Mateyu 22
22
Umulumbe wachakulya chapawinga
(Luka 14:15-24)
1Swinya Yesu wanenezile awantu mumilumbe ati, 2Uwufumu wamwiyulu wakolana nimfumu yino yatewesile ichakulya chawinga wamwanakwe. 3Atuma awawomvi wakwe kukwitwa kuchakulya, ukuwa watalo ndanga ukuya kweneko. 4Achaleka anyoka atuma awawomvi wanji namazwi yakuti, Kanenani awitwa muti, Ichakulya chitewesilwe; inkambaku zyane nawanang'ombe wine wakomilwe, vyonsinye visenginwe. Sizanji kuchakulya chawinga! 5Ukuwa awitwa nanti kupechela awaya mukuwomba imilimo yawo: wumwi aya kuchalo chakwe, numuwuye aya kuno akakazizya insawo yakwe, 6nawo wanji awalema awawomvi wamfumu, awawuma, awawakoma nukuwakoma. 7Imfumu ivitwa nkaninye; ituma imisika yakwe, awaya awakoma awantu wawo awocha nakayanye. 8Ngapano imfumu iyita awawomvi wakwe ati, Ichakulya chane ichawinga chitewesilwe, ukuwa awitwa watazipizile ukwizalya. 9Achaleka yanji mumisolo mukite wonsinye wane mwazana wize walye ichakulya. 10Achaleka awawomvi awaya mumisolo awaya awawunganika awantu wonsi wane wazanile, awazima nawawipenye; ing'anda yawinga iyizula nawantupwi.
11Ukuwa ila imfumu yinjila mukulola wane wisilwe alola umuntu wino atazwite ichizwalo chawinga. 12Imfumunye yoyo iwuzichisya umuntu weyo iti, Wane, nga uyizile moo wuli nanti kuzwala ichizwalo chawinga? Umuntu asowa ichakuvwanga. 13Ngapano imfumu inena awawomvi wakwe iti, Munyepani kumakasa nakumanama mumusumbile kumfinzi. Kokonye akuno akalilange nukulumania amino.
14Amuno awavule wakwitwa, ukuwa watichi wakusolwa.
Iwuzyo lyavyamusonko
(Marko 12:13-17; Luka 20:20-26)
15Nga awa Falisi awapita awaya mukwamba Yesu umwakuti wamulemele kumawuzyo yano wayile mukumuwuzya. 16Awatuma awasambilizi wawo nawantu wakwe Herodi wamwi kwe Yesu. Awaya awamunena awati, Musambilizya, twamanya kuno ukasimichila. Ukasambilizya awantu ukulonda kwakwe Leza nukusimichila, nanti kupechela chino awantu wakwelengania, muno usipechela impumi yamuntu. 17Achaleka fwandi tunene, nga ukwelengania wuli? Wuzye chawipa mwisundo litu ukusonka imisonko kumfumu yawa Roma, pamwi pole?
18Ukuwa Yesu amanya uwuwipe wawo, ati, Mwewakachenjezya-mwe! Nga mukunjelezezya chani? 19Ndanjizyani ulundalama lwamusonko!
Awamutwalila ulundalama, 20nga awawuzya ati, Nga impumi yoo nizina vino vili palundalama avyakweni?
21Awamutolelela awati, Avyamfumu yawa Roma.
Achaleka Yesu awanena ati, Achaleka fwandi panji imfumu vino avyakwe, nivyakwe Leza, panji Leza.
22Awala wivwa wowonye, awazunguka; awamusya awapita.
Iwuzyo kuvyakuzyulupuka
(Marko 12:18-27; Luka 20:27-40)
23Pawandanye wowo awa Saduki wamwi awaya kwe Yesu. (Walinji awawo wane watanji watanga wazyulupuke ndiwafwa.) 24Awati, Musambilizya, Musa watusambilizizye ati, Ndi umuntu wino asi nikwata wafwa, umunyina asyala atwala umuchi alyakuti awakwatila wino wafwa awana. 25Kwalinji awang'anda yonga munenulambali wano twikalanga nawo. Umukulu wawo atwala, afwa nanti kwata, asila umuzuna umuchi. 26Awuliwonganye kuwachitiwili, nuwachititatunye, mpaka nuwachitimunenulambali. 27Pakupelelechezya numwanachmye weyo afwa. 28Ale, ngafwandi pawanda wakuzyulupulwa kwawafwe, umwanachinye weyo aliwa wemuka weni? vino wonsinye wamutwazile?
29Yesu atolelela ati, Ye, mwasowa wuli! Amuno mutamanya amawaliko matele nanti akumanya amaka yakwe Leza. 30Amuno pano awafwe wiza wazyulupulwa waliwa ngati awangeli wamwiyulu, awonsi nawanachi wataliwatwalana. 31Ukuwa kuvyakuzyulupulwa kuwafwe: wuzye mutawazya chino Leza wawanena? Wavwanga wati, 32Ne Leza wakwe Abrahamu, e Leza wakwe Ayizeki, swinya ne Leza wakwe Jekapu. Choo chikusula kuno we Leza wawawumi, asi we Leza wawafwe.
