К Колоссянам 1
1
1Укут посланият Павелымың пиңӯт. Кияӷныӷым пиюкылъҳакун апостолыңуҳтыка̄гуңа Христос Иисусымун. Тимофейемыңлъю пиңӯт ухпықа̄лгутымнъың.
2Кияӷныӷым югитнун пиңӯт Колоссымылңуӷнун, ата̄сӣӷмылңӯт ухпықа̄лгутыт Христосыкун.
Кияӷныӷым Атамта, наңлъыклъисилъю, ныкыхмылъылисилъилъю.
Юӷӣ Игамсиқаюлъҳым
3Ӣўлың игамсиқаюгвикақаҳпут Кияӷнық, Атаңа Атанымта Иисус Христосым, юӷа̄ткынъымси. 4Таўатын пӣқукут қаюҳлъяк нагақӯма̄ҳпут ухпықилъыҳси Христос Иисусымың, пиниқилъыҳсилъю тамаҳӣтнун Кияӷныӷым югитнун. 5Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси. 6Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа. 7Лӣткақаҳси Кияӷныӷым наңлъыхталъҳа Епафрасымың, пиниқыхкамнъың қыпҳалгутымнъың. Ата̄сӣӷмылъюни қыпҳа̄гуқ Христосымун, қыпҳақақа̄ хўаңкута қыпҳаӷьюхўақаҳпут. 8Лъңан уңипа̄симинкутлъю пиниқилъыӷмың Аглыӷналӷӣм Таӷныӷам тӯныхка̄ның лъпысинун.
9Аӷныӷмың та̄хкын нагақӯтымнъың тама̄куның, юӷа̄ткынъанӣгатамси. Туңсӣтңўа̄мси Кияӷныӷмун лӣсимакысқылъюку қамахлъюку лъңан пиюкылъҳа. Юӷа̄ткақамсилъю пыҳқинӷусқылъюси, лӣгикысқылъюкилъю сяңўа̄т Аглыӷналӷӣм Таӷныӷам апыҳтӯткӣ. 10Та̄хкын кияҳсяҳқа̄ҳлъықуси Атанӷым пиюкылъҳатун, ӣўлың атуқақылъықаҳси сяңўа̄ ыфқуӷналӷӣ лъңани. Таўатын кияҳтылъыҳпысини алъя̄ҳӣнақ пинилӷӣ қыпҳаҳлъықаҳси ынка̄м ўата лӣлъықаҳси Кияӷнық. 11Юӷа̄ткақамси Кияӷныӷмун икнақуҳсӣсқылъюси илюхпысигун аҳтуӷьяҳқа̄нӷилъыҳлъягмикун. Таўатын пӣқуқ нуқынъыҳтуҳтыҳлъягысқылъюси ныкыхмылъылиӷлюси сямун тамаҳа̄нун. 12Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми. 13Лъңан югуликақӣлъю аҳтуӷьяҳқа̄нӷилъҳаның мамлыгым ынка̄м тагиткақӣлъю Атаныҳпагулъҳанун пиниқыхками Иӷныӷми. 14Лъңан тукфиқақӣлъю, сыӷывуткақӣлъю сыӷлыҳқылъыпут.
