Mateyu 20
20
Awawomvi wamuchalo chamiti yavikomwa
1Uwufumu wamwiyulu wakolana numwenichalo wino wapulusile mwepwi kukulalika awakuwomba muchalo chakwe ichavikomwa. 2A walayana ukuwalipa ndivino walipilanga ulundalama longa, pawanda wonga, awatuma kuchalo chakwe kukuwomba. 3Swinya pano ilanzi lyakwela katichi aya pamasyo yakukazizya alola wanji wimilile wowo, 4achaleka awanena ati, Namwenye yanji kuchalo chavikomwa, nandi njize mbalipile ichetenye. 5Achaleka awaya. Anyoka swinya pano ilanzi lyawa pamutwe, napano ilanzi lyasenuka achita wowonye. 6Alila pano ilanzi lyapona aya pamasyo yakukazizya alola awonsi wawili wimilile penepo. Awawuzya ati, Ngamuno chani chino mwimilile paa awowo uwanda nuwukulu? 7Awamutolelela awati, Amuno pasi wumwi wino atulalisile, Awanena ati, Saleni fwandi namwenye yanji kuchalo chavikomwa.
8Akula kwila, umwenichalo anena kapimpizya wakwe ati, Vita awawomvi uyize uwalipile, utalichile kwewano wizile pansizi, upelelechezye wano watela wizile pakutalika. 9Awantu wano wayile mukuwomba pano ilanzi lyapona awalipilwa ulundalama longa-longa. 10Achaleka awantu wano watalichizile ukuya mukuwomba awakwelengania wakuti wandi wapochelele walusye; ukuwa nawonye awapochelela ulundalama longa-longa. 11Awala wapochelela awavitilwa umwenichalo. Awati, 12Waa awansizi wawomvile akapindi katichinye, pano swenji twatela tusenzile umulimo wawanda wonsi nukupya numusanya wonsi—ukuwa naponye watulingania amalipilo! 13Ukuwa umwenichalo atolelela anena wenga uwakwe woliwo ati, Yivwa wane, ntakuchenjezizye. Ukuwa, ngavino twatela tulayine ulundalama longa kuwanda wonsi. 14Achaleka pochelela uwapita kumwinu. Akulonda kwane ukulipila uwansizinye wee ndivino wewe. 15Wuzye chisi achane ukuchita ndimuno nkulondela nindalama zyane? Wuzye pamwi uwuzuwa wakulema muno awila wane?
16Yesu apelelechezya namazwi yakuti, Achaleka awakupelelechezya waliwa awakutalika, nawakutalika waliwa awakupelelechezya.
Yesu avwanga ivyamfwa yakwe impindi yachititatu
(Marko 10:32-34; Luka 18:31-34)
17Ala vino Yesu akuya ku Yerusalemu asenda awasambilizi wakwe ikumi nawawili, pano wakupita awanena kumbali ati, 18Yivwani, kanonzi tukuya ku Yerusalemu, Umwanamuntu wandi akalemekwe kwe wasimapepo wakulu nakuwasambilizya wamasundo. Wakamupanzizye kumfwa 19wamulemeke kumakandi, wamusoweke, wamuvwapule, wamupamantile pawuchingane; ukuwa pawanda wachiritatu azyulupulwe.
Emuka Zebediya nu Yesu
(Marko 10:35-45)
20Ngapano nyina wawanakwe Zebediya aya kwe Yesu nawanakwe, afika afukama, amulambilizya ukuti amulole inkumbu.
21Yesu amuwuzya ati, Ng'ukulonda chani?
Amutolelela ati, Nazina layilizya ukuti awanane waa wowili wize wikale wumwi kwikasa lyako ilyandilo wumwi kwekamani mu Wufumu wako.
22Ukuwa Yesu awatolelela ati, Mutamanyile nachino mukulenga. Wuzye mungang'wela mulupindi luno nandi ng'wele?
