Ngalaatiya 5
5
Kristo li mu uva bunyanga
1Kristo ava bisu bunyanga mana bisu liba bunyanga mu mbuli. Ni mu buuna, hwadaani mu ubwevelefutaha hutso a ikoholo hi buviha. 2Yuhaani! Me Pahuli ndi mu undeele benu lo: Tso baketi benu mu uba ba baasungama ŋa busu bwa Nzambi, buuna Kristo a hasaali na tsoongo huli benu ve. 3Me ndi mu umbwetsitasa lo siitasa likima, huli pasi muutu wu bali mu ukete: nde afwana ubaasiingala Mikele myosi. 4Benu ba libaasaha usungama ŋa miisu ma Nzambi, ndulu mu kuhisili Mikele, benu laamiitahuha na Kristo. Benu lamiipala mu lisyeme la Nzambi. 5Ka bisu, ba laasa hiitu hya bisu mu Nzambi, bisu lili mu ukeele mu mutima a bisu woosi. Nde sa asungaha bisu ŋa busu bwa nde, mu matwala ma Livupu. 6Ka, mu Kristo Yisu hya tsoongo, ni imiinu hi hili mu umwese mavanga mu mukele litondo, ka a mu uba wu baakete, buve wu baavelekete ve. 7Hu mbandili, ndyatili a benu aba yimbwe. Na akubasa benu baku, mu ubwevelesingala imbuli? 8Ma bali mu uleele benu mu ubaha benu, a mali mu umata huli Nzambi wu li mu uteele benu ve. 9Baatu ba baaleele: «Mwana a levini#5.9 levini iloho hi hibaadanisa paate. hoole, libaapfunasa lidaama loosi.» 10Ka, mu bungodu bwa Pfumu, me ndi na hiitu mu toni a benu. Me ndi na imiinu ti benu a lu uba na matsimi ma maasobono na ma me ve. Ka, pasi nde wu li mu udungasa benu, nde sa ayaka tsingili a Nzambi. 11Ka mu ma mamiitala me, baana ba ngu, tso me ndi mu undoongese ketili, mu ki toni bali mu ubwetsuta me? Tso ni mu buuna, me undongese maana, musamu lipfu la Yisu ŋa muti, utwala ubwekubasa pasi muutu baku ve. 12Ba bali mu ubehe budyabidi ŋa hati la benu, a basuka ndulu mu ukete ve. Bo ni bayene nate mu ukese nyutu a ibahala hya bo!
Ukumbasana
13Baana ba ngu, benu lili ba baateele mu uba bunyanga. Ka ndulu, benu a lisalila bunyanga mobuuna, mu ukuhasa mapeyu ma musunya ve. Ka nyahani mukele litondo atuma benu, mana benu li baasalasana. 14Mu toni ati Mikele myosi mya kuukama mu dyambu limosi; ni linili: «Tondo muutu na we, we we mwakulu#Lev 19.18.» 15Ka tso benu lili mu udyata we bibulu, mu ubaakahasana tso ubaabakasana, buuna benu lafwana ukele: Benu sa limana mu udubasana.
Udyata mu tumili Livupu
16Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve. 17Mu toni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa. 18Ka tso Livupu lili mu ubita benu, benu a lili hutso a tumili Mikele ve.
19Ka mavanga ma musunya mali ma maamonehele: ni bumbembo, mayamba, mbiili ya yayuhu, 20tsalili bifwita, bunganga, iboho, midiingu, nyengi mu bana, mitsotso, mafufu, kabwili, maakabu ma mabuli, 21peyu ubaha, kolili malamu, mikuungi mi mubaka udya na unywa na mavanga makima ma pila moyiina. Me apfwana ubweyibusa benu we bu me mbedi amiitswamina uleele: ba bali mu usa mavanga momaana, a bu ukoto mu Ipfumu hya Nzambi ve.
22Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini, 23bulembo na uyaaba utuma linyutu. Mikele a mili mu ulwanisa mavanga ma pila moyiina ve. 24Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.
25Livupu laava bisu monyi. Buuna, livaani lo bunyanga mana lo lituma ndyatili a bisu. 26Bisu a liba banga a nyeme ve. Na lipala mu ipfu hi ubaasongosono. A liba kaka na linyungi benu na benu ve.