Христос Кияӷныҳтуңўа̄қ Аюқуқ
15Христос таўатытңўа̄ҳтуқ алӣнъыӷилңуҳтун Кияӷныҳтун. Кияҳтыңъӯқ сивуңани сяңўа̄ алңунак улималъҳилъюку, ынка̄м қулиҳпига̄гуқ улима̄ӷьяхаӷның. 16Лъңакун Кияӷныӷым улимакақӣ сяңўа̄т қамахлъюки қилягмылңӯтлъю, нунамылңӯтлъю. Улимакақӣ ысҳақаюпут, ысҳӣгалъкыпутлъю, тама̄кутлъю умӣлгыт, атанӷыт, иглыӷутистыт, пилъыҳқалгытлъю. Кияӷныӷым улимакақӣ сяңўа̄т қамахлъюки Христосыкун, Христосымунлъю. 17Христос таўантыка̄гуқ сивуңитни сяңўа̄т алңунак, аҳтуӷьяҳқа̄нӷилъҳакунлъю сяңўа̄т қамахлъюки лъңан ныкаҳқаҳлъюўа̄ӷитнитыстақӣ. 18Лъңа на̄сқӯгуқ ухпықанун юӷаӷвигмылңуӷнун, лъңан югусиқӣ. Лъңан югусиқ уңуваңустыңъўа̄. Лъңаңӯқ уңуваӷьюхўа̄қақ туқулъыӷмың, ынка̄м қулиҳпига̄гуқ сямун тамаҳа̄нун. 19Кияӷныӷым Пиюкылъқақа қамахтыңъўа̄ӷлюни лъми катам кияҳналюни Иӷныӷми илюңани. 20Кияӷныӷым Иӷныӷмикун выӷутыстыкақӣ лъңанун сяңўа̄т қамахлъюки нунамилъю, қилягмилъю. Ынка̄м а̄ўакун Иӷныӷми туқа̄қңан қақӯрами илялӣӷутыстыкақӣ лъңанун.
21Ата̄симың пылъыӷңаяҳтуси Кияӷныӷмың. Ынка̄м аңуяксяӷӣси сюмыҳтаӷаткаҳтыкилъю, сыӷлытунлъю пилъыҳпысигун. 22Иўырңа Кияӷныӷым илялӣӷунъықихтыстӣси лъңанун Иӷныӷми югусӣн туқулъҳакун. Таўатын пика̄гуқ тагинъалюси наю̄тңалъыӷминун аглыӷнаӷлюси, пылюңилъюси, авутңилъюсилъю. 23Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.
Павелым Қыпҳа̄тилъҳа Ухпықанун Юӷаӷвигнилңуӷнун
24Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт. 25Кияӷныӷым қыпҳаҳтыңлъяқақа̄ңа ухпықанун. Тагивақақа̄ уна қыпҳақақ каюсӣтысқылъюси, лъпысинун лӣгикңўа̄ӷысқылъюки Кияӷныӷым акузитаңи. 26Сивунӷани Кияӷныӷым қайвиҳсимаңита̄ уна ипапилъық тамаҳа̄нун югнун, иўырңа ма̄тын қайвиҳтыңъўа̄ лъми югминун. 27Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани. 28Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун. 29Та̄на пиналюку та̄куңинаҳа̄гның уӷлыӷӣҳтуңа атуқлъюку Христосым аҳтуӷьяҳқа̄нӷилъҳа қыпҳалӷӣ икнақыпихлъюни илюмнъи.
Currently Selected:
К Колоссянам 1: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
К Колоссянам 1
1
1Укут посланият Павелымың пиңӯт. Кияӷныӷым пиюкылъҳакун апостолыңуҳтыка̄гуңа Христос Иисусымун. Тимофейемыңлъю пиңӯт ухпықа̄лгутымнъың.
2Кияӷныӷым югитнун пиңӯт Колоссымылңуӷнун, ата̄сӣӷмылңӯт ухпықа̄лгутыт Христосыкун.
Кияӷныӷым Атамта, наңлъыклъисилъю, ныкыхмылъылисилъилъю.
Юӷӣ Игамсиқаюлъҳым
3Ӣўлың игамсиқаюгвикақаҳпут Кияӷнық, Атаңа Атанымта Иисус Христосым, юӷа̄ткынъымси. 4Таўатын пӣқукут қаюҳлъяк нагақӯма̄ҳпут ухпықилъыҳси Христос Иисусымың, пиниқилъыҳсилъю тамаҳӣтнун Кияӷныӷым югитнун. 5Пинилӷӣт Уңипат уңипапигӯт. Нагақуӷьюхўа̄ӷақңафсики, лӣтка̄гуси сиӷималъыӷмың Кияӷныӷым тӯныхка̄ның лъпысинун. Ынка̄м сиӷмалъыҳпыси ухпықилъылгустақӣсилъю, пиниқилъылгустақӣсилъю. Қилягми Кияӷныӷым кахпагума̄ лъпысинун сяңўа̄ сиӷимакыхкаҳси. 6Пинилӷӣт Уңипат қуястимаңина̄гут югнун. Ынка̄м Пинилӷӣт Уңипат миңитңӯт ӣңунаҳа̄нун нунам, катам таўатын қуястилъҳистун лъпысинун нагақуӷьюхўа̄ӷақңафсигу Кияӷныӷым наңлъыхталъҳа. Та̄хкын кынляңа лӣтаҳси Кияӷныӷым наңлъыхталъҳа. 7Лӣткақаҳси Кияӷныӷым наңлъыхталъҳа Епафрасымың, пиниқыхкамнъың қыпҳалгутымнъың. Ата̄сӣӷмылъюни қыпҳа̄гуқ Христосымун, қыпҳақақа̄ хўаңкута қыпҳаӷьюхўақаҳпут. 8Лъңан уңипа̄симинкутлъю пиниқилъыӷмың Аглыӷналӷӣм Таӷныӷам тӯныхка̄ның лъпысинун.
