К Колоссянам 2
2
1Уңипа̄таҳлъямси та̄куңинаҳа̄гның қыпҳа̄тилъымның лъпысинун, ухпықанунлъю Лаодикиямылңуӷнун, тамаҳа̄нунлъю ысҳа̄сигалңуӷның хўаңамның. 2Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ. 3Қамахлъюки Кияӷныӷым пыҳқинылъҳилъю, лӣгикиңалъҳилъю Христосымытут. Та̄кук аклъюңистун аюқук ӣӷңалӷӣк Христосыми.
4Уңипа̄тамси, китумун алңунак пӯҳтыстыхпынаси тымңиның апыҳтуӷалъҳитның, қайўа ипасюгнитыӷңа̄та. 5Қайўа уявансяӷңа̄ӷма лъпысиның, умьюгамкун лъпысинитақуңа. Қуя̄ңа қаюҳлъяк кияҳлъыҳӣси Кияӷныӷым писқылъҳатун, ухпықилъыҳсилъю Христосыкун аӷулӣлңуқ.
Нагныӷутыху Кияҳта̄лъыҳси Христосыкун
6Тугуклъилъыҳпысистун Христос Иисус Атанӷулюку, таўатыҳпигақ ухпықилъыҳқун кияҳтык лъңакун. 7Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.
8Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут, 9қаюҳлъяк қамахтыңъўа̄ӷлюни Кияӷнық кияҳтыңъӯқ Христосым югусӣн. 10Христос на̄сқӯгуқ иглыӷутистынунлъю, пилъыҳқалыгнунлъю. Илятыслъюси Христосымун Кияӷныӷым тӯныхкақисӣ уңувалъыпигмың.
11Илятңалъыҳпысигун Христосымун обрезанияка̄гуси. Обрезаниялъыҳси югыт пистылъҳита̄т, иўырңа Христосым пистыкақа̄. Ынка̄м итымуткақӣси аҳтуӷьяҳқа̄нӷилъҳаның югусиҳпыси сыӷлыҳқыңъалӷӣт пиюкылъҳитның. 12Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың. 13Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут. 14Қа̄ткынӷитақңамтыки Кияӷныӷым Лӣлиҳтӯсӣ сыӷлыҳқылъҳыт пикапут игақыхка̄гут. Кияӷныӷым иқиткақӣ игақуқат сыӷлыҳқылъыпут туқуқа̄лъюки Христосым қақӯра̄нун. 15Кияӷныӷым ўаяҳтықақӣ гӯтутаңит иглыӷутилӷӣтлъю, аҳтуӷьяҳқа̄нӷилъылгытлъю туӷныӷа̄т. Таўатын тамаңанун ысҳаҳтыстыка̄ кая̄лъқӣлъыни тама̄куның туӷныӷаӷның.
16Китумун алңунак нанқихтыстыхпынаси ныӷылъыӷмыңлъю, мыӷылъыӷмыңлъю, нықынӷаҳқылъҳыт аӷныӷитның, нутаӷат танқит аӷныӷитның, налиӷмың Субботат аӷныӷитның. 17Та̄кут таӷныӷаңулъҳӣстун аюқут та̄кунун пияҳқанун ага сивумылңуӷнун. Иўырңа тама̄кут ипапигыт Христосымытут. 18Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ. 19Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.
Туқулӷӣтлъю, Уңувалӷӣтлъю Христосыми
20Христос туқа̄қңан туқулгусиқалъҳӯқақаҳси. Ынка̄м итымутка̄гуси туӷныӷаӷның иглыӷутилӷӣның хўани нунами. Сяңанңам кияҳтақыстык нунамун пикыпихлъыҳӣстун? Сяңан қа̄ткақыстыки лӣлиҳтуӷалъҳит хўатылңӯт: 21«Сяфлъыхпына̄н, На̄сӣҳпына̄н, Ся̄фтыхпына̄н?» 22Та̄кут лӣлиҳтуӷалъҳыт югыт ныӷыхкӣтныңлъю мыӷыхкӣтныңлъю аюқут. Ынка̄м ныӷыхкӣтлъю, мыӷыхкӣтлъю атуқсяҳқа̄наниӷақут. Тама̄кут лӣлиҳтуӷалъҳыт та̄ўаңинаҳақ югыт лӣлиҳтуӷалъқӣтлъю, апыҳтӯсяқӣтлъю. 23Тама̄кут лӣлиҳтуӷалъҳыт апыҳтуӷӣт югыт пыҳқинысиӷўа̄ӷысқылъюки. Апыҳтуӷӣтлъю амью̄ткысқылъюки югусӣт, атуқнанӣсқылъюки югусӣта пиюкылъҳит. Иўырңа таўатын пилъҳита аӷулӣҳсигатӣт атуқнанилъыҳқамың тама̄кут сыӷлыҳқылъҳыт. Тама̄кут лӣлиҳтуӷалъҳыт ипасюгнитут иўырңа тымңиңӯт апыҳтӯсят.
