Josué 21
21
Bäꞌyedyeꞌ Levítytyidyes vóshiꞌ in
1Muꞌin tashcheꞌ buꞌyity Levíty vóshiꞌ in ĉọcte in muꞌ Eleazar muꞌ cudyitity Jenꞌcheꞌ judyeyaꞌ muꞌ Josué Nuntyiꞌ ạvaꞌ judyeyaꞌ muꞌin yoctyiꞌ tashcheꞌ buꞌyity in. 2Silove Canaánĉansiꞌ jac ĉọcte in chat qui jéyacsi in:
—Muꞌ Ayoꞌ yuꞌtyiyisinꞌ p̂eyacdyeꞌ jiquej Moisésyaꞌ junꞌ chuc miꞌin raꞌ soꞌmitiĉaꞌ tsun bäꞌyedyeꞌ in paj muꞌĉan bäꞌyi tsun judyeyaꞌ jac bäꞌyedyes cuꞌdyedyes tsun —jéte in. 3Meꞌdyes qui yojdyemꞌ muꞌ Ayoꞌ yụꞌtacsi jiquej u muꞌin Israeltyiꞌ vóshiꞌ in soꞌmacsi muꞌin Levíty vóshiꞌ in mọꞌin bäꞌyedyeꞌ in judyeyaꞌ jac c̣hẹiꞌyaꞌ mọꞌ bäꞌyedyeꞌ ĉụiꞌsiꞌĉan jac Israeltyisĉan vóshiꞌ in.
4Mọꞌ tashches majmadyeꞌ chị́yacdyes tŝọcsiꞌ muꞌin ñuruꞌtyity Coattyiꞌ vóshiꞌ in. Muꞌinĉan Levítyiꞌĉan vóshiꞌ in muꞌyaꞌ muꞌin cudyitity Jenꞌcheꞌ in Aaróntyiꞌ vóshiꞌ muꞌ. Aaróntyidyes vóshiꞌ in soꞌmac yiriꞌtac chibin jiyiꞌ bäꞌyedyeꞌ in. Mọꞌin bäꞌyedyeꞌ in mọꞌyaꞌ muꞌsiꞌĉan jac in: Judá, Simeón judyeyaꞌ Benjamín. 5Muꞌin yoctyiꞌ Coattyiꞌ vóshiꞌ in soꞌmac yiriꞌtac bäꞌyedyeꞌ in mọꞌyaꞌ majmadyeꞌyaꞌ chị́yacdyesyaꞌ. Mọꞌ bäꞌyedyeꞌ in mọꞌyaꞌ muꞌinsiꞌĉan jac in: Efraín, Dan judyeyaꞌ muꞌ choc ñuruꞌtyity Manaséstyiꞌ.
6Muꞌin Gersóntyiꞌ vóshiꞌ in soꞌmac in yiriꞌtac chibin jiyi bäꞌyedyeꞌ in mọꞌyaꞌ majmadyeꞌyaꞌ chị́yacdyesyaꞌ. Mọꞌin bäꞌyedyeꞌ in mọꞌyaꞌ muꞌinsiꞌĉan jac in: Isacar, Aser, Neftalí judyeyaꞌ muꞌ choc ñuruꞌtyity Manaséstyiꞌ Basánĉan.
7Muꞌin Merarityiꞌ vóshiꞌ in soꞌmac in yiriꞌtac päräꞌ jiyiꞌ bäꞌyedyeꞌ in mọꞌyaꞌ majmadyeꞌyaꞌ chị́yacdyesyaꞌ. Mọꞌin bäꞌyedyeꞌ in mọꞌyaꞌ muꞌinsiꞌĉan jac in: Rubén, Gad judyeyaꞌ Zabulón.
8Meꞌdyes qui muꞌin Israeltyiꞌ vóshiꞌ in mọꞌyaꞌ majmadyeꞌyaꞌ chị́yacdyesyaꞌ soꞌmacsi muꞌin Levíty vóshiꞌ in bäꞌyedyeꞌ jactumdye in yojdyemꞌ muꞌ Ayoꞌ yụꞌtacsi jiquej u.
9Muꞌinsiꞌĉan jac Judásiꞌĉan judyeyaꞌ Simeónsiꞌĉan muꞌin soꞌmacsi ọij bäꞌyedyeꞌ in; 10ọij bäꞌyedyeꞌ soꞌmacsi in muꞌin Aaróntyiꞌ vóshiꞌ in, Coatĉantyiꞌ ñuruꞌtyity muꞌin, Levítyiꞌ vóshiꞌ muꞌin ĉaĉaij na mọꞌ tashches majmadyeꞌyaꞌ chị́yacdyes tŝọcsiꞌ muꞌin. 11Muꞌin soꞌmacsi in mọꞌ bäꞌyedyeꞌ mụcuꞌveyaꞌ Judáĉansiꞌ jac. Tịj mọꞌ Quiriat-arba (muꞌ na Arba vóshiꞌ muꞌ Anac), yocsiꞌ tịj bäꞌyedyes Hebrón. Soꞌmac mọꞌ bäꞌyedyeꞌ judyeyaꞌ mọꞌinĉansiꞌ jac. 12Mọꞌin qui namꞌ cätidyeꞌtumsiꞌ jac jorojyas mọꞌ bäꞌyedyeꞌ judyeyaꞌ mọꞌin c̣hẹiꞌyaꞌmunsiꞌ bäꞌyedyeꞌ in aty soꞌmac ĉụiꞌdyes muꞌ Caleb Jefonetyiꞌ ạvaꞌ muꞌ.
