Génesis 36

Ọij jiꞌjäcacsiꞌ vóshiꞌ Esaútyiꞌ

1Ọij p̂eyacdyeꞌ p̂eijte muꞌ Esaú, Edom yocsiꞌ tịj muꞌ. 2Esaú pạrej vämi Canaánĉansiꞌ p̂en jäqueꞌ. Muꞌ vämi Adacheꞌ, Elónsiꞌ ạvaꞌ muꞌ, muꞌ hitita, judyeyaꞌ Aholibamacheꞌ, Anásiꞌ ạvaꞌ muꞌ, Zibeón vịyaꞌ mọꞌtyimꞌ, muꞌ heveo. 3Chimeꞌdye muꞌ vämi Basematcheꞌ, Ismaelsiꞌcheꞌ ạvaꞌ muꞌ, mọꞌ nash Nebaiot-siꞌ vojiꞌ muꞌ. 4Adaty ạvaꞌ mọꞌ, Elifaz tịj muꞌ, judyeyaꞌ Basemattyiꞌ ạvaꞌ mọꞌ, Reuel tịj muꞌ, 5judyeyaꞌ Aholibamaty ạvaꞌ mọꞌ, Jeús judyeyaꞌ Jaalam judyeyaꞌ Coré. Räj muꞌin Esaúty ạvaꞌ in sonꞌ in, räj muꞌin Canaánĉan naꞌi jiquej in muꞌĉandyemꞌ bäꞌyi jiquej Esaú.

6Chat qui muꞌ Esaú yocve jịjcaij, farajjete Jacob, vojity muꞌ. Cạqui p̂en muꞌ räjtumdye ạvaꞌ muꞌ, sonꞌ judyeyaꞌ p̂en in, judyeyaꞌ cạcsi chimeꞌ räj muꞌin penꞌdyetutety in, judyeyaꞌ räj cuꞌdyeꞌ muꞌ judyeyaꞌ jedyeꞌ muꞌ yaꞌidyeꞌ muꞌ Canaánĉansiꞌ muꞌ. 7Pärenꞌdye muꞌin in anic jiyi meꞌchuiꞌ jedyeꞌ in judyeyaꞌ cuꞌdyeꞌ muꞌin, mọꞌdyes qui pạrejti in ĉaĉaij na jam tupuj mọꞌ jac, jam junꞌ tupuj yiriꞌyaꞌ bäꞌyi in. Chimeꞌdye mọꞌ jac aty jam tupuj cuꞌdyedyes, aty jam junaꞌ atsvun. 8Mọꞌdyes muꞌ Esaú, Edom yocsiꞌ tịj muꞌ, mụcuꞌchemꞌ jịjcaij, Seir tịj muꞌ mụcus muꞌ.

9Ọij nash tịj muꞌin Esaútyiꞌ vóshiꞌ muꞌ, edomita jéyacsi in, mụcuꞌcheꞌ Seircheꞌ bäꞌyi in. 10Esaútyiꞌ ạvaꞌ muꞌ: Elifaz, Adaty ạvaꞌ mọꞌ judyeyaꞌ Reuel, Basemattyiꞌ ạvaꞌ mọꞌ. 11Elifaztyiꞌ ạvaꞌ muꞌ: Temán, Omar, Zefo, Gatam judyeyaꞌ Cenaz, 12meꞌ meꞌ tịj muꞌin Esaútyiꞌ vịyaꞌ muꞌ, Adaty jäyeꞌ mọꞌ. Muꞌ Elifaz meꞌchuiꞌ yocsiꞌ p̂en chimeꞌ, mọꞌsiꞌ tịj mọꞌ Timna: mọꞌ ạvaꞌyiꞌ sonꞌ Amalec tịj muꞌ. 13Reueltyiꞌ ạvaꞌ muꞌ: Nahat, Zera, Sama, Miza, meꞌ meꞌ tịj muꞌin Basemattyiꞌ jäyeꞌ mọꞌ, mọꞌ nash yocsiꞌ p̂en Esaúsiꞌ. 14Mọꞌ Aholibama yocsiꞌ p̂en Esaúsiꞌ ạvaꞌ muꞌin tịj muꞌin: Jeús, Jaalam judyeyaꞌ Coré. Mọꞌ Aholibama Anásiꞌ ạvaꞌ muꞌ judyeyaꞌ Zibeónsiꞌ vịyaꞌ muꞌ.

15Muꞌin Esaútyiꞌ vịyaꞌ muꞌ, Adaty jäyeꞌ mọꞌ, muꞌin tashcheꞌ buꞌyidyety shupqui in, meꞌ buꞌyi in Elifaztyiꞌ ạvaꞌ muꞌ, tịj muꞌin Temán, Omar, Zefo, Cenaz, 16Coré, Gatam judyeyaꞌ Amalec, meꞌ meꞌ muꞌin in. Meꞌ meꞌ tịj muꞌin tashcheꞌ buꞌyidyety in vóshiꞌ Elifaztyiꞌ muꞌ. Edomĉan bäꞌyi vóshiꞌ muꞌ. 17Yoctyiꞌ muꞌyaꞌ chimeꞌ vịyaꞌ Esaútyiꞌ, Basemattyiꞌ jäyeꞌ mọꞌ, muꞌin Reueltyiꞌ ạvaꞌ in, meꞌ meꞌ tịj muꞌin: Nahat, Zera, Sama judyeyaꞌ Miza. Muꞌin tashcheꞌ buꞌyidyety in vóshiꞌ Reueltyiꞌ, Edomĉan bäꞌyi in. 18Yoctyiꞌ chimeꞌ muꞌyaꞌ Esaútyiꞌ vịyaꞌ Aholibamaty jäyeꞌ mọꞌ, mọꞌ Anásiꞌ ạvaꞌ muꞌ, meꞌ meꞌ tịj muꞌin: Jeús, Jaalam judyeyaꞌ Coré. 19Meꞌ meꞌ muꞌin Esaútyiꞌ vóshiꞌ muꞌ, muꞌin tashcheꞌ buꞌyidyety vóshiꞌ muꞌ. Yocsiꞌ tịj Esaúsiꞌ Edom tịj muꞌ.