Awamutolelela awati, Tungang'wela. 23Yesu awanena ati, Awenche muling'wela ulupindi lwane, ukuwa ivyakwikala kwiyakasa lyane ilyandilo nilyakwe kamani ukuwa chisi achane ukusola wumwi. Amasyonye ayakwe wano Umonsi wane wawayanizya.
24Awala awasambilizi ikumi wivwa awavitilwa awang'anda yonga wawili, 25Ukuwa Yesu awita wonsi apaliponga ati, Mwamanya kuno izyamfumu zikapanzya awantu wawo, awalanga wakupanzya nawakapanzya wawo. 26Ukuwa naponye, mwenji asi avino chili. Ukuwa ndiwumwi pakwe mwemwe akulonda ukuwa amukulu, wazipila awapyunjila wanji; 27nawensi mwakwe mwemwe wino akulonda ukuwa awakutalika, wazipila awa amuzya winu - 28ndivino Umwanamuntu, wino atizizile kukupyunjilwa, nkandi kukupyunjila nukutaya uwumi wakwe kukutula awavule.
Yesu apozya intonko ziwili
(Marko 10:46-52; Luka 18:35-43)
29Awala pano wakufuma mwe Jeriko iwumba kulu alikonka Yesu. 30Lolani, intonko ziwili zino zyisile mumbali yanzila azyivwa kuno Yesu wapitanga, achaleka azipunda aziti, Wemwanakwe Davidi! Tufwile inkumbu, mulali!
31Iwumba alizikalipila ukuti zimyalale. Ukuwa zipundisya nkani aziti, Wemwanakwe Davidi! Tufwile inkumbu, mulali!
32Yesu ayimilila awita ati, Ngamukasi mbachitile chani?
33Azitolelela aziti, Mfumu, tukasi ukuti utupe icheni!
34Yesu awalola inkumbu akumvya aminso yawo; napaponapapo awatalika ukulola, awamukonka.
Currently Selected:
Mateyu 20: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 20
20
Awawomvi wamuchalo chamiti yavikomwa
1Uwufumu wamwiyulu wakolana numwenichalo wino wapulusile mwepwi kukulalika awakuwomba muchalo chakwe ichavikomwa. 2A walayana ukuwalipa ndivino walipilanga ulundalama longa, pawanda wonga, awatuma kuchalo chakwe kukuwomba. 3Swinya pano ilanzi lyakwela katichi aya pamasyo yakukazizya alola wanji wimilile wowo, 4achaleka awanena ati, Namwenye yanji kuchalo chavikomwa, nandi njize mbalipile ichetenye. 5Achaleka awaya. Anyoka swinya pano ilanzi lyawa pamutwe, napano ilanzi lyasenuka achita wowonye. 6Alila pano ilanzi lyapona aya pamasyo yakukazizya alola awonsi wawili wimilile penepo. Awawuzya ati, Ngamuno chani chino mwimilile paa awowo uwanda nuwukulu? 7Awamutolelela awati, Amuno pasi wumwi wino atulalisile, Awanena ati, Saleni fwandi namwenye yanji kuchalo chavikomwa.
8Akula kwila, umwenichalo anena kapimpizya wakwe ati, Vita awawomvi uyize uwalipile, utalichile kwewano wizile pansizi, upelelechezye wano watela wizile pakutalika. 9Awantu wano wayile mukuwomba pano ilanzi lyapona awalipilwa ulundalama longa-longa. 10Achaleka awantu wano watalichizile ukuya mukuwomba awakwelengania wakuti wandi wapochelele walusye; ukuwa nawonye awapochelela ulundalama longa-longa. 11Awala wapochelela awavitilwa umwenichalo. Awati, 12Waa awansizi wawomvile akapindi katichinye, pano swenji twatela tusenzile umulimo wawanda wonsi nukupya numusanya wonsi—ukuwa naponye watulingania amalipilo! 13Ukuwa umwenichalo atolelela anena wenga uwakwe woliwo ati, Yivwa wane, ntakuchenjezizye. Ukuwa, ngavino twatela tulayine ulundalama longa kuwanda wonsi. 14Achaleka pochelela uwapita kumwinu. Akulonda kwane ukulipila uwansizinye wee ndivino wewe. 15Wuzye chisi achane ukuchita ndimuno nkulondela nindalama zyane? Wuzye pamwi uwuzuwa wakulema muno awila wane?
