila benu mu mapa ve ŋa me akandeele benu: “Keebaani mu levure li Bafarisi na Basaduki!”»

12Buuna, bayihi baatsikihi ti nde a haleeli bo mu ukebe mu levure#16.12 levure baasalila ŋaniiŋa mu umweese ipuha hya baatu ba bubaabita bana mu matsimi ma mabi. li bubaasalila mu uvaanga lipa ve. Ka mu ukebe mu ndongisili Bafarisi na Basaduki.

Peetelo aleeli ti Yisu ni Masiya

Mlk 8.27-30; Luk 9.18-21

13Yisu ayeni hu tsi a Sezare ya Filipo, nde afuuli bayihi ba nde: «Mu uyuha bitoyili bya baatu, Mwana a muutu na ali?» 14Bo baafutili: «Bamosi bali mu uleele ti, we Yowani Mutondihi we li, bakima ti, we Eliya we li; bakima ti we Yelemiya buuve mumosi mu mimbihuli we li.» 15Yisu ni ufuula bo: «Ka mu benu, me na ndi?» 16Simoni Peetelo afutili: «We ni Masiya, Mwana a Nzambi a moonyi!» 17Buuna, Yisu aleeli nde: «Kinya huli we Simoni, mwana a Yoona, mu tooni ati, a muutu miimweese we lo ve, ka Taata a me wu li hu mayulu miimweese we lo. 18Eye, me, me ndi mu undeele ti Peetelo, we li manya, na ŋa yulu a manya mo linili me tsa tuunga libundu#Efe 2.20 la me. Lipfu lo mwakulu a luutwala pasi isiha usa lo ve. 19Me tsa pa we batsaafi ba Ipfumu hi mayulu. Moosi ma we ukuta ŋa toto, Nzambi kaka sa akuta hu mayulu. Moosi ma we unyaangula ŋa toto, Nzambi kaka sa anyaangula mo hu mayulu#16.19 ufwanisa kaka na 18.18; Yow 20.23. Ma we ukuta...ma we unyaangulamambindulili makima ma we usiingasa sa basiingasa...ma we uliha sa baliha buuve ma we ukotese sa bakotese...ma we upalisa sa bapalisabuuve kaka Ma we usa kolo-kolo sa basa kolo-kolo...huuna hu we ubisa kolo-kolo, sa babisala kolo-kolo..» 20Na Yisu alihi bayihi ba nde mu uvelebila uleele huli pasi muutu ti nde ni Masiya.

Yisu miiyabisa lipfu na tsuuhili a nde

Mlk 8.31; 9.1; Luk 9.22-27; 14.25-27

21Umata taangu mo yiina, Yisu abandihi uyabisa huli bayihi ba nde ti hwafwana huli nde mu uyene hu musyenge a Yeruselemi, hu bakuutu ba bangaanga ba Nzambi, na milongisi mi Mikele buumweese nde pasi yi yaafulala. Nde sa akwa na sa asuuha mu ilumbu hi bitatu. 22Buuna Peetelo abiti Yisu ŋa muvanga na abaandihi usyembe nde: «Nzambi akeelese we, Pfumu! Ubila ve! Liina a luuyiila we ve!» 23Ka Yisu akinguhi na aleeli Peetelo: «Matila me, Saatana! We li baku mu nzila a me, mu tooni ati, matsimi ma we a mali matsimi ma Nzambi ve, ka mo mali ma baatu.»

Buni laafwana uduukala Yisu

Mlk 8.34–9.1; Luk 9.23-27

24Titswene, Yisu aleeli huli bayihi ba nde: «Tso muutu tondi uduukala me, anyaha ubwetsima mu nde mwakulu, atsyete kuruwa a nde#16.24 anyaha ubwetsima mu nde mwakulumbindulili ni ti, nde a hasaali mu nde mwakulu ve, ka nde aka wa Kristo; atsyete kuruwa a ndeutala kaka muMlk 8.34., na aduukala me. 25Ni mu buuna, woosi wu tondi ufuuhasa muvumu a nde, sa anyambasana nde, ka woosi wu unyambasana muvumu a nde mu tooni a me, sa asoolo nde. 26Ki kaluha muutu huubaha tso nde bahi tsi yoosi, na uvinda muvumu a nde? Hima muutu huutwala uva ŋa ikiisa hi idiingu hya nde? 27Mwana a Muutu sa aya hutso muyusu a Taata a nde na bapofi ba nde, na buuna nde sa asyende pasi muutu we buubeedi mbiili a nde#Mkg 62.13; Lom 2.6. 28Mu mbuli me ndi mu undeele benu: mwana a baatu bakima mu ba bali ŋaniiŋa, a buukwa ve, teehele bo bamono Mwana a Muutu mu uya mu Ipfumu hya nde.»

Currently Selected:

Mataayi 16: TSA

Highlight

Copy

Compare