Filiipo KOTILI MUHANDA
KOTILI MUHANDA
Pahuli havangimisi libundu li musyenge a Filiipo, mu tangu mudyenge a nde wa myole wu isalu hi bulumbi. Liina ni libundu la tsomi, li Pahuli havangimisi hu tsi a Putu. Musyenge a Filiipo baatungasa hu Node-Esete a tsi a Ngerese, mu itanzi hya Masedonya.
Muhanda a Pahuli huli ba Mukristo ba hu Filiipo, li mu umwese itwadi hi mifudi, hi hili ŋa hati li ilumbi hya Kristo na libundu. Pahuli li mu utondo usinzahwadisa itwadi mohiina. Bunuubu, nde mu kondaayi ali. Nde li mu umono pasi mu mutima, bu nde haveletwala ukumbasa bisu Filiipo. Pahuli li mu umwese bo, ki pila litondo nde hatondo bo. Nde li mu umwese bo kaka, munyongo a nde. Mu toni ati, baatu bakima bali mu uyabisa bo Kristo mu manzila mamabi, na batondi utelemene bo (1.15-17; 2.21; 3.2,18). Pahuli na hiitu hi utsindaha batsyengi ba nde ba isalu hu musyenge a Filiipo, mu uhwadisa libundu na uyaka matsangu ma bo (2.19-30). Mu tangu moyiina, ba Mukristo ba hu musyenge a Filiipo, baatsindihi misyendo huli Pahuli (4.10-20).
Muhanda a Pahuli huli bisu Filiipo, li mu ufutala matondo huli ba Mukristo ba hu musyenge a Filiipo. Nde li mu uva bo mandongi na li mu uhwadisa bo mu imiinu hya bo.
Pahuli miisusa ŋa busu bwa bisu Filiipo, monyi na lipfu la Pfumu Yisu (2.6-11). Pahuli li mu ulongese ti, Yisu asiisi byosi bi nde haba na byo. Ni mu toni moyiina, Nzambi hasyenuli nde ŋa yulu bisiha byosi na ŋa yulu a baatu boosi. Ni bumosi kaka, nde mwakulu, Pahuli asiisi bambahi ba nde ba baamonehele ba kabu li Bayudaayo (3.3-10). Nde miisiinga nate umono pasi mu toni a Yisu Kristo. Ni mu buuna, baabwahi nde mu kondaayi. Ni huuna, nde hamiivangama mu uyeholo muvumu a nde. Pahuli hasiidi buuna, mu toni ati nde aba na hiitu ti, mbadi nde usuuha mu lipfu. Ilumbi Pahuli, li mu uleele huli bisu Filiipo, mu uduukala ifwani hya nde (3.17; 4.9).
Mu musupuunu muhanda, Pahuli li mu umwese kinya yi imiinu hili mu uva nde. Nde li mu uhwadisa bisu Filiipo mu ubaaba mutso a kinya. Kinya moyiina, yili mu umonehele ŋa hati li ikolili na mapasi, mu tangu yi ba Mukristo bali itwadi ŋa hati la bo mwakulu, napa na Pfumu Yisu.
Currently Selected:
Filiipo KOTILI MUHANDA: TSA
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Filiipo KOTILI MUHANDA
KOTILI MUHANDA
Pahuli havangimisi libundu li musyenge a Filiipo, mu tangu mudyenge a nde wa myole wu isalu hi bulumbi. Liina ni libundu la tsomi, li Pahuli havangimisi hu tsi a Putu. Musyenge a Filiipo baatungasa hu Node-Esete a tsi a Ngerese, mu itanzi hya Masedonya.
Muhanda a Pahuli huli ba Mukristo ba hu Filiipo, li mu umwese itwadi hi mifudi, hi hili ŋa hati li ilumbi hya Kristo na libundu. Pahuli li mu utondo usinzahwadisa itwadi mohiina. Bunuubu, nde mu kondaayi ali. Nde li mu umono pasi mu mutima, bu nde haveletwala ukumbasa bisu Filiipo. Pahuli li mu umwese bo, ki pila litondo nde hatondo bo. Nde li mu umwese bo kaka, munyongo a nde. Mu toni ati, baatu bakima bali mu uyabisa bo Kristo mu manzila mamabi, na batondi utelemene bo (1.15-17; 2.21; 3.2,18). Pahuli na hiitu hi utsindaha batsyengi ba nde ba isalu hu musyenge a Filiipo, mu uhwadisa libundu na uyaka matsangu ma bo (2.19-30). Mu tangu moyiina, ba Mukristo ba hu musyenge a Filiipo, baatsindihi misyendo huli Pahuli (4.10-20).
Muhanda a Pahuli huli bisu Filiipo, li mu ufutala matondo huli ba Mukristo ba hu musyenge a Filiipo. Nde li mu uva bo mandongi na li mu uhwadisa bo mu imiinu hya bo.
Pahuli miisusa ŋa busu bwa bisu Filiipo, monyi na lipfu la Pfumu Yisu (2.6-11). Pahuli li mu ulongese ti, Yisu asiisi byosi bi nde haba na byo. Ni mu toni moyiina, Nzambi hasyenuli nde ŋa yulu bisiha byosi na ŋa yulu a baatu boosi. Ni bumosi kaka, nde mwakulu, Pahuli asiisi bambahi ba nde ba baamonehele ba kabu li Bayudaayo (3.3-10). Nde miisiinga nate umono pasi mu toni a Yisu Kristo. Ni mu buuna, baabwahi nde mu kondaayi. Ni huuna, nde hamiivangama mu uyeholo muvumu a nde. Pahuli hasiidi buuna, mu toni ati nde aba na hiitu ti, mbadi nde usuuha mu lipfu. Ilumbi Pahuli, li mu uleele huli bisu Filiipo, mu uduukala ifwani hya nde (3.17; 4.9).
Mu musupuunu muhanda, Pahuli li mu umwese kinya yi imiinu hili mu uva nde. Nde li mu uhwadisa bisu Filiipo mu ubaaba mutso a kinya. Kinya moyiina, yili mu umonehele ŋa hati li ikolili na mapasi, mu tangu yi ba Mukristo bali itwadi ŋa hati la bo mwakulu, napa na Pfumu Yisu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.