33Ayala amawumba yivwa imisambilizizye yakwe ayazunguka.
Isundo kulu
(Marko 12:28-34; Luka 10:25-28)
34Awala awa Falisi wivwa kuno Yesu wamyalalisile awa Saduki, awawungana apaliponga, 35wumwi uwawa Falisi-nye wawo walinji amusambilizya wamasundo, awalonda ukumulema niwuzyo. Ati, 36Musambilizya, nga alisundo-chi lino lyakula lyalusya mumasundo?
37Yesu amutolelela ati, Uwakunda Imfumu e Leza wako numwezo wako wonsi, numuzimu wako wonsi, namano yako yonsi. 38Lyonye-lyoo alili sundo kulu ukukusye yonsi, swinya alili lyakulemasya. 39Nalyo ilyachitiwili vyakolana: lyati, Uwakunda umuwuyo ndivino wayikunda. 40Amasundo yakwe Musa yonsi nimisambilizizye yawatumwa yeyamila pamasundonye yaa yawili.
Iwuzyo kuvyakwe Mesaya
(Marko 12:35-37; Luka 20:41-44)
41Awala awa Falisi wawungana apaliponga, Yesu awawuzya ati, 42Ngamwenji mukutanji chani nivyakwe Mesaya? Nga mukutanji amwanakweni?
Awamutolelela awati, Tukutanji amwanakwe Davidi.
43Nga Yesu awawuzya ati, Ngafwandi amuno chani chino Umuzimu winjizile mwe Davidi ukuti awakwita Mesayanye weyo ukuti, Mfumu? Amuno avino Davidi wavwanga wati.
44Imfumu e Leza wanenile Imfumu yane ati,
Yikala kwikasa lyane ilyandilo,
nsuke mbike awalwani wako pansi pamatamba yako.
45Ngafwandi ndi Davidi wamwitanga akuti, Mfumu, ngafwandi Mesayanye weyo angawa amwanakwe Davidi pachani?
46Awasowa nizwi nanti lyongalyonga ilyakutolelela Yesu, ukufumilila pawandanye wowo awapenyezya ukuwuzya Yesu amawuzyo.
Currently Selected:
Mateyu 22: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
Mateyu 22
22
Umulumbe wachakulya chapawinga
(Luka 14:15-24)
1Swinya Yesu wanenezile awantu mumilumbe ati, 2Uwufumu wamwiyulu wakolana nimfumu yino yatewesile ichakulya chawinga wamwanakwe. 3Atuma awawomvi wakwe kukwitwa kuchakulya, ukuwa watalo ndanga ukuya kweneko. 4Achaleka anyoka atuma awawomvi wanji namazwi yakuti, Kanenani awitwa muti, Ichakulya chitewesilwe; inkambaku zyane nawanang'ombe wine wakomilwe, vyonsinye visenginwe. Sizanji kuchakulya chawinga! 5Ukuwa awitwa nanti kupechela awaya mukuwomba imilimo yawo: wumwi aya kuchalo chakwe, numuwuye aya kuno akakazizya insawo yakwe, 6nawo wanji awalema awawomvi wamfumu, awawuma, awawakoma nukuwakoma. 7Imfumu ivitwa nkaninye; ituma imisika yakwe, awaya awakoma awantu wawo awocha nakayanye. 8Ngapano imfumu iyita awawomvi wakwe ati, Ichakulya chane ichawinga chitewesilwe, ukuwa awitwa watazipizile ukwizalya. 9Achaleka yanji mumisolo mukite wonsinye wane mwazana wize walye ichakulya. 10Achaleka awawomvi awaya mumisolo awaya awawunganika awantu wonsi wane wazanile, awazima nawawipenye; ing'anda yawinga iyizula nawantupwi.
11Ukuwa ila imfumu yinjila mukulola wane wisilwe alola umuntu wino atazwite ichizwalo chawinga. 12Imfumunye yoyo iwuzichisya umuntu weyo iti, Wane, nga uyizile moo wuli nanti kuzwala ichizwalo chawinga? Umuntu asowa ichakuvwanga. 13Ngapano imfumu inena awawomvi wakwe iti, Munyepani kumakasa nakumanama mumusumbile kumfinzi. Kokonye akuno akalilange nukulumania amino.
14Amuno awavule wakwitwa, ukuwa watichi wakusolwa.
