Números 1
1
Cu xo'ocol jay túul le israelitaob tu pu'uquil Sinaí
1U yáax kiinil ti' u ca'a winalil tu ca'a ja'abil, tu xuul u kiinilo'ob u ca'a ja'abil jóokoco'ob le j israelitaob tu lu'umil Egiptoo', Yuumtzile' tu t'aanaj Moisés tu x tocoy lu'umil Sinaí, tu noj Paselil Much'tal yéetel Ku, ca tu ya'alaj ti': 2Xoque'ex jay túul tuláacal le j israelitaobo', ti' u múuch' cajtalilo'ob u yotochnáalo'ob u ti'al ca wojéelte'ex jay túul u j xiibilo'ob 3le máaxo'ob yaan veinte u ja'abilo'ob tac máanja'an, cu páajtal u jóokolo'ob u ti'al j ba'atele' teech yéetel Aarone' dzíibte'ex jay túul je'el bix u nu'ucta'al le kaaba'ob u ti'al j ba'atelo', 4ta wéetele'exe' yaan u yáantajo'ob jun túul u nojchil ti' jujun p'éel u múuch' cajtalil a wotochnáale'ex. 5Lelo'oba' u kaaba'ob le u nojchilo'ob naj u ti'al u yáante'ex:
U nojochil u ch'i'ibalo'ob Rubene': Elisur, u paal Sedeur.
6U nojochil u ch'i'ibalo'ob Simeone': Selumiel, u paal Zurisadai.
7U nojochil u ch'i'ibalo'ob Judae': Naasón, u paal Aminadad.
8U nojochil u múuch' cajtalil u yotochonáalo'ob Isacare': Natanael, u paal Zuar.
9U nojochil u ch'i'ibalo'ob Zabulone': Eliab, u paal Helón.
10U nojochil u ch'i'ibalo'ob Josee': tu yo'olal Efraine' Elisama, u paal Amiud, tu yo'olal Manasese', Gamaliel u paal Pedasur.
11U nojochil u ch'i'ibalo'ob Benjamine': Abidán u paal Gedeón.
12U nojochil u múuch' cajtalil yotochnáalo'ob Dane': Ahiezer, u paal Amisadai.
13U nojochil u ch'i'ibalo'ob Asere': Pagiel, u paal Ocrán.
14U nojochil u ch'i'ibalo'ob Gade': Eliasaf, u paal Reuel.
15U nojochil u ch'i'ibalo'ob Neftalie': Ahira, u paal Enán.
16Lelo'oba' u nojchilo'ob ichil u múuch' cajtalilo'ob u cajnáalilo'ob u yotochnáalo'ob Israel, yéeyabo'ob u ti'al j t'aan tu yo'olal u yéet otochnáalo'ob. 17-18Moisés yéetel Aarón túune', tu yáax kiinil u ca'a p'éel winalil le ja'abo'; tu much'quintajo'ob le j xiibo'ob yéeya'ano'ob tu kaaba'ob tumen Ku, bey xan tuláacal le caajo', ca tu dzíibtajo'ob u kaaba'ob tuláacal le j israelitaobo', tu dzíibtajo'ob u kaaba'ob le j xiibo'ob tu tzoolol u múuch' otochnáalo'ob bey u yotochnáalilo'ob, maanal veinte u ja'abilo'ob, 19jach je'el bix tu nu'uctilac Yuumtzil ti' Moisese', le dzíibil kaaba' j beeta'ab tu x tocoy lu'umil Sinaí. 20-21Le ca j dzo'oc u xo'ocol jay túulo'ob ti' u ch'i'ibalo'ob, tu jooltaquil najo'obe', j dzíibta'ab u kaaba' tu jujun túulil, yéetel u xo'ocol jay túul le j xiibo'ob yaan maanal veinte ja'abo'ob ti'ob tu chucaj le buca'aja':
Ti' u ch'i'ibalo'ob Rubene', u nojchil paal Israele', j xo'oc cuarenta yéetel seis mil quinientos j xiibo'ob ma'alobo'ob u ti'al j ba'atel.