20Chimeꞌdye muꞌĉan bäꞌyi in Seirtyiꞌ ạvaꞌ muꞌ, horeo muꞌ. Meꞌ meꞌ tịj muꞌin: Lotán, Sobal, Zibeón, Aná, 21Disón, Ezer judyeyaꞌ Disán. Muꞌin tashcheꞌ buꞌyidyety in horeo in, Seirtyiꞌ vóshiꞌ muꞌ, muꞌin Edomĉan bäꞌyity in. 22Lotántyiꞌ ạvaꞌ muꞌ tịj muꞌ Hori judyeyaꞌ Hemam. Mọꞌ Timna Lotánsiꞌ vojiꞌ muꞌ. 23Sobaltyiꞌ ạvaꞌ muꞌ meꞌ meꞌ tịj muꞌin: Alván, Manahat, Ebal, Sefo judyeyaꞌ Onam. 24Zibeóntyiꞌ ạvaꞌ muꞌ tịj muꞌin: Aja judyeyaꞌ Aná. Muꞌ Aná dạcte jijmoꞌmoj cäjyasĉan jac, yoquiꞌdyemꞌ ĉọjcacsi u jenꞌtyiꞌ bóricomꞌ Zibeóntyiꞌ. 25Anáty ạvaꞌ muꞌ tịj muꞌin Disón judyeyaꞌ mọꞌ Aholibama. 26Disóntyiꞌ ạvaꞌ muꞌ: Hemdán, Esbán, Itrán judyeyaꞌ Querán. 27Ezertyiꞌ ạvaꞌ muꞌ: Bilhán, Zaaván judyeyaꞌ Acán. 28Disántyiꞌ ạvaꞌ muꞌ: Uz judyeyaꞌ Arán.

29Muꞌin hereo in tashcheꞌ buꞌyidyety in, meꞌ meꞌ tịj in: Lotán, Sobal, Zibeón, Aná, 30Disón, Ezer, judyeyaꞌ Disán, meꞌ meꞌ tịj muꞌin tashcheꞌ buꞌyidyety in horeo in, räj muꞌin Seirĉan bäꞌyity in.

Edomĉantyiꞌ Ayoꞌ in

31Chimeꞌdye muꞌyaꞌ jiquej Edomĉantyiꞌ ayoꞌ in. Jambiꞌdyemꞌ tyi ayoꞌbuꞌyi in Israeltyiꞌ vóshiꞌ in, aty muꞌyaꞌ Edomĉantyiꞌ ayoꞌ in. 32Muꞌ Bela Beortyiꞌ ạvaꞌ muꞌ, muꞌ Edomĉantyiꞌ ayoꞌ. Dinaba tịj bäꞌyedyeꞌ muꞌ. 33Säñi muꞌ Bela, Jobab qui ayoꞌbuꞌyi, muꞌ Zeraty ạvaꞌ muꞌ, Bosra tịj bäꞌyedyeꞌ Jobabsiꞌ. 34Säñi muꞌ Jobab, Husam qui ayoꞌbuꞌyi, Temán tịj bäꞌyedyeꞌ muꞌ. 35Säñi muꞌ Husam, Hadad qui ayoꞌbuꞌyi, muꞌ Bedadtyiꞌ ạvaꞌ muꞌ, Avit tịj bäꞌyedyeꞌ muꞌ. Muꞌ Hadad jiꞌpenacsi Madiánĉantyiꞌ in, Moabĉan jiꞌpenacsi. 36Säñi muꞌ Hadad, Samla qui ayoꞌbuꞌyi, Masreca tịj bäꞌyedyeꞌ muꞌ. 37Säñi muꞌ Samla, Saúl qui ayoꞌbuꞌyi, Rehobot tịj bäꞌyedyeꞌ muꞌ, cojiroyas bäꞌyedyeꞌ. 38Säñi muꞌ Saúl, Baal-hanán qui ayoꞌbuꞌyi, Acbortyiꞌ ạvaꞌ muꞌ. 39Säñi Baal-hanán, Hadad qui ayoꞌbuꞌyi, Pau tịj bäꞌyedyeꞌ muꞌ. Mọꞌ p̂en muꞌ Hadadsiꞌ Mehetabel tịj mọꞌ, Matredsiꞌ ạvaꞌ muꞌ judyeyaꞌ Mezaab tịj vịyaꞌ mọꞌ.

40Meꞌ meꞌ tịj muꞌin Esaútyiꞌ vóshiꞌ muꞌ, muꞌin tashcheꞌ buꞌyidyety in, meꞌ meꞌ tịj muꞌin: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel, judyeyaꞌ Iram. Meꞌ meꞌ tịj muꞌin Esaútyiꞌ vóshiꞌ muꞌ, Edomĉantyiꞌ ayoꞌ in. Yojyojdyemꞌ in, meꞌ meꞌ shupqui in ĉụiꞌtyiꞌ vóshiꞌ muꞌin, yiris tịj muꞌin, yirity jịjcaij ñuruꞌ in. Meꞌdye tịj jac chimeꞌ muꞌin. Meꞌ meꞌ shupqui in Esaútyiꞌ vóshiꞌ muꞌ, chimeꞌ tịj muꞌ Edom.

Currently Selected:

Génesis 36: CAS

Highlight

Copy