Iwuzyo lyavyamusonko
(Marko 12:13-17; Luka 20:20-26)
15Nga awa Falisi awapita awaya mukwamba Yesu umwakuti wamulemele kumawuzyo yano wayile mukumuwuzya. 16Awatuma awasambilizi wawo nawantu wakwe Herodi wamwi kwe Yesu. Awaya awamunena awati, Musambilizya, twamanya kuno ukasimichila. Ukasambilizya awantu ukulonda kwakwe Leza nukusimichila, nanti kupechela chino awantu wakwelengania, muno usipechela impumi yamuntu. 17Achaleka fwandi tunene, nga ukwelengania wuli? Wuzye chawipa mwisundo litu ukusonka imisonko kumfumu yawa Roma, pamwi pole?
18Ukuwa Yesu amanya uwuwipe wawo, ati, Mwewakachenjezya-mwe! Nga mukunjelezezya chani? 19Ndanjizyani ulundalama lwamusonko!
Awamutwalila ulundalama, 20nga awawuzya ati, Nga impumi yoo nizina vino vili palundalama avyakweni?
21Awamutolelela awati, Avyamfumu yawa Roma.
Achaleka Yesu awanena ati, Achaleka fwandi panji imfumu vino avyakwe, nivyakwe Leza, panji Leza.
22Awala wivwa wowonye, awazunguka; awamusya awapita.
Iwuzyo kuvyakuzyulupuka
(Marko 12:18-27; Luka 20:27-40)
23Pawandanye wowo awa Saduki wamwi awaya kwe Yesu. (Walinji awawo wane watanji watanga wazyulupuke ndiwafwa.) 24Awati, Musambilizya, Musa watusambilizizye ati, Ndi umuntu wino asi nikwata wafwa, umunyina asyala atwala umuchi alyakuti awakwatila wino wafwa awana. 25Kwalinji awang'anda yonga munenulambali wano twikalanga nawo. Umukulu wawo atwala, afwa nanti kwata, asila umuzuna umuchi. 26Awuliwonganye kuwachitiwili, nuwachititatunye, mpaka nuwachitimunenulambali. 27Pakupelelechezya numwanachmye weyo afwa. 28Ale, ngafwandi pawanda wakuzyulupulwa kwawafwe, umwanachinye weyo aliwa wemuka weni? vino wonsinye wamutwazile?
29Yesu atolelela ati, Ye, mwasowa wuli! Amuno mutamanya amawaliko matele nanti akumanya amaka yakwe Leza. 30Amuno pano awafwe wiza wazyulupulwa waliwa ngati awangeli wamwiyulu, awonsi nawanachi wataliwatwalana. 31Ukuwa kuvyakuzyulupulwa kuwafwe: wuzye mutawazya chino Leza wawanena? Wavwanga wati, 32Ne Leza wakwe Abrahamu, e Leza wakwe Ayizeki, swinya ne Leza wakwe Jekapu. Choo chikusula kuno we Leza wawawumi, asi we Leza wawafwe.
33Ayala amawumba yivwa imisambilizizye yakwe ayazunguka.
Isundo kulu
(Marko 12:28-34; Luka 10:25-28)
34Awala awa Falisi wivwa kuno Yesu wamyalalisile awa Saduki, awawungana apaliponga, 35wumwi uwawa Falisi-nye wawo walinji amusambilizya wamasundo, awalonda ukumulema niwuzyo. Ati, 36Musambilizya, nga alisundo-chi lino lyakula lyalusya mumasundo?
37Yesu amutolelela ati, Uwakunda Imfumu e Leza wako numwezo wako wonsi, numuzimu wako wonsi, namano yako yonsi. 38Lyonye-lyoo alili sundo kulu ukukusye yonsi, swinya alili lyakulemasya. 39Nalyo ilyachitiwili vyakolana: lyati, Uwakunda umuwuyo ndivino wayikunda. 40Amasundo yakwe Musa yonsi nimisambilizizye yawatumwa yeyamila pamasundonye yaa yawili.
Iwuzyo kuvyakwe Mesaya
(Marko 12:35-37; Luka 20:41-44)
41Awala awa Falisi wawungana apaliponga, Yesu awawuzya ati, 42Ngamwenji mukutanji chani nivyakwe Mesaya? Nga mukutanji amwanakweni?
Awamutolelela awati, Tukutanji amwanakwe Davidi.
43Nga Yesu awawuzya ati, Ngafwandi amuno chani chino Umuzimu winjizile mwe Davidi ukuti awakwita Mesayanye weyo ukuti, Mfumu? Amuno avino Davidi wavwanga wati.
44Imfumu e Leza wanenile Imfumu yane ati,
Yikala kwikasa lyane ilyandilo,
nsuke mbike awalwani wako pansi pamatamba yako.
45Ngafwandi ndi Davidi wamwitanga akuti, Mfumu, ngafwandi Mesayanye weyo angawa amwanakwe Davidi pachani?
46Awasowa nizwi nanti lyongalyonga ilyakutolelela Yesu, ukufumilila pawandanye wowo awapenyezya ukuwuzya Yesu amawuzyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.