22-23Ti' u ch'i'ibalo'ob Simeone' j xo'oc cincuenta yéetel nueve mil trescientos.
24-25Ti' u ch'i'ibalilo'ob Gade' j xo'oc cuarenta yéetel cinco mil setecientos cincuenta.
26-27Ti' u ch'i'ibalo'ob Judae' xo'oc setenta yéetel cuatro mil setecientos.
28-29Ti' u ch'i'ibalo'ob Isacare' xo'oc cincuenta yéetel siete mil cuatrocientos.
30-31Ti' u ch'i'ibalo'ob Zabulone' j xo'oc cincuenta yéetel siete mil cuatrocientos.
32-35Ti' u ch'i'ibalo'ob Josee'. J xo'oc cuarenta mil quinientos, ti' u ch'i'ibalo'ob Efraine', treinta yéetel dos mil doscientos ti' u ch'i'ibalo'ob Manasés.
36-37Ti' u ch'i'ibalo'ob Benjamine' xo'oc treinta yéetel cinco mil cuatrocientos.
38-39Ti' u ch'i'ibalo'ob Dane' j xo'oc setenta yéetel dos mil setecientos.
40-41Ti' u ch'i'ibalo'ob Asere' j xo'oc cuarenta y un mil quinientos.
42-43Ti' u ch'i'ibalo'ob Neftalie' j xo'oc cincuenta yéetel tres mil cuatrocientos.
44Le dzíibil kaaba'ob tu beetaj Moisés, Aarón yéetel doce u nuuquilo'ob israelitaob, u aj méektáan u ch'i'ibalo'ob yéetel u j otochnáalo'ob, buca'aj tu chucaja': 45le j israelitaob ma'alob u ti'al ba'atel dzo'oc u máan veinte u ja'abilo'obo', 46tu chucaj seiscientos yéetel tres mil quinientos tu pa'ate'il.
Le ba'axo'ob j dza'ab u beeto'ob le j Levitaob
47Le j levitaobo' ma' j xo'oc u ch'i'ibalo'ob pa'ate' yéetel u láak múuch' cajtalil otochnáalo'obe', 48tumen Yuumtzile' u ya'almaj ca'ach ti' Moisés: 49le quéen a xoc le israelitaobo' ma' bíin a xoc u ch'i'ibalo'ob Levii' pa'ate' yéetelo'obi'. 50Le j levitaobo' unaj a dzáico'ob u ti'al u beetico'ob u meeyjul u quili'ich najil Nup t'aan, tuláacal le nu'uculo'ob yéetel u láak ba'alo'ob yaan te j quili'ich najo'. Leti'obe' dza'ano'ob u ti'al u bisico'ob le quili'ich najo' yéetel u nu'ucul u meyajo'ob, bey xan u ti'al tuláacal u meyajil. U najmal u cajtalo'ob tu bakpach le quili'ich najo'. 51Le quéen kabéetchajac u bisa'al le quili'ich najo' yaan u wach'ico'ob bey xan le tu'ux bíin je'eleco'obe' yaan u ca'a kaxico'ob. Wa u láak máac cu náadzal ti' le quili'ich najo' yaan u xot kinta'al j quíimil. 52Le u láak israelitaobo' yaan u much'talo'ob bey u much'talo'ob le máaxo'ob cu ba'atelo'obo', tu jujun túule' tu Noj Paselil tu yicnal xan u lacam. 53Le j levitaobo' leti'obe' yaan u much'talo'ob tu bakpach u quili'ich najil le Nup t'aano', u ti'al u canantico'ob ma' u p'u'ujul Yuumtzil ti' le israelitaobo'.
54Le j israelitaob tu beetajo'ob tuláacal je'el bix tu tzol t'antaj Yuumtzil ti' Moiseso'.
Currently Selected:
Números 1: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992