Mateyu 21
21
Ukulafya pano Yesu akwinjila mwe Yerusalemu
(Marko 11:1-11; Luka 19:28-40; Yohani 12:12-19)
1Awala wapalamila kwe Yerusalemu, awanya ku Betifage, kumwamba wamingungu. Kokonye akuno Yesu atuma awasambilizi wakwe wawili ukuti wakolele 2awakomelezya ati, Yanji kukaya kano kali wulunga namwe, mwandi mukazane indokwe ikunzilwe numwana wandokwe apaliponga nayo. Muzisapule muzilete kwenene. 3Ndiwumwi waya wawawuzya chimwi, mumunene muti, Tatakulu ali nachino akuzilondela; wandi akazitaye nanti kuzimba.
4Choo chachisilwe alyakuti chifiswe chino chavwanzilwe numutumwa ukuti,
5Nena akaya kakwe Zioni, uti,
Imfumu yako ikwiza kwewewe,
Wechimyamya swinya akwelezile pandokwe,
pakandokwe umwana wandokwe.
6Achaleka awasambilizi wakwe awakolela awachitila ndimuno Yesu wawanenezile: 7awaya awaleta indokwe nakana kandokwe. 8Iwumba kulu ilyawantu awanza imyinjilo yawo munzila, wamwi awapambula insamba zyamiti awanza munzila. 9Amawumba yano yakolezile, nayano yasyalichile ayatalika ukupunda wakuti, Tumvanji umwanakwe Davidi! Leza apepe wino akwizila mwizina lya Mfumu e Leza!
10Ala Yesu winjila mwe Yerusalemu akaya konsi akati zumbu-zumbu awati, Ngaweweni?
11Amawumba ayatolelela ayati, We Yesu umutumwa, wafumilila kwe Nazareti wa mu Galileya,
Yesu aya kung'anda yakwe Leza
(Marko 11:15-19; Luka 19:45-48; Yohani 2:13-22)
12Yesu ayinjila mung'anda yakwe Leza aya awinga wonsi wane wakalanga nawano wakazyanga mung'anda yakwe Leza; apenulania amatebulo yakwe wane wakawunkanianga indalama, apenulania nivilimba vyakwe wane walonzyanga inkunda, 13awanena ati, Chawalikwa mumawaliko matele muno Leza wavwanga wati, Ing'anda yane iliwakwitwa ang'anda yakupepela. Ukuwa mwenji mwayichita yawa ang'anda yakuvwama awang'o mwenemo!
14Intonko nawachikonta awaya kweweliwe mung'anda yakwe Leza aya awapozya. 15Wasimapepo wakulu nawasambilizya wamasundo awavitwa pano walola ivizungusyo vikuchitwa, nawana wane wapundanga mung'anda yakwe Leza watanji, Tumvyanji umwanakwe Davidi!
16Achaleka awanena Yesu awati, Wuzye ukwivwa chino wakutaka? Yesu atolelela ati, Nachawuzimanye nkwivwa. Wuzye mutawazya amawaliko matele yaa? Mwasambilizya awana winu nutunya ukuti watumvya nukutumvya kwenecho.
17Yesu awasya afuma mukaya aya ku Betane aya alala kokonye,
Yesu atipa umukunyu
(Marko 11:12-14, 20-24)
18Ala pano ali pamusinzo akunyochela kwe Yerusalemu, uwacha mwepwi, inzala imuluma. 19Alola umukunyu mumbali yanzila aya kweneko, ukuwa nanti kuzana chimwi suka ndamafwa matupu. Achaleka anena umuti ati, Utalitela ukome ivikomwa nawanda! Napaponapapo umuti awukala.
20Awasambilizi awalola chochonye awazunguka awati, Nga umukunyu wakala nanti kuzimba wuli?
21Yesu awatolelela ati, Yizukani choo! Nd'achino mukusuwila nanti kuvwilika, muliwachita chino nachita, nanti kuchita chino nachita kumukunyu kutupu, ukuwa muliwa namaka yakunena umwambanye woo muti, Simpuka ukayisumbile mwesumbi, wulisimpuka. 22Ndi muli nisuwilo, mulipochelela chonsinye chino mwalenga mwipepo.
Iwuzyo kuvyamaka yakwe Yesu
(Marko 11:27-33; Luka 20:1-8)
23Yesu anyochela kung'anda yakwe Leza; ala vino akusambilizya, wasimapepo wakulu nawasongo wawa Yuda awaya kweweliwe awamuwuzya awati, Nga amakachi yano ukuchitila ivintunye vyoo? Ngaweni wakupa amakanye yaa?
