К Колоссянам 3
3
1Уңуваҳтыка̄тыхпысиның малигулъюси Христосымун, пиюкақитыки сяңўа̄т Кияӷныӷым лъпысинун пикысқылъюки қилягмылңӯт. Таўани Христос ақумга̄қ аӷынқигныӷакун Кияӷныӷым. 2Сю̄мқақитыки тама̄кут қилягмылңӯт, нака̄н тама̄кут нунамылңӯт. 3Таўатын сюмыҳтаӷаӷақитык қаюҳлъяк туқука̄гуси. Уңувалъыҳси ӣӷңа̄қ Христосыми Кияӷныҳқун. 4Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.
Кияҳта̄лъылюклъю, Кияҳта̄лъыӷра̄ӷақлъю
5Та̄қитыки атуқныӷмың югусиҳпыси сыӷлыӷыт пиюкылъҳит, катам алъянӣқ, укмаңинъыӷилңуқ кияҳта̄лъық, атуқсюлъҳа сыӷлыӷым, пакигнӣқлъю. Пакигнӣқ манигӯлъҳӣстун кияӷныңлъяқанун аюқуқ. 6Тама̄кут апалъюқлъюки Кияӷныӷым сякша̄лъыҳлъяга тагиңӯқ қа̄ткусигалңуӷнун лъңанун. 7Сивунӷани таўатын кияҳтыңъуяҳтуси.
8Иўырңа ма̄тын атуқнаниҳтыки қамахлъюки укут: сякша̄, сякша̄ҳлъяк, угумикыра̄қ, сыӷлықӯқ, сыӷлыӷмыңлъю акузиткилъық. 9Иқлъыңиқутыхпынаси қаюҳлъяк та̄қума̄ҳси кияҳта̄лъылюхси, айӷӣткақсяқысилъю. 10Ынка̄м кияҳта̄лъыӷраӷақ атуқа̄ҳсима̄ҳси. Нутаҳтыңъӯси, Улимаӷистыхпысистунлъю лъӣӷӯси. Тама̄кын апалъюқуку лӣгикыкыстаӷаҳси Кияӷнық кинаҳпига̄таңа. 11Кияҳта̄лъыӷраӷаӷми, алъяңуӷутңитут акулңитни язычнигытлъю, Иудеитлъю, акулңитни обрезаниякатлъю, обрезаниялъҳилңӯтлъю, акулңитни варварытлъю, Скифатлъю, акулңитнилъю, қыпҳаҳтыля̄ӷытлъю, қыпҳаҳтыля̄ӷунӷилңӯтлъю. Иўырңа Христос қулиҳпига̄гуқ, кияҳтыңъӯқлъю тамаҳамнъи ухпықани.
12Кияӷныӷым юкӣси аглыӷналӷӣт, пиниқыпихтӣсилъю. Накмикыхкақӣси. Ынка̄м наңлъыхтаӷлюси, наңлъыкилюси, қусывыхлъюси, якуқлъюси, нуқынъыҳтулюсилъю. 13Сякшитутыхпынаси иўырңа сыӷывутулъюси. Килъю анахтыкаңиси сыӷывунъакыси катам Атанӷым сыӷывутылъҳистун лъпыси. 14Қамахлъютың тама̄кут мыгнунаҳтут иўырңа пиниқылъық мыгнуналъыҳпига̄гуқ. Пиниқутылъҳым ата̄сӣҳтыңъўа̄ӷӣлъю. 15Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю. 16Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның. 17Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.
Натын Ныңлъюгутыт Кияҳтылъыҳқа̄т
18Нулӣӷни, малиҳқутақлъюси угихпысинун қаюҳлъяк таўатын Атанӷым писқысюўӣси.
19Угини, пиниқлъюки нулӣси, якуқлъюки пӣқитыки.
20Таӷнуҳаӷни, қа̄ткылъюки аңаюқаси сялъыҳқун тамаҳа̄кун, қаюҳлъяк таўатын пилъҳым ыфқуҳтақа̄ Атанық.
