К Колоссянам 4
4
1Қыпҳаҳтыля̄ӷыт пилӣтистыңитни, пинитуңўа̄қлъю, атуныңўа̄қлъю пӣқитыки қыпҳаҳтыля̄си, лӣсимаклъюку лъпысилъю Пилӣтистылгӯси қилягми. 2Юӷа̄маңинаҳтык, ӣлъқаюхпынасилъю юӷаӷақитык игамсиқаюгвикума̄н Кияӷнық. 3Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа. 4Ынка̄м юӷа̄ткитыңъа уна уңипақ уңипақсяҳқа̄люку хўатыҳлъюўа̄қ катам Кияӷныӷым хўаңамнун писқылъҳатун.
5Пыҳқинӷўа̄қитык ухпықа̄нӷилңуӷнинъыҳпысини. Атуқақитыху тамаҳа̄н пилъыҳқаҳси уңипа̄сяҳқа̄люки Христосымың. 6Алыҳқуныҳпысики ӣўлың наңлъыхтаӷлюси, акузӣқлъюси итагнаӷьюгнаӷлюси, нагасюгнаӷлюсилъю. Таўатын пӣқитык лӣсимакысқылъюси натын кӣмсилъыҳқӣт а̄пқуӷа̄лъҳит.
Павелым А̄пқаңи Югыт Лъминилңӯт
7Тихик ухпықа̄лгуткақа, пиниқыпихтыкақа. Қыпҳалгуткақа, қыпҳа̄тақа̄лъю Атанық хўаңамнун малигулъюни. 8Каяхтақа лъпысинун, лӣсимакысқылъюку натытулвут ынка̄м кайымылъыңысқылъюси. Уңипа̄нъа̄ӷӣси хўаңамның. 9Каяхтақалъю Онисим лъпысинун. Пиниқыхка̄гуқ ата̄сӣӷмылңуқ ухпықа̄лгун, лъпысиның пиңӯқ. Тихикылъю уңипа̄лъықӣси сямың тамаҳа̄ның сялъыӷның ма̄ни.
10Аристархым анусимиңлъяӷалгутма, Маркымлъю аталгутаңан Варнавам сю̄мқақӣсиңуқ. (Уңипа̄ткақамси посланиятхун Маркымың, ка̄симакан лъпысинун упуӷатысқылъюку.) 11Иисусымлъю, алъя атылгым Иустымың сю̄мқақӣсиңуқ. Та̄куңина̄гут Иудеит ухпықат, қыпҳалгусиӷақа̄тңа Атаныҳпагулъҳанун Кияӷныӷым. Илютуқутканка ынңа̄талъ.
12Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку. 13Уңипа̄сюгамси Епафрас қыпҳаҳлъяка̄гуқ каюсӣнъалюси, каюсӣнъалюкилъю Лаодикияӷмӣтлъю, Иераполыӷмӣтлъю. 14Лукамлъю пиниқыпихтыкамта аӷалиҳтым, Димасымлъю сю̄мқақӣсиңуқ.
15Ухпықа̄лгутнун Лаодикиямылңуӷнун, Нимфанымунлъю, ухпықа̄лгутнунлъю қырңуӷуткаюгнун манигӯнъалютың мыңтыӷа̄ни, уңипа̄нъакыси сю̄мқақанкаңуқ. 16Атиҳтуӷнакыси укут посланият ухпықанун қырңуӷуткаюгнун юӷаӷвигани Колоссым. Ўатаҳлъяклъю атиҳтуӷнакыси укут посланият Лаодикияӷмӣт ухпықӣтнун. Атиҳтуӷнакысилъю посланият Лаодикияӷмӣт ухпықӣта туюӷьяҳқӣт лъпысинун. 17Архипп Уңипа̄таҳнакыси хўатын: «Ўатаҳлъяк апыӷӣӷнакын қыпҳақақ Атанӷым қылӷутка̄ лъпынун».
18Хўаңа, Павел, хўаңа катам ӣхымның уна игақақа. Нықамиклъюңа анусимиңлъяӷа̄гуңа, қӣпшаӷусиӷлюңа аюқуңа. Қамахлъюси сю̄мқақамси.
Кияӷнық наңлъыхтаӷли лъпысини.
