Josué 15
15
Jac muꞌindyes Judáĉantyiꞌ ñuruꞌtyity in
1Chị́yacdyesyaꞌ majmadyeꞌ muꞌin soꞌmacsi ọij jiꞌchetacdyeꞌ jacsiꞌ muꞌindyes in ñuruꞌtyitydyes Judátyiꞌ vóshiꞌ in. Mọꞌ jac jätisve jịjcaiꞌ jiyiꞌdye mọꞌ jac Edom meꞌdye mọꞌ chaꞌsheꞌ cäjyasĉan jac Zin.
2Mọꞌ feiꞌtacdyeꞌ jacsiꞌ muꞌindyes in jätisve tiyacchutiꞌ jadyicve mọꞌ Mar Säñis, 3chat meij jịjcaiꞌ feiꞌtacdyeꞌ jätisve mọꞌ mụcuꞌves baquitsmuñiꞌ Acrabim meꞌdye Zinyaꞌ, chat yejĉoiꞌ meꞌdye Cades-barnea. Chat jiyiꞌ Hezrón judyeyaꞌ bojvi Adaryaꞌ cọiꞌyeĉan Carcayaꞌ. 4Meij jịjcaiꞌ feiꞌtacdyeꞌ jiyiꞌyaꞌ Asmón meꞌdye mọꞌ jinac Egipto, chat jinacyaꞌ meꞌdye mọꞌ Mar Mediterraneo. Meꞌ buꞌyiꞌ mọꞌ feiꞌtacdyeꞌ jacsiꞌ jätisves mọꞌ.
5Mọꞌ feiꞌtacdyeꞌ jac shupquive buꞌyis tsun, tiyacchutiꞌ mọꞌ Mar Säñis meꞌdye mọꞌ shupquedyeꞌyaꞌ Jordánsiꞌ.
Mọꞌ feiꞌtacdyeꞌ jac rocve buꞌyis tiyacchutiꞌ yóyaꞌdyemꞌ muꞌ Jordán sitiyaꞌ mọꞌ Mar Säñis 6chat meij jịjcaiꞌ feiꞌtacdyeꞌ Bet-hoglayaꞌ, chat rocve jịjcaiꞌ jiyiꞌ Bet-arabá rocve bäꞌyedyeꞌ tyeiꞌ meꞌdye muꞌ mij Bohántyiꞌ, Rubéntyiꞌ ạvaꞌ muꞌ. 7Chat mij jịjcate sapaꞌjeꞌ mọꞌ mojij Acor meꞌdye Debirve buꞌyiꞌ, judyeyaꞌ rocve tyebanꞌ meꞌdye Gilgalve buꞌyiꞌ. Mọꞌyaꞌ quic̣henꞌ buꞌyiꞌ mọꞌ mụcuꞌves baquitsmuñiꞌ Adumín, jätisve mọꞌ chạdyeꞌĉan. Chat meij jịjcaiꞌ meꞌdye mọꞌ ojñiꞌ En-semesyaꞌ shupquiꞌyaꞌ En-rogel. 8Chat meij jịjcaiꞌ feiꞌtacdyeꞌ mojijĉan ạvaꞌsimꞌ Hinom meꞌdye jätisves chạdyeꞌ mọꞌ bäꞌyedyeꞌ Jebuseos, mọꞌdye bäꞌyedyeꞌ Jerusalén. Chat qui bojvi jumijcheꞌ mụcuꞌ, muꞌ mụcuꞌ jịjcaijcheꞌ tsun mọꞌ mojij Hinom, rocve buꞌyiꞌ mọꞌ mojij Refaim. 9Jimijcheꞌ tyeiꞌ mọꞌ feiꞌtacdyeꞌ meꞌdye muꞌ jijmoꞌmoj Neftoayaꞌ yejĉoiꞌ mọꞌinyaꞌ bäꞌyedyeꞌ in mụcuꞌves Efrón chat chạiꞌ Baalayaꞌ (yocsiꞌ tịj mọꞌ Quiriat-jearim). 10Chat qui cọijyequiꞌ mọꞌ feiꞌtacdyeꞌ Baalayaꞌ jịjcaijcheꞌ tsun meꞌdye chaꞌshete muꞌ mụcuꞌ Seir, chat uvetaque jiyiꞌ mọꞌ rocves chạdyeꞌ Jearim (yocsiꞌ tịj mụcus Quesalón) chat chạiꞌ Bet-semesyaꞌ judyeyaꞌ jiyiꞌ meꞌdye Timnayaꞌ. 11Chat mọꞌ feiꞌtacdyeꞌ jịjcaiꞌ rocvesyaꞌ chạdyeꞌ Ecrónyaꞌ chat cọijyequiꞌ Sicrónyaꞌ judyeyaꞌ jiyiꞌ muꞌ mụcuꞌ Baala, chat jiyiꞌ Jabneel judyeyaꞌ dyäquiꞌ Mar Mediterraneoyaꞌ.