13Chat meꞌsiꞌ muꞌin soꞌmacsi muꞌin Aaróntyiꞌ vóshiꞌ in mọꞌ bäꞌyedyeꞌ Hebrón (yiris ñutsjetacsis bäꞌyedyeꞌ muꞌindyes in jiꞌmeꞌtactyiꞌ ijatidyeꞌyaꞌ in), Libna, 14Jatir, Estemoa, 15Holón, Debir , 16Aín, Juta judyeyaꞌ Bet-semes —mọꞌin arajtac bäꞌyedyeꞌ judyeyaꞌ mọꞌinĉansiꞌ jac in, mọꞌĉan jac uts päräꞌ ñuruꞌtyitydyes in.
17Muꞌ ñuruꞌtyity Benjamíntyiꞌ vóshiꞌ in soꞌmacsi Gabaón, Geba, 18Anatot judyeyaꞌ Almón —mọꞌin vạjpedyeꞌ bäꞌyedyeꞌ judyeyaꞌ mọꞌĉansiꞌ jac. 19Räj mọꞌin bäꞌyedyeꞌ in muꞌindyes cudyititydyes Jenꞌcheꞌ in, Aaróntyiꞌ vóshiꞌ in, shupquiꞌ yiriꞌtac chibin jiyiꞌ bäꞌyedyeꞌ mọꞌinĉansiꞌ jac in.
20Muꞌin Levíty vóshiꞌ in, muꞌin yoctyiꞌ Coattyiꞌ vóshiꞌ in, soꞌmac in Efraínĉansiꞌ bäꞌyedyeꞌ in mọꞌyaꞌ majmadyeꞌyaꞌ chị́yacdyesyaꞌ. 21Muꞌin soꞌmacsi mụcuꞌve Judáĉansiꞌ jac mọꞌ bäꞌyedyeꞌ Siquem (yiris ñutsjetacsis bäꞌyedyeꞌ muꞌindyes in jiꞌmeꞌtactyiꞌ ijatidyeꞌyaꞌ in), Gezer, 22Kibsaim judyeyaꞌ Bet-horón —mọꞌin vạjpedyeꞌ bäꞌyedyeꞌ in mọꞌĉansiꞌ jac.
23Muꞌin ñuruꞌtyity Dantyiꞌ vóshiꞌ in soꞌmacsi mọꞌin bäꞌyedyeꞌ in: Elteque, Gibetón, 24Ajalón judyeyaꞌ Gat-rimón —vạjpedyeꞌ bäꞌyedyeꞌ in judyeyaꞌ mọꞌinĉansiꞌ jac.
25Muꞌin choc ñuruꞌtyity Manaséstyiꞌ vóshiꞌ in soꞌmacsi mọꞌin bäꞌyedyeꞌ in: Taanac judyeyaꞌ Gat-rimón —päräꞌ bäꞌyedyeꞌ in judyeyaꞌ mọꞌinĉansiꞌ jac. 26Ọij yiriꞌtac bäꞌyedyeꞌ mọꞌinĉansiꞌ jac in soꞌmacsi in muꞌin yoctyiꞌ ñuruꞌtyity Coattyiꞌ vóshiꞌ in.
27Muꞌin Gersóntyiꞌ vóshiꞌ in, Levítyiꞌĉantyiꞌ ñuruꞌtyity in, soꞌmac ọij bäꞌyedyeꞌ in: muꞌin choc ñuruꞌtyity Manaséstyiꞌ vóshiꞌ in soꞌmacsi Golán, mọꞌ Basánĉansiꞌ bäꞌyedyeꞌ (yiris ñutsjetacsis bäꞌyedyeꞌ muꞌindyes in jiꞌmeꞌtactyiꞌ ijatidyeꞌyaꞌ in) judyeyaꞌ Beestera —mọꞌin päräꞌ bäꞌyedyeꞌ in judyeyaꞌ mọꞌinĉansiꞌ jac.
28Muꞌin Isacartyiꞌ vóshiꞌ in soꞌmacsi: Cisón, Daberat, 29Jarmut judyeyaꞌ En-ganim —mọꞌin vạjpedyeꞌ bäꞌyedyeꞌ in judyeyaꞌ mọꞌinĉansiꞌ jac.
30Muꞌin Asertyiꞌ vóshiꞌ in soꞌmacsi: Miseal, Abdón, 31Helcat, Rehob —mọꞌin vạjpedyeꞌ bäꞌyedyeꞌ in judyeyaꞌ mọꞌinĉansiꞌ jac.