Currently Selected:
Ngalaatiya 5: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Ngalaatiya 5
5
Kristo li mu uva bunyanga
1Kristo ava bisu bunyanga mana bisu liba bunyanga mu mbuli. Ni mu buuna, hwadaani mu ubwevelefutaha hutso a ikoholo hi buviha. 2Yuhaani! Me Pahuli ndi mu undeele benu lo: Tso baketi benu mu uba ba baasungama ŋa busu bwa Nzambi, buuna Kristo a hasaali na tsoongo huli benu ve. 3Me ndi mu umbwetsitasa lo siitasa likima, huli pasi muutu wu bali mu ukete: nde afwana ubaasiingala Mikele myosi. 4Benu ba libaasaha usungama ŋa miisu ma Nzambi, ndulu mu kuhisili Mikele, benu laamiitahuha na Kristo. Benu lamiipala mu lisyeme la Nzambi. 5Ka bisu, ba laasa hiitu hya bisu mu Nzambi, bisu lili mu ukeele mu mutima a bisu woosi. Nde sa asungaha bisu ŋa busu bwa nde, mu matwala ma Livupu. 6Ka, mu Kristo Yisu hya tsoongo, ni imiinu hi hili mu umwese mavanga mu mukele litondo, ka a mu uba wu baakete, buve wu baavelekete ve. 7Hu mbandili, ndyatili a benu aba yimbwe. Na akubasa benu baku, mu ubwevelesingala imbuli? 8Ma bali mu uleele benu mu ubaha benu, a mali mu umata huli Nzambi wu li mu uteele benu ve. 9Baatu ba baaleele: «Mwana a levini#5.9 levini iloho hi hibaadanisa paate. hoole, libaapfunasa lidaama loosi.» 10Ka, mu bungodu bwa Pfumu, me ndi na hiitu mu toni a benu. Me ndi na imiinu ti benu a lu uba na matsimi ma maasobono na ma me ve. Ka, pasi nde wu li mu udungasa benu, nde sa ayaka tsingili a Nzambi. 11Ka mu ma mamiitala me, baana ba ngu, tso me ndi mu undoongese ketili, mu ki toni bali mu ubwetsuta me? Tso ni mu buuna, me undongese maana, musamu lipfu la Yisu ŋa muti, utwala ubwekubasa pasi muutu baku ve. 12Ba bali mu ubehe budyabidi ŋa hati la benu, a basuka ndulu mu ukete ve. Bo ni bayene nate mu ukese nyutu a ibahala hya bo!
Ukumbasana
13Baana ba ngu, benu lili ba baateele mu uba bunyanga. Ka ndulu, benu a lisalila bunyanga mobuuna, mu ukuhasa mapeyu ma musunya ve. Ka nyahani mukele litondo atuma benu, mana benu li baasalasana. 14Mu toni ati Mikele myosi mya kuukama mu dyambu limosi; ni linili: «Tondo muutu na we, we we mwakulu#Lev 19.18.» 15Ka tso benu lili mu udyata we bibulu, mu ubaakahasana tso ubaabakasana, buuna benu lafwana ukele: Benu sa limana mu udubasana.
Udyata mu tumili Livupu
16Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve. 17Mu toni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa. 18Ka tso Livupu lili mu ubita benu, benu a lili hutso a tumili Mikele ve.
19Ka mavanga ma musunya mali ma maamonehele: ni bumbembo, mayamba, mbiili ya yayuhu, 20tsalili bifwita, bunganga, iboho, midiingu, nyengi mu bana, mitsotso, mafufu, kabwili, maakabu ma mabuli, 21peyu ubaha, kolili malamu, mikuungi mi mubaka udya na unywa na mavanga makima ma pila moyiina. Me apfwana ubweyibusa benu we bu me mbedi amiitswamina uleele: ba bali mu usa mavanga momaana, a bu ukoto mu Ipfumu hya Nzambi ve.
22Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini, 23bulembo na uyaaba utuma linyutu. Mikele a mili mu ulwanisa mavanga ma pila moyiina ve. 24Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.
25Livupu laava bisu monyi. Buuna, livaani lo bunyanga mana lo lituma ndyatili a bisu. 26Bisu a liba banga a nyeme ve. Na lipala mu ipfu hi ubaasongosono. A liba kaka na linyungi benu na benu ve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.