21Атани, сякша̄сяӷаҳпынаки таӷнуҳаси лю̄рақ ӣлъқынъаюката.
22Қыпҳаҳтыля̄ӷни, ӣўлың қа̄ткылъюки пилӣтистыси. Ӣўлыңлъю ыфқуҳнақлъюки ысҳапагуӷңа̄та налиӷмың ысҳапагунӷитыӷңа̄та. Қыпҳа̄тыки ипапиҳқылъюси қаюҳлъяк таўатын қӯлва̄ңўа̄ҳси Атанық. 23Сялъыҳпысини тамаҳа̄ни қыпҳаӷақитык пинақылъҳаҳси қамахтӣлюку қыпҳа̄тыпихлъыҳӣстун Атанық, нака̄н югнун. 24Нықамиклъюку Атанӷӯқ Христос қыпҳа̄ткаҳси. Алъхыҳлъықаҳси акилыҳтӯсяҳси лъңаның. Акилыҳтӯсяқ акықусяқыхкақа̄ тӯнылъықнилюку югминун. 25Иўырңа кина алңунак сыӷлытун писта налъяңиӷьяҳқа̄гуқ сыӷлытун пилъҳанун қаюҳлъяк Кияӷныӷым нанқихсяҳқақа̄ тамаҳа̄н ю̄к таўатыҳлъюўа̄қ.
Currently Selected:
К Колоссянам 3: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
К Колоссянам 3
3
1Уңуваҳтыка̄тыхпысиның малигулъюси Христосымун, пиюкақитыки сяңўа̄т Кияӷныӷым лъпысинун пикысқылъюки қилягмылңӯт. Таўани Христос ақумга̄қ аӷынқигныӷакун Кияӷныӷым. 2Сю̄мқақитыки тама̄кут қилягмылңӯт, нака̄н тама̄кут нунамылңӯт. 3Таўатын сюмыҳтаӷаӷақитык қаюҳлъяк туқука̄гуси. Уңувалъыҳси ӣӷңа̄қ Христосыми Кияӷныҳқун. 4Христос уңувалъқаҳпут. Алӣқан, лъпысилъю алӣлгусиҳлъықаҳси ниӷуҳқылъҳани.
Кияҳта̄лъылюклъю, Кияҳта̄лъыӷра̄ӷақлъю
5Та̄қитыки атуқныӷмың югусиҳпыси сыӷлыӷыт пиюкылъҳит, катам алъянӣқ, укмаңинъыӷилңуқ кияҳта̄лъық, атуқсюлъҳа сыӷлыӷым, пакигнӣқлъю. Пакигнӣқ манигӯлъҳӣстун кияӷныңлъяқанун аюқуқ. 6Тама̄кут апалъюқлъюки Кияӷныӷым сякша̄лъыҳлъяга тагиңӯқ қа̄ткусигалңуӷнун лъңанун. 7Сивунӷани таўатын кияҳтыңъуяҳтуси.
8Иўырңа ма̄тын атуқнаниҳтыки қамахлъюки укут: сякша̄, сякша̄ҳлъяк, угумикыра̄қ, сыӷлықӯқ, сыӷлыӷмыңлъю акузиткилъық. 9Иқлъыңиқутыхпынаси қаюҳлъяк та̄қума̄ҳси кияҳта̄лъылюхси, айӷӣткақсяқысилъю. 10Ынка̄м кияҳта̄лъыӷраӷақ атуқа̄ҳсима̄ҳси. Нутаҳтыңъӯси, Улимаӷистыхпысистунлъю лъӣӷӯси. Тама̄кын апалъюқуку лӣгикыкыстаӷаҳси Кияӷнық кинаҳпига̄таңа. 11Кияҳта̄лъыӷраӷаӷми, алъяңуӷутңитут акулңитни язычнигытлъю, Иудеитлъю, акулңитни обрезаниякатлъю, обрезаниялъҳилңӯтлъю, акулңитни варварытлъю, Скифатлъю, акулңитнилъю, қыпҳаҳтыля̄ӷытлъю, қыпҳаҳтыля̄ӷунӷилңӯтлъю. Иўырңа Христос қулиҳпига̄гуқ, кияҳтыңъӯқлъю тамаҳамнъи ухпықани.