12Mọꞌ feiꞌtacdyeꞌ jac jịjcaijcheꞌ tsun buꞌyis shupquiꞌ mọꞌ tsiquimꞌquedyeꞌve Mar Mediterraneo#15:12 Yocsiꞌ tịj mọꞌ Mar Därsiꞌ. Mọꞌ feiꞌtacdyeꞌ in shupquiꞌ mọꞌ jac muꞌindyes ñuruꞌtyitydyes in Judátyiꞌ vóshiꞌ in.
13Yoj yidyemꞌ muꞌ Ayoꞌ jajitaque muꞌ jiquej u, muꞌ Josué soꞌmete Caleb Jefonetyiꞌ ạvaꞌ mọꞌ bäꞌyedyeꞌ Quiriat-arba (muꞌ na Arba vóshiꞌ muꞌ Anac) Judáĉansiꞌ jac, yocsiꞌ tịj mọꞌ bäꞌyedyeꞌ Hebrón. 14Muꞌ Caleb ĉụiꞌdyestuiꞌ Hebrón, muꞌ jiꞌcavꞌcacsi muꞌin chibin anaceo in: Sesai, Ahimán, judyeyaꞌ Talmai, muꞌin ạvaꞌ Anactyiꞌ in.
15Chat qui muꞌ chucsi muꞌin Debirĉantyiꞌ, tịj mọꞌ bäꞌyedyeꞌ jiquej Quiriat-sefer. 16Muꞌ Caleb yi:
—Yụ raꞌ soꞌmete ạvaꞌ yụ, Acsa, p̂endyes muꞌ chucsity muꞌ jiꞌpenacsity Quiriat-sefer —yi Caleb. 17Muꞌ Otoniel, ạvaꞌ Cenaztyiꞌ Calebtyiꞌ vojity muꞌ, jiꞌpeñeꞌ mọꞌ bäꞌyedyeꞌ. Chat qui Caleb soꞌmete Acsa p̂endyes muꞌ Otonieldyes.
18Mọꞌ mạyedyeꞌ mọꞌ Acsa Otonielyaꞌ jịjcaiꞌ chat cọdaquiꞌ vämtyiꞌ paj qui muꞌ cọdyetyete mọꞌtyiꞌ jenꞌ jac ĉụiꞌdyes mọꞌ. Aty shunyebanꞌyaꞌ bóricoches mọꞌ, Caleb cọdyetyeꞌ ạvaꞌ muꞌ:
—¿Jedyeꞌ buty tupuj jämꞌtaqui yụ mídyes? —jajitiꞌ jenꞌ mọꞌ Caleb.
19Mọꞌ jéyaquiꞌ jenꞌ:
—Yuꞌtyiyitiꞌ yiris jämꞌsiꞌ jedyeꞌ. Mi aty soꞌmitim jac Neguevĉansiꞌ. Q̂uinꞌ chat soꞌmitiꞌ jijmoꞌmoj ojñiꞌtumtyiꞌ in —jéyaquiꞌ jenꞌ mọꞌ.
Chat qui muꞌ Caleb soꞌmaqui ạvaꞌ muꞌ cheꞌve buꞌyity jijmoꞌmoj judyeyaꞌ muꞌ úĉan buꞌyity.
20Ọij mọꞌ jac soꞌmacsis muꞌin ñuruꞌtyity in Judátyiꞌ vóshiꞌ in.
21Ọij shupquiꞌ mọꞌin bäꞌyedyeꞌ in muꞌinsiꞌ Judátyiꞌ vóshiꞌ in jätisve buꞌyis in, mọꞌin Neguevĉansiꞌ in c̣hẹiꞌyaꞌ buꞌyis Edom in: Cabseel, Edar, Jagur, 22Cina, Dimona, Adada, 23Cedes, Hazor, Itnán, 24Zif, Telem, Bealot, 25Hazor-hadata, Queriot-hezrón (mọꞌ Hazor), 26Amam, Sema, Molada, 27Hazar-gada, Hesmón, Bet-pelet, 28Hazar-sual, Beerseba, Bizotia, 29Baala, Iim, Esem, 30Eltolad, Quesil, Horma, 31Siclag, Madmana, Sansana, 32Lebaot, Silhim, Aín judyeyaꞌ Rimón. Ọij shupquiꞌ päräꞌ quiꞌtac arajtac jiyiꞌ bäꞌyedyeꞌ in judyeyaꞌ mọꞌinĉansiꞌ jac in.