Currently Selected:
К Колоссянам 4: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
К Колоссянам 4
4
1Қыпҳаҳтыля̄ӷыт пилӣтистыңитни, пинитуңўа̄қлъю, атуныңўа̄қлъю пӣқитыки қыпҳаҳтыля̄си, лӣсимаклъюку лъпысилъю Пилӣтистылгӯси қилягми. 2Юӷа̄маңинаҳтык, ӣлъқаюхпынасилъю юӷаӷақитык игамсиқаюгвикума̄н Кияӷнық. 3Юӷақуфси, юӷа̄ткынъакыфсикутлъю. Юӷаҳтык Кияӷныӷмун қылъпыӷутысқылъюта амигмың миңитысқылъюки акузитаңи Христосымың аюқылӷӣт. Сивунӷани Кияӷныӷым қайвиҳсимаңита̄ ипапилъық Христосымың аюқылӷӣ. Иўырңа Кияӷныӷым уңипа̄та̄ңа уңипақысқылъюку та̄на қайвиҳсимаңилңуқ ипапилъық. Уңипақыхкақутымның та̄на ипапилъық анусимиңлъяӷа̄тңа. 4Ынка̄м юӷа̄ткитыңъа уна уңипақ уңипақсяҳқа̄люку хўатыҳлъюўа̄қ катам Кияӷныӷым хўаңамнун писқылъҳатун.
5Пыҳқинӷўа̄қитык ухпықа̄нӷилңуӷнинъыҳпысини. Атуқақитыху тамаҳа̄н пилъыҳқаҳси уңипа̄сяҳқа̄люки Христосымың. 6Алыҳқуныҳпысики ӣўлың наңлъыхтаӷлюси, акузӣқлъюси итагнаӷьюгнаӷлюси, нагасюгнаӷлюсилъю. Таўатын пӣқитык лӣсимакысқылъюси натын кӣмсилъыҳқӣт а̄пқуӷа̄лъҳит.
Павелым А̄пқаңи Югыт Лъминилңӯт
7Тихик ухпықа̄лгуткақа, пиниқыпихтыкақа. Қыпҳалгуткақа, қыпҳа̄тақа̄лъю Атанық хўаңамнун малигулъюни. 8Каяхтақа лъпысинун, лӣсимакысқылъюку натытулвут ынка̄м кайымылъыңысқылъюси. Уңипа̄нъа̄ӷӣси хўаңамның. 9Каяхтақалъю Онисим лъпысинун. Пиниқыхка̄гуқ ата̄сӣӷмылңуқ ухпықа̄лгун, лъпысиның пиңӯқ. Тихикылъю уңипа̄лъықӣси сямың тамаҳа̄ның сялъыӷның ма̄ни.
10Аристархым анусимиңлъяӷалгутма, Маркымлъю аталгутаңан Варнавам сю̄мқақӣсиңуқ. (Уңипа̄ткақамси посланиятхун Маркымың, ка̄симакан лъпысинун упуӷатысқылъюку.) 11Иисусымлъю, алъя атылгым Иустымың сю̄мқақӣсиңуқ. Та̄куңина̄гут Иудеит ухпықат, қыпҳалгусиӷақа̄тңа Атаныҳпагулъҳанун Кияӷныӷым. Илютуқутканка ынңа̄талъ.
12Епафрас, қыпҳаҳтыңа Христос Иисусым, лъпысиның пиңӯқ, лъңанлъю сю̄мқақӣсиңуқ. Ӣўлың та̄куңинаҳа̄гның юӷа̄ткақӣси аңтанӣтысқылъюси, лӣсимакңъўа̄ӷысқылъюку сяңўа̄ Кияӷныӷым писқысюлъҳа лъпысинун, лъпысинунлъю қамахтыңъўа̄ӷлюку пиюкылъҳа пикысқылъюку. 13Уңипа̄сюгамси Епафрас қыпҳаҳлъяка̄гуқ каюсӣнъалюси, каюсӣнъалюкилъю Лаодикияӷмӣтлъю, Иераполыӷмӣтлъю. 14Лукамлъю пиниқыпихтыкамта аӷалиҳтым, Димасымлъю сю̄мқақӣсиңуқ.
15Ухпықа̄лгутнун Лаодикиямылңуӷнун, Нимфанымунлъю, ухпықа̄лгутнунлъю қырңуӷуткаюгнун манигӯнъалютың мыңтыӷа̄ни, уңипа̄нъакыси сю̄мқақанкаңуқ. 16Атиҳтуӷнакыси укут посланият ухпықанун қырңуӷуткаюгнун юӷаӷвигани Колоссым. Ўатаҳлъяклъю атиҳтуӷнакыси укут посланият Лаодикияӷмӣт ухпықӣтнун. Атиҳтуӷнакысилъю посланият Лаодикияӷмӣт ухпықӣта туюӷьяҳқӣт лъпысинун. 17Архипп Уңипа̄таҳнакыси хўатын: «Ўатаҳлъяк апыӷӣӷнакын қыпҳақақ Атанӷым қылӷутка̄ лъпынун».
18Хўаңа, Павел, хўаңа катам ӣхымның уна игақақа. Нықамиклъюңа анусимиңлъяӷа̄гуңа, қӣпшаӷусиӷлюңа аюқуңа. Қамахлъюси сю̄мқақамси.
Кияӷнық наңлъыхтаӷли лъпысини.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.