12Кияӷныӷым юкӣси аглыӷналӷӣт, пиниқыпихтӣсилъю. Накмикыхкақӣси. Ынка̄м наңлъыхтаӷлюси, наңлъыкилюси, қусывыхлъюси, якуқлъюси, нуқынъыҳтулюсилъю. 13Сякшитутыхпынаси иўырңа сыӷывутулъюси. Килъю анахтыкаңиси сыӷывунъакыси катам Атанӷым сыӷывутылъҳистун лъпыси. 14Қамахлъютың тама̄кут мыгнунаҳтут иўырңа пиниқылъық мыгнуналъыҳпига̄гуқ. Пиниқутылъҳым ата̄сӣҳтыңъўа̄ӷӣлъю. 15Тамаҳаҳпыси налиӷнықӣси Христосым югусӣн, ынка̄м накмикыхка̄гуси кияҳтысқылъюси қырңаҳпыси ныкыхмылъыҳқун. Та̄на апалъюқлъюку Христосым ныкыхмылъҳан иглыӷулъики илюси. Иқамсиқаюгңатыклъю. 16Йықай Христосым апыҳтӯсӣ кымнаӷлютың кияҳлъит илюхпысини. Апыҳтӯтутақлъюси, кылыңася̄ӷутутақлъюсилъю тамаҳа̄кун пыҳқинылъыҳқун. Илягаҳтык Кияӷныӷмун игамсиқаюлъылиӷлюси илюхпысигун, илягаҳтык псалмының, иляга̄тның, манигӯтмунлъю иляга̄тның. 17Ынка̄м сяңўа̄ пикаҳси, акузиткун налиӷмың қыпҳалъыҳқун қамахлъюку пӣқитыху а̄тҳакун Атанӷым Иисусым. Лъңакун игамсиқаюгвикитыху Кияӷнық Ата.
Натын Ныңлъюгутыт Кияҳтылъыҳқа̄т
18Нулӣӷни, малиҳқутақлъюси угихпысинун қаюҳлъяк таўатын Атанӷым писқысюўӣси.
19Угини, пиниқлъюки нулӣси, якуқлъюки пӣқитыки.
20Таӷнуҳаӷни, қа̄ткылъюки аңаюқаси сялъыҳқун тамаҳа̄кун, қаюҳлъяк таўатын пилъҳым ыфқуҳтақа̄ Атанық.
21Атани, сякша̄сяӷаҳпынаки таӷнуҳаси лю̄рақ ӣлъқынъаюката.
22Қыпҳаҳтыля̄ӷни, ӣўлың қа̄ткылъюки пилӣтистыси. Ӣўлыңлъю ыфқуҳнақлъюки ысҳапагуӷңа̄та налиӷмың ысҳапагунӷитыӷңа̄та. Қыпҳа̄тыки ипапиҳқылъюси қаюҳлъяк таўатын қӯлва̄ңўа̄ҳси Атанық. 23Сялъыҳпысини тамаҳа̄ни қыпҳаӷақитык пинақылъҳаҳси қамахтӣлюку қыпҳа̄тыпихлъыҳӣстун Атанық, нака̄н югнун. 24Нықамиклъюку Атанӷӯқ Христос қыпҳа̄ткаҳси. Алъхыҳлъықаҳси акилыҳтӯсяҳси лъңаның. Акилыҳтӯсяқ акықусяқыхкақа̄ тӯнылъықнилюку югминун. 25Иўырңа кина алңунак сыӷлытун писта налъяңиӷьяҳқа̄гуқ сыӷлытун пилъҳанун қаюҳлъяк Кияӷныӷым нанқихсяҳқақа̄ тамаҳа̄н ю̄к таўатыҳлъюўа̄қ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.