33Mọꞌin bäꞌyedyeꞌ jịjcaijcheꞌ tsun c̣hẹiꞌyas mụcuꞌ in: Estaol, Zora, Asena, 34Zanoa, En-ganim, Tapúa, Enam, 35Jarmut, Adulam, Soco, Azeca, 36Saaraim, Aditaim, Gedera (Gederotaim). Ọij shupquiꞌ yiriꞌtac vạjpedyeꞌ jiyiꞌ bäꞌyedyeꞌ in, mọꞌinĉansiꞌ jac in.
37Zenán, Hadasa, Migdal-gad, 38Dileán, Mizpa, Jocteel, 39Laquis, Boscat, Eglón, 40Cabón, Lahmam, Quitlis, 41Gederot, Bet-dagón, Naama judyeyaꞌ Maceda. Yiriꞌtac jäbän jiyiꞌ bäꞌyedyeꞌ in judyeyaꞌ mọꞌinĉansiꞌ jac in.
42Libna, Eter, Asán, 43Jifta, Asena, Nezib, 44Keila, Aczib judyeyaꞌ Maresa. Arajtac bäꞌyedyeꞌ in judyeyaꞌ mọꞌinĉansiꞌ jac in.
45Ecrón judyeyaꞌ mọꞌsiꞌ c̣hẹiꞌyas bäꞌyedyeꞌ in mọꞌinĉansiꞌ jac in. 46Tiyacchutiyaꞌ Ecrón räj mọꞌin bäꞌyedyeꞌ in c̣hẹiꞌyaꞌ Asdod judyeyaꞌ mọꞌinĉansiꞌ jac in. 47Asdod judyeyaꞌ mọꞌsiꞌ c̣hẹiꞌyas bäꞌyedyeꞌ in judyeyaꞌ mọꞌinĉansiꞌ jac in. Gaza judyeyaꞌ mọꞌsiꞌ c̣hẹiꞌyas bäꞌyedyeꞌ in judyeyaꞌ mọꞌinĉansiꞌ jac in meꞌdye muꞌ jinac Egipto judyeyaꞌ mọꞌin bäꞌyedyeꞌ c̣hẹiꞌyaꞌ mọꞌ Mar Mediterraneo#15:47 Yocsiꞌ tịj mọꞌ Mar Därsiꞌ.
48Mụcuꞌves bäꞌyedyeꞌ in: Samir, Jatir, Soco, 49Dana, Quiriat-sana (mọꞌ Debir), 50Anab, Estemoa, Anim, 51Gosén, Holón judyeyaꞌ Gilo. Yiriꞌtac yiris jiyiꞌ bäꞌyedyeꞌ in judyeyaꞌ mọꞌinĉansiꞌ jac in.
52Arab, Duma, Esán, 53Janum, Bet-tapúa, Afeca, 54Humta, Quiriat-arba (mọꞌ Hebrón) judyeyaꞌ Sior. Arajtac bäꞌyedyeꞌ in judyeyaꞌ mọꞌinĉansiꞌ jac in.
55Maón, Carmelo, Zif, Juta, 56Jezreel, Jocdeam, Zanoa, 57Caín, Gabaa judyeyaꞌ Timna. Yiriꞌtac bäꞌyedyeꞌ in judyeyaꞌ mọꞌinĉansiꞌ jac in.
58Halhul, Bet-sur, Gedor, 59Maarat, Bet-anot judyeyaꞌ Eltecón. Jäbän bäꞌyedyeꞌ in judyeyaꞌ mọꞌinĉansiꞌ jac in.
60Quiriat-baal (mọꞌ Quiriat-jearim) judyeyaꞌ Rabá. Päräꞌ bäꞌyedyeꞌ in judyeyaꞌ mọꞌinĉansiꞌ jac in.
61Mọꞌin bäꞌyedyeꞌ cäjyasĉan jac in: Bet-arabá, Midín, Secaca, 62Nibsán (mọꞌ bäꞌyedyeꞌ Jicoj) judyeyaꞌ Engadi. Jäbän bäꞌyedyeꞌ in judyeyaꞌ mọꞌĉan jac in.
63Paj tsanꞌ meꞌ muꞌin jebuseo in Jerusalénĉan bäꞌyity in. Muꞌin Israeltyiꞌ vóshiꞌ in jam tupuj jiꞌshupcacsi in. Tacaꞌ q̂uinꞌ muꞌyaꞌ muꞌin jebuseo Jerusalénĉan in, muꞌintum bäꞌyi Israeltyiꞌtum vóshiꞌ in.
Currently Selected:
Josué 15: CAS
Highlight
Share
Compare
Copy
Want to have your highlights saved across all your devices? Sign up or sign in
Copyright 2017 Nuevo Testamento en Chimane
Jen'si' P̂eyacdye'