24Yesu atolelela ati, Nandi mbawuzye iwuzyo lyonga, nd'achino mwantolelela nandi mbanene amaka yano nkuchitila ivintunye vyoo. 25Nga Yohani wafumizye amaka yakubatizizyakwi: wuzye wafumizye kwe Leza pamwi kuwantu?
Awatalika ukupanzyania wakuti, Nga twandi tuti wuli? Nditwatolelela twati, wafumizye amaka kwe Leza, wandi atunene ati, Ngafwandi amuno chani chino mutasuwizile Yohani? 26Napo nditwati amaka yafumile kuwantu, tukusaya chino awantu wangachita, amuno wonsi wapanichisya kuno Yohani walinji amutumwa. 27Achaleka watolelezile Yesu awati, Tutamanyile.
Nawenye ati, Nant'anenenye ntandi mbanene, amaka yano nkuchitila ivintunye vyoo,
Umulumbe wawana wawili
28Ukuwa, ngamwenji mukuti wuli? Umuntu wumwi walinji nawanachonsi wawili. Aya kwesongo amunena ati, Mwana, yanga mukuwomba muchalo chavikomwa ilelo, 29Umwanakwe amutolelela ati, Nsinakuya, ukuwa pansizi ayelengania aya mukuwomba. 30Yisi anyoka aya kumwana winji aya amunena ichilichonga. Umwananye weyo amutolelela ati, Eta, nandi inje. Ukuwa atatezile aye mukuwomba. 31Wuzye pawananye waa wawili weni wachisile chino yisi walondanga?
Awatolelela awati, Esongo awino wachisile ichete.
Yesu wawanenile ati, Wakasonchezya wamusonko nawazelele waliwatanjilila ukwinjila mu Wufumu wakwe Leza. 32Amuno Yohani kabatizya wizile awalanjizya inzila yakukonka, ukuwa mwakanile ukumusuwila; ukuwa wakasonchezya wamusonko nawazelele weni wamusuwizile. Nanti apano mwaweni chochonye mutatela mupilule amelengania yinu pansizi mumusuwile.
Umulumbe wamwenichalo chamiti yavikomwa
(Marko 12:1-12; Luka 20:9-19)
33Yesu ati, Yivwani umulumbe wunji. Kwalinji esichilima wino walembesile imiti yavikomwa vino wakasuta ipala, apinda ulwamba aliwilizya, akumba nichakufinila ivikomwa mwenemo, azenga nuwulunga. Azumilizyania nawanji ukuti wikale muchalo wawalya ivyamwenemo wamulipila; weni aya kunji. 34Ila impindi yakukuntula ivikomwa yapalamila, atuma awazya wakwe kwewano wasunganga ichalo ukuti wakamupe ivikomwa vyakwe. 35Wano wasunganga ichalo awalema awazya wamwenichalo, awuma wenga, awakoma umuwuye, awapola winji namawe. 36Swinyanye umuntu atuma awazya wanji, awavule ukulusye wano watumile pakutalika, ukuwa wano wasunganga ichalo awaya awawachita ndivino wachisile awakutalika. 37Pakupelelechezya atuma umwanakwe. Ati, Umwanane weni wandi wakamuchindike. 38Ukuwa awala wano wasunganga ichalo walola umwanakwe awavwanzyania awati, Wee amwana wamwenichalo. Saleni, tumukome, ngatusande insawo yakwe iwe ayitu! 39Achaleka awamulema, awamusumbila kunzi yachalo. awamukoma.
40Yesu awuzya ati Ale, wuzye pano umwenichalo wiza waya, alichita wuli nawantunye wawo?
41Awamutolelela awati, Nachawuzimanye alikoma awawipenye wawo, ape ichalo chakwe kuwalimi wanji, wane waliwamupa ivikomwa vyakwe mumpindi nzipile.
42Yesu awanena ati, Wuzye musitela muwazye chino amawaliko matele yavwanga ukuti,
Iwe lino wakazenga walikana wati alyavye
lyolyonye alino lyanyosile aliwa aliwe lyenecho.
Chonye-choo chachisilwe ni MfumueLeza;
Ye, achakuzungusya wuli!
43Yesu anyoka avwanga ati, Mulipokwa Uwufumu wakwe Leza wupwe kuwantu wane walikoma ivikomwa. [ 44Wensi wino wiza waponela piwenyelyoo alivunika alepunkane; ukuwa ndi iwe liza lyaponela wumwi lilimusyutungula witukumbu.]
45Wasimapepo wakulu nawa Falisi wivwile imilumbe yakwe Yesu awiluka kuno wawanenanga woliwonye. 46achaleka awalonda ukumulema, ukuwa awatina amawumba, muno yeni yasuwizile Yesu kuno walinji amutumwa.