32Muꞌin Neftalítyiꞌ vóshiꞌ in soꞌmacsi: Cedes, mọꞌ Galileaĉansiꞌ bäꞌyedyeꞌ mọꞌĉansiꞌ jac (yiris ñutsjetacsis bäꞌyedyeꞌ muꞌindyes in jiꞌmeꞌtactyiꞌ ijatidyeꞌyaꞌ in), Hamot-dor, judyeyaꞌ Cartán —mọꞌin chibin bäꞌyedyeꞌ in judyeyaꞌ mọꞌinĉansiꞌ jac. 33Räj mọꞌin bäꞌyedyeꞌ in muꞌindyes ñuruꞌtyitydyes Gersóntyiꞌ vóshiꞌ in shupquiꞌ yiriꞌtac chibin jiyi bäꞌyedyeꞌ judyeyaꞌ mọꞌinĉansiꞌ jac in.
34Muꞌin Merarityiꞌ vóshiꞌ in, Levítyĉantyiꞌ ñuruꞌtyity in, soꞌmac ọij bäꞌyedyeꞌ in: muꞌin Zabulóntyiꞌ vóshiꞌ in soꞌmacsi: Jocneam, Carta, 35Dimna judyeyaꞌ Naalal —mọꞌin vạjpedyeꞌ bäꞌyedyeꞌ in judyeyaꞌ mọꞌinĉansiꞌ jac.
36Muꞌin Rubéntyiꞌ vóshiꞌ in soꞌmacsi: Beser, Jahaza, 37Cademot judyeyaꞌ Mefaat —mọꞌin vạjpedyeꞌ bäꞌyedyeꞌ in judyeyaꞌ mọꞌinĉansiꞌ jac.
38Muꞌin Gadtyiꞌ vóshiꞌ in soꞌmacsi: Ramot, mọꞌ Galaadĉansiꞌ bäꞌyedyeꞌ (yiris ñutsjetacsis bäꞌyedyeꞌ muꞌindyes in jiꞌmeꞌtactyiꞌ ijatidyeꞌyaꞌ in), Mahanaim, 39Hesbón judyeyaꞌ Jazer —mọꞌin vạjpedyeꞌ bäꞌyedyeꞌ in judyeyaꞌ mọꞌinĉansiꞌ jac. 40Ọij shupquiꞌ mọꞌin bäꞌyedyeꞌ in soꞌmacsi muꞌin Merarity vóshiꞌ in majmadyeꞌyaꞌ chị́yacdyesyaꞌ. Muꞌin shupqui muꞌ jadyiquity ñuruꞌtyity Levíty vóshiꞌ in. Muꞌindyes mọꞌyaꞌ yiriꞌtac päräꞌ jiyiꞌ bäꞌyedyeꞌ in.
41Mọꞌyaꞌ vạjpedyeꞌ quiꞌtac q̂uenꞌĉan jiyiꞌ bäꞌyedyeꞌ in soꞌmacsi muꞌin Levíty vóshiꞌ in, muꞌinĉansiꞌ jac in Israeltyisĉan vóshiꞌ in. 42Räj mọꞌin bäꞌyedyeꞌ in meꞌchuiꞌ jac cuꞌdyedyes in. Meꞌ buꞌyiꞌ soꞌmacsi bäꞌyedyeꞌ in judyeyaꞌ räj mọꞌĉansiꞌ jac in.
43Meꞌdyes qui muꞌ Ayoꞌ soꞌmacsi muꞌin Israeltyiꞌ vóshiꞌ in mọꞌ jac. Muꞌ Ayoꞌ jịꞌcätseyacsi mọꞌ p̂eyacdyeꞌ soꞌmacsis jenꞌvun muꞌin jiquej. Chat qui muꞌin ĉụiꞌdyestuiꞌ qui in mọꞌ jac judyeyaꞌ muꞌĉan bäꞌban in. 44Muꞌ Ayoꞌ soꞌmacsi jịꞌjutyitidyes chutidyeꞌyaꞌ muꞌintum in yoctyiꞌtum muntyiꞌ paiꞌ bäꞌyity in. Meꞌdye muꞌ Ayoꞌ jịꞌcätseyacsi mọꞌ p̂eyacdyeꞌ soꞌmacsis jenꞌvun muꞌin jiquej. Mijam tyi chucsity in tupuj jiꞌpenacsi in. Muꞌ Ayoꞌ räj soꞌmacsi unĉan Israeltyiꞌ vóshiꞌ in muꞌin chucsity jiquej in. 45Mijam yiris jämꞌsiꞌ p̂eyacdyeꞌ Ayos muꞌ jayej muꞌindyes Israeltyidyes vóshiꞌ in. Räj mọꞌin jämꞌsiꞌ p̂eyacdyeꞌ in jịꞌcätsacsi muꞌ Ayoꞌ.
Currently Selected:
Josué 21: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
