К Филиппийцам 4
4
Павелым Сялъыҳқамың Уңипа̄скаңи Ухпықат
1Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун. 2Еводия, Синтихия, қывӯлъюңа қылыӷнақамтык, та̄қитык аӷиванъыӷмың. Ата̄систун лъӣҳтык, қаюҳлъяк ухпықа̄лгуткутутык Атаныҳқун. 3Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.
4Ӣўлың қуяма̄қитык Атаныҳқун. Пинақлъя̄таӷамси, Қуяма̄қитык! 5Нуқынъыҳтулъыҳси югым қамахлъюни лӣлъигу. Атанық тагияҳтуңыстаҳтуқ. 6Сюмыӷьялиткыхпына̄н сяңўа̄ алңунак. Йыӷлыги, сямың аклъюкуфси юӷаныҳпысини туңсиӷақитык Кияӷныӷмун тӯнысқылъюси. Ӣўлың туңсиӷақитык игамсиқаюлъылиӷлюси. 7Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.
8Ынка̄ңам ухпықа̄лгутымни, на̄ңнӣтаңакун посланияма уңипа̄сюўамси сюмыҳтаӷа̄ткумаңинӣсқылъюки пинилӷӣтлъю, усюқсяҳқатлъю хўатылңӯт: тама̄кут ипапигыт, қӯлваӷьяҳқат, ылъқуӷутңалӷӣт, пылюңилңӯт, пиниқсяҳқат, тама̄кутлъю пинитун акузиткысяҳқат. 9Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.
Павелым Иқамсиқаюгвикыхкаңи Филиппыйыӷмӣт Ухпықат Тунусӣтның
10Ынңа̄талъ қуяпихтуңа Атаныҳқун қаюҳлъяк қавңарухлъяха̄ның хўа̄ алъямың каюсӣлъя̄тақыфсиңа! Лӣсимакақа каюсӣсюкақаҳпысиңа, иўырңа пипагниңитка̄гуси. 11Аклъюңунилюңа пиңунӷитуңа қаюҳлъяк натысяӷңа̄ӷма итагнаӷақуңа. 12Иляңани нӯӷңаӷма кияҳтақуңа, иляңани сӣптӣлюңа кияҳтақуңа. Итагнаӷьягусима̄ңа нани алңунак сятулымтун кияҳнымни. Итагнаӷақуңа кыпсюӷңаӷма кияҳнымни, игатаӷңа̄ӷмалъю кияҳнымни, талўа аклъюмаӷңа̄ӷмалъю, аклъюнӷитыӷңа̄ӷмалъю. 13Сяңўа̄ алңунак пияҳқақақа Христосыкун икнақуҳсяҳтымкун. 14Паниның лъпыси пинитуңўа̄қ каюсӣтақаҳпысиңа сыӷлылӣнымни.
15Лъпыси Филиппыйыӷмӣни, лӣсимакңўа̄ӷаҳси аӷуляқақңама Македониямың, уңипақиюхўа̄ӷақңама Пинилӷӣның Уңипаның, лъңина̄гуси ухпықани каюсиӷикат хўаңамның. Лъңина̄гуси илятңалӷӣт алъхыӷутылъымнунлъю, ифлъӣлъымнунлъю. 16Ата̄сиҳа̄хпына̄н аклъюпигнымни манимың Фессалоникамылъюңа, туюӷақаҳпысиңа. 17Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.
18Хўа̄ ма̄тын на̄ма̄ңа, а̄а, талўа сӣптӣлюңа аюқуңа. Тую̄сяси Епафродиткун қамахлъютың ка̄сима̄т, ынка̄м хўа̄ аклъюңигатуңа. Тунусяси хўаңамнун аҳқуткыхкастун аюқут Кияӷныӷми ыфқуҳтинапихлъыҳӣт. 19Ынка̄ңам Кияӷныӷма ята̄ҳқунъа̄ӷӣси сямың тамаҳа̄ның аклъюкыхкаҳпысиның аклъюңитылъыҳлъягмикун Христос Иисусыкун. 20Кияӷнымнун, Атамун усюқилъта, қӯнпырухлъяк кынлыңуна̄н. Аминь.
Киңулӣт Сю̄мқилъҳыт
21Уңипа̄таҳнакыси қамахлъюки ухпықат Христос Иисусыкун сю̄мқақанкаңуқ. Ухпықа̄лгутыт хўаңамнилңӯт сю̄мқақӣсиңуқ. 22Қамахлъютың Кияӷныӷым юган сю̄мқақӣсиңуқ, кияң та̄кут Кесарым мыңтыӷаӷмӣңита.
23Наңлъыхталъҳа Иисус Христосым таӷныӷаҳпысинилъи.
