2 Thessalonians 3
3
1Ichakupelelechezya, wanawitu, tupepelanji, alyakuti amazwi ya Mfumu yalandalile yasate nanti kuzimba ngayachindamikwe, ndivino yachisile mwakwe mwemwe. 2Swinya pepanji alyakuti-Leza atufyusye kuwantu wawipe awawembu. Amuno watasuwila amazwi wonsi.
3Ukuwa Imfumu yeni ayakusimichila. Wandi alange akuwapa amaka mbali nukuwachinjilila ku Muwipe. 4Swinya Imfumu ikuleka tukuwika isuwilo mwakwe mwemwe; tukuwasuwila kuno mwalanga mukuchita chino twawanena.
5Sivyo Imfumu e Leza awawatungulula mumyezo muwakunda Leza nukuzizimichizya namaka yakwe Klistu.
Chino twazipila ukuwomba
6Wanawitu, tukuwakomelezezya mwizina lya Mfumu e Yesu Klistu: ukuti mutize muwasanzinkana ponga nawanawitu awakata, wane wasinakukonka amasambilizyo yano twawasambilizizye. 7Ukuwa mwenji mwayimanyila ukuti mule muwachita chonsi chino naswe twachisile. Tutatela tuwe nuwukata wumwi pano twalinji namwe. 8Tutatela tupochelele ichintu chimwi kwewumwi nanti kukala. Ukuwa, twawombelanga atutwinka nukutwinka; twawombanga uwusiku numusanya alyakuti tutize tuwavuna wumwi. 9Twachitanga woo, asi amuno tutalondanga ukuti wumwi awatwavwa; ukuwa amuno twalondanga ukuti tuwe swevilolelo ukuti avino muwachita. 10Pano twalinji namwe twawanenile atuti, Umukata wensi atazipila ukulya.
11Chino tukuvwanjila choo amuno tukwivwa kuno kuli wamwi wano awakata, wasichita chimwi suka ndakuvulungania wanji mumilimo yawo. 12Awantu wamwatanye wowo, tutuwakalipilila mwizina lya Mfumu e Yesu Klistu mbali nukuwasochela: ukuti wale watekane wawomba imilimo ngawawalya.
13Ukuwa mwenji wanawitu, mutize muwalechelezya ukuwomba ivizima. 14Nche pamwi kungatela kuli wamwi wano wasinakulonda ukutontela amazwi yano twawatumila mwekalata wee. Ndikuli wumwi, mumumanyichisye mutize muwakwizya nawe, alyakuti alole insoni. 15Ukuwa mutize muwamuchita ngati amulwani; ukuwa, muwamusochela ngati amunyonko.
Amazwi yakupelelechezya
16Sivyo Imfumu-nye nalwakwe, umweni mutende wonsi, awawapa mwemwe umutende penye mwakwe vyonsi. Imfumu iwawa namwe mwensi.
17Anenenye nalwane ne Pauli nkuwawalichila nikasa lyane; nkuwalamuka nukuwalamuka. Avino nkachita mwewakalata wane wonsinye; nkawalika woo inti.
18Sivyo inkumbu nkumbu zya Mfumu yitu e Yesu Klistu aziwawa namwe mwensi.
Imfumu yitu e Yesu Klistu awafwila inkumbu mwensi!
Currently Selected:
2 Thessalonians 3: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.