16Yesu apelelechezya namazwi yakuti, Achaleka awakupelelechezya waliwa awakutalika, nawakutalika waliwa awakupelelechezya.
Yesu avwanga ivyamfwa yakwe impindi yachititatu
(Marko 10:32-34; Luka 18:31-34)
17Ala vino Yesu akuya ku Yerusalemu asenda awasambilizi wakwe ikumi nawawili, pano wakupita awanena kumbali ati, 18Yivwani, kanonzi tukuya ku Yerusalemu, Umwanamuntu wandi akalemekwe kwe wasimapepo wakulu nakuwasambilizya wamasundo. Wakamupanzizye kumfwa 19wamulemeke kumakandi, wamusoweke, wamuvwapule, wamupamantile pawuchingane; ukuwa pawanda wachiritatu azyulupulwe.
Emuka Zebediya nu Yesu
(Marko 10:35-45)
20Ngapano nyina wawanakwe Zebediya aya kwe Yesu nawanakwe, afika afukama, amulambilizya ukuti amulole inkumbu.
21Yesu amuwuzya ati, Ng'ukulonda chani?
Amutolelela ati, Nazina layilizya ukuti awanane waa wowili wize wikale wumwi kwikasa lyako ilyandilo wumwi kwekamani mu Wufumu wako.
22Ukuwa Yesu awatolelela ati, Mutamanyile nachino mukulenga. Wuzye mungang'wela mulupindi luno nandi ng'wele?
Awamutolelela awati, Tungang'wela. 23Yesu awanena ati, Awenche muling'wela ulupindi lwane, ukuwa ivyakwikala kwiyakasa lyane ilyandilo nilyakwe kamani ukuwa chisi achane ukusola wumwi. Amasyonye ayakwe wano Umonsi wane wawayanizya.
24Awala awasambilizi ikumi wivwa awavitilwa awang'anda yonga wawili, 25Ukuwa Yesu awita wonsi apaliponga ati, Mwamanya kuno izyamfumu zikapanzya awantu wawo, awalanga wakupanzya nawakapanzya wawo. 26Ukuwa naponye, mwenji asi avino chili. Ukuwa ndiwumwi pakwe mwemwe akulonda ukuwa amukulu, wazipila awapyunjila wanji; 27nawensi mwakwe mwemwe wino akulonda ukuwa awakutalika, wazipila awa amuzya winu - 28ndivino Umwanamuntu, wino atizizile kukupyunjilwa, nkandi kukupyunjila nukutaya uwumi wakwe kukutula awavule.
Yesu apozya intonko ziwili
(Marko 10:46-52; Luka 18:35-43)
29Awala pano wakufuma mwe Jeriko iwumba kulu alikonka Yesu. 30Lolani, intonko ziwili zino zyisile mumbali yanzila azyivwa kuno Yesu wapitanga, achaleka azipunda aziti, Wemwanakwe Davidi! Tufwile inkumbu, mulali!
31Iwumba alizikalipila ukuti zimyalale. Ukuwa zipundisya nkani aziti, Wemwanakwe Davidi! Tufwile inkumbu, mulali!
32Yesu ayimilila awita ati, Ngamukasi mbachitile chani?
33Azitolelela aziti, Mfumu, tukasi ukuti utupe icheni!
34Yesu awalola inkumbu akumvya aminso yawo; napaponapapo awatalika ukulola, awamukonka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.