Currently Selected:
Mateyu 21: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 21
21
Ukulafya pano Yesu akwinjila mwe Yerusalemu
(Marko 11:1-11; Luka 19:28-40; Yohani 12:12-19)
1Awala wapalamila kwe Yerusalemu, awanya ku Betifage, kumwamba wamingungu. Kokonye akuno Yesu atuma awasambilizi wakwe wawili ukuti wakolele 2awakomelezya ati, Yanji kukaya kano kali wulunga namwe, mwandi mukazane indokwe ikunzilwe numwana wandokwe apaliponga nayo. Muzisapule muzilete kwenene. 3Ndiwumwi waya wawawuzya chimwi, mumunene muti, Tatakulu ali nachino akuzilondela; wandi akazitaye nanti kuzimba.
4Choo chachisilwe alyakuti chifiswe chino chavwanzilwe numutumwa ukuti,
5Nena akaya kakwe Zioni, uti,
Imfumu yako ikwiza kwewewe,
Wechimyamya swinya akwelezile pandokwe,
pakandokwe umwana wandokwe.
6Achaleka awasambilizi wakwe awakolela awachitila ndimuno Yesu wawanenezile: 7awaya awaleta indokwe nakana kandokwe. 8Iwumba kulu ilyawantu awanza imyinjilo yawo munzila, wamwi awapambula insamba zyamiti awanza munzila. 9Amawumba yano yakolezile, nayano yasyalichile ayatalika ukupunda wakuti, Tumvanji umwanakwe Davidi! Leza apepe wino akwizila mwizina lya Mfumu e Leza!
10Ala Yesu winjila mwe Yerusalemu akaya konsi akati zumbu-zumbu awati, Ngaweweni?
11Amawumba ayatolelela ayati, We Yesu umutumwa, wafumilila kwe Nazareti wa mu Galileya,
Yesu aya kung'anda yakwe Leza
(Marko 11:15-19; Luka 19:45-48; Yohani 2:13-22)
12Yesu ayinjila mung'anda yakwe Leza aya awinga wonsi wane wakalanga nawano wakazyanga mung'anda yakwe Leza; apenulania amatebulo yakwe wane wakawunkanianga indalama, apenulania nivilimba vyakwe wane walonzyanga inkunda, 13awanena ati, Chawalikwa mumawaliko matele muno Leza wavwanga wati, Ing'anda yane iliwakwitwa ang'anda yakupepela. Ukuwa mwenji mwayichita yawa ang'anda yakuvwama awang'o mwenemo!
14Intonko nawachikonta awaya kweweliwe mung'anda yakwe Leza aya awapozya. 15Wasimapepo wakulu nawasambilizya wamasundo awavitwa pano walola ivizungusyo vikuchitwa, nawana wane wapundanga mung'anda yakwe Leza watanji, Tumvyanji umwanakwe Davidi!
16Achaleka awanena Yesu awati, Wuzye ukwivwa chino wakutaka? Yesu atolelela ati, Nachawuzimanye nkwivwa. Wuzye mutawazya amawaliko matele yaa? Mwasambilizya awana winu nutunya ukuti watumvya nukutumvya kwenecho.
17Yesu awasya afuma mukaya aya ku Betane aya alala kokonye,
Yesu atipa umukunyu
(Marko 11:12-14, 20-24)
18Ala pano ali pamusinzo akunyochela kwe Yerusalemu, uwacha mwepwi, inzala imuluma. 19Alola umukunyu mumbali yanzila aya kweneko, ukuwa nanti kuzana chimwi suka ndamafwa matupu. Achaleka anena umuti ati, Utalitela ukome ivikomwa nawanda! Napaponapapo umuti awukala.
20Awasambilizi awalola chochonye awazunguka awati, Nga umukunyu wakala nanti kuzimba wuli?
21Yesu awatolelela ati, Yizukani choo! Nd'achino mukusuwila nanti kuvwilika, muliwachita chino nachita, nanti kuchita chino nachita kumukunyu kutupu, ukuwa muliwa namaka yakunena umwambanye woo muti, Simpuka ukayisumbile mwesumbi, wulisimpuka. 22Ndi muli nisuwilo, mulipochelela chonsinye chino mwalenga mwipepo.
Iwuzyo kuvyamaka yakwe Yesu
(Marko 11:27-33; Luka 20:1-8)
23Yesu anyochela kung'anda yakwe Leza; ala vino akusambilizya, wasimapepo wakulu nawasongo wawa Yuda awaya kweweliwe awamuwuzya awati, Nga amakachi yano ukuchitila ivintunye vyoo? Ngaweni wakupa amakanye yaa?
