Ngalaatiya 6
6
Ubitasana mipfuna
1Baana ba ngu, tso bayabiisa muutu bikuma mu uvanga lilibi, benu ba lili na livupu la Nzambi, sungahani nde mu bulembo. Na kebe we mwakulu kaka, mu uvelebwa mu lobese. 2Baabitasanani mipfuna: buna benu sa likuhasa mukele a Kristo.
Ukengese mavanga
3Tso muutu li mu unyeme mu biita la nde, hwavele uba na tsongo, nde li mu upfuta nde mwakulu. 4Pasi muutu abaakengese mavanga ma nde mwakulu. Buuna, nde utwala unyeme mu nde mwakulu, ka a mu muutu mukima ve. 5Mu toni ati, pasi muutu ahwama na mavanga ma nde.
6Nyaha muutu wu bamiilongese mambu ma Nzambi, akaba bi nde ali na byo na mulongisi a nde. 7Kebaani: Nzambi a bubaakwede ve. Bi muutu ubaakuna#Yob 4.8; Mak 22.8; Ose 8.7, ni bi nde ubaakukaha. 8Woosi wu ubaakuna mu musunya, nde sa akuukaha bi byabolo; bi bibaabita hu lipfu. Ka woosi wu ubaakuna mu Livupu, nde wuuna sa akuukaha bya monyi wu bilima na bilima. 9A likolo mu uvanga mamabwe ve. Mu toni ati, sa likuukaha mu tangu yi yafwana, tso livelimwese ikolili. 10Ni mu buuna, bu tangu yimonihili, libaavangani mamabwe huli pasi muutu, fula-fula huli baana ba ngu ba imiinu mu Kristo.
Mandongi ma tsyelele na mabwehe
11Me mwakulu ndi mu utsonehele benu mu tangu moyiniyi, we bu benu lili mu udihula bunene bu bisono bya me. 12Boosi ba bali mu ukwamisa benu ketili, bali mu usaha umonehele mu imuutu hya bo. Bo bali mu ukwamisa benu ketili, mana a batsundasa bo we ba bali mu usa imiinu mu kwili a Kristo ŋa kuruwa. 13Ka ba baakete bo mwakulu a bali mu ukinza Mikele ve. Bo batondi ti bakete benu, mana bo basa nyeme mu ketili a benu. 14Ka mu me, nyeme a me a yili mu biina byosi ve, ndulu mu kwili a Pfumu a bisu Yisu Kristo ŋa kuruwa. Mu nde mavanga mamabi moosi mamiikwa. Me kaka amiikwa ŋa busu bu mavanga ma tsi. 15Ni mu buuna, tso huli wu baakete, buve wu baavelekete, tsongo yove: hya tsongo, ni mu ukituha muutu wu munyatihi. 16Huli boosi ba bali mu usiingala ndongisili a me, me ndi mu undeele bunuubu: Nyaha hyenze na bubwe bwa Nzambi, biba mu bo na mu buli la Nzambi loosi! 17Bunuubu, muutu a habwesa me mangongo. Mu toni ati, bikidi bi me ndi na byo, ni biliimbu bi bili mu umwese ti me aka wa Yisu. 18Baana ba ngu mu Kristo, nyaha lisyeme la Pfumu a bisu Yisu Kristo, liba na benu boosi! Ameni!
Currently Selected:
Ngalaatiya 6: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Ngalaatiya 6
6
Ubitasana mipfuna
1Baana ba ngu, tso bayabiisa muutu bikuma mu uvanga lilibi, benu ba lili na livupu la Nzambi, sungahani nde mu bulembo. Na kebe we mwakulu kaka, mu uvelebwa mu lobese. 2Baabitasanani mipfuna: buna benu sa likuhasa mukele a Kristo.
Ukengese mavanga
3Tso muutu li mu unyeme mu biita la nde, hwavele uba na tsongo, nde li mu upfuta nde mwakulu. 4Pasi muutu abaakengese mavanga ma nde mwakulu. Buuna, nde utwala unyeme mu nde mwakulu, ka a mu muutu mukima ve. 5Mu toni ati, pasi muutu ahwama na mavanga ma nde.
6Nyaha muutu wu bamiilongese mambu ma Nzambi, akaba bi nde ali na byo na mulongisi a nde. 7Kebaani: Nzambi a bubaakwede ve. Bi muutu ubaakuna#Yob 4.8; Mak 22.8; Ose 8.7, ni bi nde ubaakukaha. 8Woosi wu ubaakuna mu musunya, nde sa akuukaha bi byabolo; bi bibaabita hu lipfu. Ka woosi wu ubaakuna mu Livupu, nde wuuna sa akuukaha bya monyi wu bilima na bilima. 9A likolo mu uvanga mamabwe ve. Mu toni ati, sa likuukaha mu tangu yi yafwana, tso livelimwese ikolili. 10Ni mu buuna, bu tangu yimonihili, libaavangani mamabwe huli pasi muutu, fula-fula huli baana ba ngu ba imiinu mu Kristo.
Mandongi ma tsyelele na mabwehe
11Me mwakulu ndi mu utsonehele benu mu tangu moyiniyi, we bu benu lili mu udihula bunene bu bisono bya me. 12Boosi ba bali mu ukwamisa benu ketili, bali mu usaha umonehele mu imuutu hya bo. Bo bali mu ukwamisa benu ketili, mana a batsundasa bo we ba bali mu usa imiinu mu kwili a Kristo ŋa kuruwa. 13Ka ba baakete bo mwakulu a bali mu ukinza Mikele ve. Bo batondi ti bakete benu, mana bo basa nyeme mu ketili a benu. 14Ka mu me, nyeme a me a yili mu biina byosi ve, ndulu mu kwili a Pfumu a bisu Yisu Kristo ŋa kuruwa. Mu nde mavanga mamabi moosi mamiikwa. Me kaka amiikwa ŋa busu bu mavanga ma tsi. 15Ni mu buuna, tso huli wu baakete, buve wu baavelekete, tsongo yove: hya tsongo, ni mu ukituha muutu wu munyatihi. 16Huli boosi ba bali mu usiingala ndongisili a me, me ndi mu undeele bunuubu: Nyaha hyenze na bubwe bwa Nzambi, biba mu bo na mu buli la Nzambi loosi! 17Bunuubu, muutu a habwesa me mangongo. Mu toni ati, bikidi bi me ndi na byo, ni biliimbu bi bili mu umwese ti me aka wa Yisu. 18Baana ba ngu mu Kristo, nyaha lisyeme la Pfumu a bisu Yisu Kristo, liba na benu boosi! Ameni!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.