9Аӷныӷмың та̄хкын нагақӯтымнъың тама̄куның, юӷа̄ткынъанӣгатамси. Туңсӣтңўа̄мси Кияӷныӷмун лӣсимакысқылъюку қамахлъюку лъңан пиюкылъҳа. Юӷа̄ткақамсилъю пыҳқинӷусқылъюси, лӣгикысқылъюкилъю сяңўа̄т Аглыӷналӷӣм Таӷныӷам апыҳтӯткӣ. 10Та̄хкын кияҳсяҳқа̄ҳлъықуси Атанӷым пиюкылъҳатун, ӣўлың атуқақылъықаҳси сяңўа̄ ыфқуӷналӷӣ лъңани. Таўатын кияҳтылъыҳпысини алъя̄ҳӣнақ пинилӷӣ қыпҳаҳлъықаҳси ынка̄м ўата лӣлъықаҳси Кияӷнық. 11Юӷа̄ткақамси Кияӷныӷмун икнақуҳсӣсқылъюси илюхпысигун аҳтуӷьяҳқа̄нӷилъыҳлъягмикун. Таўатын пӣқуқ нуқынъыҳтуҳтыҳлъягысқылъюси ныкыхмылъылиӷлюси сямун тамаҳа̄нун. 12Ынка̄м қуямалъылиҳлъяглюси игамсиқаюгвикылъықаҳси Ата. Лъңаңулӷӣ лъпысинун ныңилгутыстикақ сямың тамаҳа̄ның акықусяқыхкаминың тӯнылъықнилюки юни кияҳлъыҳӣт ниӷугми. 13Лъңан югуликақӣлъю аҳтуӷьяҳқа̄нӷилъҳаның мамлыгым ынка̄м тагиткақӣлъю Атаныҳпагулъҳанун пиниқыхками Иӷныӷми. 14Лъңан тукфиқақӣлъю, сыӷывуткақӣлъю сыӷлыҳқылъыпут.
Христос Кияӷныҳтуңўа̄қ Аюқуқ
15Христос таўатытңўа̄ҳтуқ алӣнъыӷилңуҳтун Кияӷныҳтун. Кияҳтыңъӯқ сивуңани сяңўа̄ алңунак улималъҳилъюку, ынка̄м қулиҳпига̄гуқ улима̄ӷьяхаӷның. 16Лъңакун Кияӷныӷым улимакақӣ сяңўа̄т қамахлъюки қилягмылңӯтлъю, нунамылңӯтлъю. Улимакақӣ ысҳақаюпут, ысҳӣгалъкыпутлъю, тама̄кутлъю умӣлгыт, атанӷыт, иглыӷутистыт, пилъыҳқалгытлъю. Кияӷныӷым улимакақӣ сяңўа̄т қамахлъюки Христосыкун, Христосымунлъю. 17Христос таўантыка̄гуқ сивуңитни сяңўа̄т алңунак, аҳтуӷьяҳқа̄нӷилъҳакунлъю сяңўа̄т қамахлъюки лъңан ныкаҳқаҳлъюўа̄ӷитнитыстақӣ. 18Лъңа на̄сқӯгуқ ухпықанун юӷаӷвигмылңуӷнун, лъңан югусиқӣ. Лъңан югусиқ уңуваңустыңъўа̄. Лъңаңӯқ уңуваӷьюхўа̄қақ туқулъыӷмың, ынка̄м қулиҳпига̄гуқ сямун тамаҳа̄нун. 19Кияӷныӷым Пиюкылъқақа қамахтыңъўа̄ӷлюни лъми катам кияҳналюни Иӷныӷми илюңани. 20Кияӷныӷым Иӷныӷмикун выӷутыстыкақӣ лъңанун сяңўа̄т қамахлъюки нунамилъю, қилягмилъю. Ынка̄м а̄ўакун Иӷныӷми туқа̄қңан қақӯрами илялӣӷутыстыкақӣ лъңанун.