24Yesu atolelela ati, Nandi mbawuzye iwuzyo lyonga, nd'achino mwantolelela nandi mbanene amaka yano nkuchitila ivintunye vyoo. 25Nga Yohani wafumizye amaka yakubatizizyakwi: wuzye wafumizye kwe Leza pamwi kuwantu?
Awatalika ukupanzyania wakuti, Nga twandi tuti wuli? Nditwatolelela twati, wafumizye amaka kwe Leza, wandi atunene ati, Ngafwandi amuno chani chino mutasuwizile Yohani? 26Napo nditwati amaka yafumile kuwantu, tukusaya chino awantu wangachita, amuno wonsi wapanichisya kuno Yohani walinji amutumwa. 27Achaleka watolelezile Yesu awati, Tutamanyile.
Nawenye ati, Nant'anenenye ntandi mbanene, amaka yano nkuchitila ivintunye vyoo,
Umulumbe wawana wawili
28Ukuwa, ngamwenji mukuti wuli? Umuntu wumwi walinji nawanachonsi wawili. Aya kwesongo amunena ati, Mwana, yanga mukuwomba muchalo chavikomwa ilelo, 29Umwanakwe amutolelela ati, Nsinakuya, ukuwa pansizi ayelengania aya mukuwomba. 30Yisi anyoka aya kumwana winji aya amunena ichilichonga. Umwananye weyo amutolelela ati, Eta, nandi inje. Ukuwa atatezile aye mukuwomba. 31Wuzye pawananye waa wawili weni wachisile chino yisi walondanga?
Awatolelela awati, Esongo awino wachisile ichete.
Yesu wawanenile ati, Wakasonchezya wamusonko nawazelele waliwatanjilila ukwinjila mu Wufumu wakwe Leza. 32Amuno Yohani kabatizya wizile awalanjizya inzila yakukonka, ukuwa mwakanile ukumusuwila; ukuwa wakasonchezya wamusonko nawazelele weni wamusuwizile. Nanti apano mwaweni chochonye mutatela mupilule amelengania yinu pansizi mumusuwile.
Umulumbe wamwenichalo chamiti yavikomwa
(Marko 12:1-12; Luka 20:9-19)
33Yesu ati, Yivwani umulumbe wunji. Kwalinji esichilima wino walembesile imiti yavikomwa vino wakasuta ipala, apinda ulwamba aliwilizya, akumba nichakufinila ivikomwa mwenemo, azenga nuwulunga. Azumilizyania nawanji ukuti wikale muchalo wawalya ivyamwenemo wamulipila; weni aya kunji. 34Ila impindi yakukuntula ivikomwa yapalamila, atuma awazya wakwe kwewano wasunganga ichalo ukuti wakamupe ivikomwa vyakwe. 35Wano wasunganga ichalo awalema awazya wamwenichalo, awuma wenga, awakoma umuwuye, awapola winji namawe. 36Swinyanye umuntu atuma awazya wanji, awavule ukulusye wano watumile pakutalika, ukuwa wano wasunganga ichalo awaya awawachita ndivino wachisile awakutalika. 37Pakupelelechezya atuma umwanakwe. Ati, Umwanane weni wandi wakamuchindike. 38Ukuwa awala wano wasunganga ichalo walola umwanakwe awavwanzyania awati, Wee amwana wamwenichalo. Saleni, tumukome, ngatusande insawo yakwe iwe ayitu! 39Achaleka awamulema, awamusumbila kunzi yachalo. awamukoma.
40Yesu awuzya ati Ale, wuzye pano umwenichalo wiza waya, alichita wuli nawantunye wawo?
41Awamutolelela awati, Nachawuzimanye alikoma awawipenye wawo, ape ichalo chakwe kuwalimi wanji, wane waliwamupa ivikomwa vyakwe mumpindi nzipile.
42Yesu awanena ati, Wuzye musitela muwazye chino amawaliko matele yavwanga ukuti,
Iwe lino wakazenga walikana wati alyavye
lyolyonye alino lyanyosile aliwa aliwe lyenecho.
Chonye-choo chachisilwe ni MfumueLeza;
Ye, achakuzungusya wuli!
43Yesu anyoka avwanga ati, Mulipokwa Uwufumu wakwe Leza wupwe kuwantu wane walikoma ivikomwa. [ 44Wensi wino wiza waponela piwenyelyoo alivunika alepunkane; ukuwa ndi iwe liza lyaponela wumwi lilimusyutungula witukumbu.]
45Wasimapepo wakulu nawa Falisi wivwile imilumbe yakwe Yesu awiluka kuno wawanenanga woliwonye. 46achaleka awalonda ukumulema, ukuwa awatina amawumba, muno yeni yasuwizile Yesu kuno walinji amutumwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.