Currently Selected:
К Колоссянам 2: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
К Колоссянам 2
2
1Уңипа̄таҳлъямси та̄куңинаҳа̄гның қыпҳа̄тилъымның лъпысинун, ухпықанунлъю Лаодикиямылңуӷнун, тамаҳа̄нунлъю ысҳа̄сигалңуӷның хўаңамның. 2Таўатын пӣқуңа илюңит илютуҳтысқылъюки, ата̄сӣҳтысқылъюкилъю пиниқылъыҳқун. Ынка̄м лӣгикңўа̄ҳлъықа̄т сяңўа̄ Кияӷныӷым қайвиҳсимаңилъкаңа сивунӷани. Та̄на Кияӷныӷым қайвиҳтыка̄ Христосыңӯқ. 3Қамахлъюки Кияӷныӷым пыҳқинылъҳилъю, лӣгикиңалъҳилъю Христосымытут. Та̄кук аклъюңистун аюқук ӣӷңалӷӣк Христосыми.
4Уңипа̄тамси, китумун алңунак пӯҳтыстыхпынаси тымңиның апыҳтуӷалъҳитның, қайўа ипасюгнитыӷңа̄та. 5Қайўа уявансяӷңа̄ӷма лъпысиның, умьюгамкун лъпысинитақуңа. Қуя̄ңа қаюҳлъяк кияҳлъыҳӣси Кияӷныӷым писқылъҳатун, ухпықилъыҳсилъю Христосыкун аӷулӣлңуқ.
Нагныӷутыху Кияҳта̄лъыҳси Христосыкун
6Тугуклъилъыҳпысистун Христос Иисус Атанӷулюку, таўатыҳпигақ ухпықилъыҳқун кияҳтык лъңакун. 7Лъңакун акулгутык асиванун сямавык, лъңакун ныкыфтыки кияҳта̄лъыси ынка̄м икнақуҳтык ухпықилъыҳпысигун апыҳтулъыҳпысистун. Иқамсиқаюгумаңинаҳтык.
8Кылыңалюси! Китумун алңунак аӷуляқутыстыхпынаси тымңитхўатхун апыҳтуӷалъҳитхун. Тама̄кут апыҳтуӷалъҳыт югыт сюмыҳтаӷалъҳитның пиңӯт, туӷныӷаӷныңлъю пиңӯт, иглыӷутилӷӣт хўани нунами. Христосымың пиңунӷитут, 9қаюҳлъяк қамахтыңъўа̄ӷлюни Кияӷнық кияҳтыңъӯқ Христосым югусӣн. 10Христос на̄сқӯгуқ иглыӷутистынунлъю, пилъыҳқалыгнунлъю. Илятыслъюси Христосымун Кияӷныӷым тӯныхкақисӣ уңувалъыпигмың.