21Ата̄симың пылъыӷңаяҳтуси Кияӷныӷмың. Ынка̄м аңуяксяӷӣси сюмыҳтаӷаткаҳтыкилъю, сыӷлытунлъю пилъыҳпысигун. 22Иўырңа Кияӷныӷым илялӣӷунъықихтыстӣси лъңанун Иӷныӷми югусӣн туқулъҳакун. Таўатын пика̄гуқ тагинъалюси наю̄тңалъыӷминун аглыӷнаӷлюси, пылюңилъюси, авутңилъюсилъю. 23Кияӷнық таўатын пилъықуқ нагнықуфси ухпықлъюки Пинилӷӣт Уңипат айгуӷикылъңунаки. Иқитыхпынаси сиӷмалъыӷмың алъхыҳтыкаҳпысиның нагақуӷақңафсики Пинилӷӣт Уңипат. Та̄кут Пинилӷӣт Уңипат уңипақңӯт тамаҳа̄ни нунам. Кияӷныӷым накмикыхкақа̄ңа, хўаңа Павел, қыпҳаҳтыңулюңа лъңанун уңипақысқылъюки Пинилӷӣт Уңипат.
Павелым Қыпҳа̄тилъҳа Ухпықанун Юӷаӷвигнилңуӷнун
24Икфиқылъыӷма югусимкун лъпыси апалъюқлъюси қуястыҳлъяга̄ңа. Таўатын каюсиӷиңӯңа апыӷӣӷналюки Христосым икфиқылъҳи югусиминун. Лъңан югусӣ ухпықа̄гут юӷаӷвигмылңӯт. 25Кияӷныӷым қыпҳаҳтыңлъяқақа̄ңа ухпықанун. Тагивақақа̄ уна қыпҳақақ каюсӣтысқылъюси, лъпысинун лӣгикңўа̄ӷысқылъюки Кияӷныӷым акузитаңи. 26Сивунӷани Кияӷныӷым қайвиҳсимаңита̄ уна ипапилъық тамаҳа̄нун югнун, иўырңа ма̄тын қайвиҳтыңъўа̄ лъми югминун. 27Кияӷныӷӯқ накмӣлӷӣ югминун лӣсимакысқылъюку сяңўа̄ қайвиҳтылъҳилъкынъи сивунӷани. Накмикыхкақа̄ лӣсимакысқылъюку а̄ңылъыҳлъяга ӯм ипапилъҳым акулңитни язычнигыт. Ипапилъық қайвиҳтыка̄ унаңӯқ: Христос кияҳтыңъӯқ илюхпысини. Христосыңӯқ сиӷимавут кияҳтысқылъюта Кияӷныӷми лъңан ниӷуҳқылъҳани. 28Ынка̄м уңипақңўа̄ҳпут Христос тамаҳа̄нун. Қамахлъюку пыҳқинылъыҳқун, кылыңася̄ӷақапутлъю, апыҳтуӷақапутлъю қамахлъюки югыт. Таўатын пӣқукут тагинъалюки ата̄сикаҳтӣта югыт Кияӷныӷым наю̄тңалъҳанун аңтанӣтка̄люки Христосыкун. 29Та̄на пиналюку та̄куңинаҳа̄гның уӷлыӷӣҳтуңа атуқлъюку Христосым аҳтуӷьяҳқа̄нӷилъҳа қыпҳалӷӣ икнақыпихлъюни илюмнъи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.