2 Thessalonians 1
1
1E kalata wee wafuma kwe Pauli nu Sayilasi nga nu Timoti—Kuwantu wi Klezia lya mwe Tesalonika, awakwe Leza e Tata ni Mfumu e Yesu Klistu:
2Sivyo e Leza e Tata ni Mfumu e Yesu Klistu awawafwila inkumbu nukuwapa umutende.
Ipanzyo lyakwiza kwakwe Klistu
3Wanawitu, chatuyana ukuti tulange tukuwasalifizya kwe Leza impindi zyonsi, amuno isuwilo linu likukula nkaninye nulukundo lwakukundana nalo lukonjelezya kutaluvile. 4Chochonye achino naswe tukuyiwanzizya mu ma Klezia yakwe Leza muno amwemwe. Tukayiwanzya muno akuzizimichizya kwinu, nisuwilo linu mumatamyo yonsi yano muli nayo nukuyimba konsi kuno mukuyimba.
5Konye koo akuli kupanichisya kwipanzyo tele ilyakwe Leza, muno avyonye vyoo vyonsi vino mukayimbila vilileka muzipile ukwikala mu Wufumu wakwe. 6Leza alichita chino chiyine: alileka wane wakuwayimvya nawo wayimbe, 7Ukuwa mwewantu mukuyimba aliwinulila apaliponga naswe. Alichita wonye-woo pano Imfumu e Yesu wiza waloleka ukufuma mwiyulu apaliponga nawangeli wakwe awamaka, 8wane wali numulilo wuno wukwaka, uwakwizasundila wane watamanya Leza nawano wasitontela Ilandwe zima ilya Mfumu yitu e Yesu Klistu. 9Walipochelela ukusundwa kwakulowa kuntasila, wize wafuntuswe paminso ya Mfumu napamaka yakuchindamikwa kwakwe. 10Ndiwiza-wiza pawanda-nye wowo, apano alichindamikwa nawantu wonsi nukupochelela umuchinzi wakwe wonsi wane wakusuwila. Namwenye mulilanga muli piwumba lyawantunye wawo, amuno mwasuwila amazwi yano twawanena.
11Muno achonye-choo achino tukuwapepela Tukuwalambilizizya kwe Leza ukuti muzipile ukukonka munzila yino mwitilwa. Sivyo weliwenye namaka yakwe aleke muwachita ivizima vyonsi vino mukalondesya amwizuzya mwemwe nukulondesya konsi ukwawuzima nga mumalizye umulimo winu nukusuwila konsi. 12Ndimwiza mwawa wowonye apano mulichindamika izina lya Mfumu yitu e Yesu; nawe awachindamike muno ankumbu-nkumbu zyakwe Leza witu ni Mfumu e Yesu Klistu.
Currently Selected:
2 Thessalonians 1: WWN82
Highlight
Copy
Compare
Share
Want to have your highlights saved across all your devices? Sign up or sign in
Chinamwanga Bible © United Bible Societies, 1981.