11Илятңалъыҳпысигун Христосымун обрезанияка̄гуси. Обрезаниялъыҳси югыт пистылъҳита̄т, иўырңа Христосым пистыкақа̄. Ынка̄м итымуткақӣси аҳтуӷьяҳқа̄нӷилъҳаның югусиҳпыси сыӷлыҳқыңъалӷӣт пиюкылъҳитның. 12Крестиӷақңафси қуңӯтка̄гуси Христосыкун. Та̄хкын макытка̄гуси уңувалъыӷмун Христосыкун қаюҳлъяк ухпықыхкыси Кияӷныӷым аҳтуӷьяҳқа̄нӷилъҳа. Кияӷныӷым макыткақа̄ Христос туқумың. 13Туқука̄гуси қаюҳлъяк сыӷлыҳқыстыңуялӷӣси, қаюҳлъяклъю обрезаниялъҳилңӯси югусиҳпысигун. Иўырңа Кияӷныӷым уңуваҳтыстыкақӣси Христосыкун қаюҳлъяк сыӷывуткақӣ қамахлъюки сыӷлыҳқылъыпут. 14Қа̄ткынӷитақңамтыки Кияӷныӷым Лӣлиҳтӯсӣ сыӷлыҳқылъҳыт пикапут игақыхка̄гут. Кияӷныӷым иқиткақӣ игақуқат сыӷлыҳқылъыпут туқуқа̄лъюки Христосым қақӯра̄нун. 15Кияӷныӷым ўаяҳтықақӣ гӯтутаңит иглыӷутилӷӣтлъю, аҳтуӷьяҳқа̄нӷилъылгытлъю туӷныӷа̄т. Таўатын тамаңанун ысҳаҳтыстыка̄ кая̄лъқӣлъыни тама̄куның туӷныӷаӷның.
16Китумун алңунак нанқихтыстыхпынаси ныӷылъыӷмыңлъю, мыӷылъыӷмыңлъю, нықынӷаҳқылъҳыт аӷныӷитның, нутаӷат танқит аӷныӷитның, налиӷмың Субботат аӷныӷитның. 17Та̄кут таӷныӷаңулъҳӣстун аюқут та̄кунун пияҳқанун ага сивумылңуӷнун. Иўырңа тама̄кут ипапигыт Христосымытут. 18Иляңи югым қусывыгңасюгниҳқысюныҳтӯт, манигуӷақӣтлъю яқулгыт. Ӣўлың акузиткақӣт ысҳаӷўа̄лъытың ысҳақатың. Лъңитнун уңипа̄тыстыхпынаси анахутңанилюси. Лъңит ыслъықңа̄т тымңитхўамың қука̄юхлъыӷмың қаюҳлъяк сюмыӷныӷит югым сюмыӷнықӣ. 19Лъңит илянъаниҳтут Христосымун на̄сқӯлыгмың югусимун. Иглыӷутңўа̄ ӣңуна̄н югусиқ, икнақуҳсяӷақа̄лъю ныҳқақлъюку. Қырңаӷмытыстақа̄ югусиқ атуқыслъюки нафлъӣлъю, ивалюңилъю. Ынка̄м югусиқ нагуңӯқ Кияӷныӷым нагустысқысюлъҳатун.
Туқулӷӣтлъю, Уңувалӷӣтлъю Христосыми
20Христос туқа̄қңан туқулгусиқалъҳӯқақаҳси. Ынка̄м итымутка̄гуси туӷныӷаӷның иглыӷутилӷӣның хўани нунами. Сяңанңам кияҳтақыстык нунамун пикыпихлъыҳӣстун? Сяңан қа̄ткақыстыки лӣлиҳтуӷалъҳит хўатылңӯт: 21«Сяфлъыхпына̄н, На̄сӣҳпына̄н, Ся̄фтыхпына̄н?» 22Та̄кут лӣлиҳтуӷалъҳыт югыт ныӷыхкӣтныңлъю мыӷыхкӣтныңлъю аюқут. Ынка̄м ныӷыхкӣтлъю, мыӷыхкӣтлъю атуқсяҳқа̄наниӷақут. Тама̄кут лӣлиҳтуӷалъҳыт та̄ўаңинаҳақ югыт лӣлиҳтуӷалъқӣтлъю, апыҳтӯсяқӣтлъю. 23Тама̄кут лӣлиҳтуӷалъҳыт апыҳтуӷӣт югыт пыҳқинысиӷўа̄ӷысқылъюки. Апыҳтуӷӣтлъю амью̄ткысқылъюки югусӣт, атуқнанӣсқылъюки югусӣта пиюкылъҳит. Иўырңа таўатын пилъҳита аӷулӣҳсигатӣт атуқнанилъыҳқамың тама̄кут сыӷлыҳқылъҳыт. Тама̄кут лӣлиҳтуӷалъҳыт ипасюгнитут иўырңа тымңиңӯт апыҳтӯсят.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.