Currently Selected:
К Филиппийцам 4: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
К Филиппийцам 4
4
Павелым Сялъыҳқамың Уңипа̄скаңи Ухпықат
1Ынка̄ңам пиниқыхкамни ухпықа̄лгутымни, ысҳаӷьюпихтамси, қуямасиқамси, акилыҳтӯсяқамсилъю қыпҳалъымнун. Таўатын аӷулӣтыкыстаҳтык Атаныҳқун. 2Еводия, Синтихия, қывӯлъюңа қылыӷнақамтык, та̄қитык аӷиванъыӷмың. Ата̄систун лъӣҳтык, қаюҳлъяк ухпықа̄лгуткутутык Атаныҳқун. 3Қыпҳалгутымни Сизыгус, лъпыклъю каю̄сӣтаҳтикык аӷнак та̄кук та̄қысқылъюкык аӷиванъыӷмың. Ылъкыхкынка қывӯлъютык қыпҳалгусиқақӣлъю Клименталъю, иляңилъю қыпҳалгутынка, қамахлъюта уңипақиңулюта Пинилӷӣның Уңипаның юлӷутыҳлъягнун. Қыпҳалгутма қамахлъютың а̄тҳит игақңа̄т Ига̄кун Уңувалъҳым. Таўантут игани а̄тҳит қамахлъютың кынлыңилңуӷмың уңувалъыңыхкат.
4Ӣўлың қуяма̄қитык Атаныҳқун. Пинақлъя̄таӷамси, Қуяма̄қитык! 5Нуқынъыҳтулъыҳси югым қамахлъюни лӣлъигу. Атанық тагияҳтуңыстаҳтуқ. 6Сюмыӷьялиткыхпына̄н сяңўа̄ алңунак. Йыӷлыги, сямың аклъюкуфси юӷаныҳпысини туңсиӷақитык Кияӷныӷмун тӯнысқылъюси. Ӣўлың туңсиӷақитык игамсиқаюлъылиӷлюси. 7Ынка̄м Кияӷныӷым илюсилъю, умьюгасилъю ныкыхмытысна̄ӷӣ Христос Иисусыкун. Кияӷныӷым ныкыхмылъҳа а̄ңыҳлъяхтуқ, китум алңунак лӣгикңўа̄ӷна̄нӷита̄.
8Ынка̄ңам ухпықа̄лгутымни, на̄ңнӣтаңакун посланияма уңипа̄сюўамси сюмыҳтаӷа̄ткумаңинӣсқылъюки пинилӷӣтлъю, усюқсяҳқатлъю хўатылңӯт: тама̄кут ипапигыт, қӯлваӷьяҳқат, ылъқуӷутңалӷӣт, пылюңилңӯт, пиниқсяҳқат, тама̄кутлъю пинитун акузиткысяҳқат. 9Сяңўа̄ қамахлъюку нагныӷутыху лӣткаҳси хўаңамның апыҳтуӷилъымкунлъю, кияҳта̄лъымкунлъю. Ынка̄м Кияӷнық ныкыхмылъылитикаюк лъпысинилъықуқ.
Павелым Иқамсиқаюгвикыхкаңи Филиппыйыӷмӣт Ухпықат Тунусӣтның
10Ынңа̄талъ қуяпихтуңа Атаныҳқун қаюҳлъяк қавңарухлъяха̄ның хўа̄ алъямың каюсӣлъя̄тақыфсиңа! Лӣсимакақа каюсӣсюкақаҳпысиңа, иўырңа пипагниңитка̄гуси. 11Аклъюңунилюңа пиңунӷитуңа қаюҳлъяк натысяӷңа̄ӷма итагнаӷақуңа. 12Иляңани нӯӷңаӷма кияҳтақуңа, иляңани сӣптӣлюңа кияҳтақуңа. Итагнаӷьягусима̄ңа нани алңунак сятулымтун кияҳнымни. Итагнаӷақуңа кыпсюӷңаӷма кияҳнымни, игатаӷңа̄ӷмалъю кияҳнымни, талўа аклъюмаӷңа̄ӷмалъю, аклъюнӷитыӷңа̄ӷмалъю. 13Сяңўа̄ алңунак пияҳқақақа Христосыкун икнақуҳсяҳтымкун. 14Паниның лъпыси пинитуңўа̄қ каюсӣтақаҳпысиңа сыӷлылӣнымни.
15Лъпыси Филиппыйыӷмӣни, лӣсимакңўа̄ӷаҳси аӷуляқақңама Македониямың, уңипақиюхўа̄ӷақңама Пинилӷӣның Уңипаның, лъңина̄гуси ухпықани каюсиӷикат хўаңамның. Лъңина̄гуси илятңалӷӣт алъхыӷутылъымнунлъю, ифлъӣлъымнунлъю. 16Ата̄сиҳа̄хпына̄н аклъюпигнымни манимың Фессалоникамылъюңа, туюӷақаҳпысиңа. 17Иўырңа лӣгикысюгамси тунусяси манит мыгнуналъыҳпига̄нӷитут хўаңамни. Мыгнуналъыҳпигақ ысҳа уна: акилыҳтӯсяҳқақ алъхыҳсяҳқаҳси Кияӷныӷмың пинитун пилъыси апалъюқлъюки.
18Хўа̄ ма̄тын на̄ма̄ңа, а̄а, талўа сӣптӣлюңа аюқуңа. Тую̄сяси Епафродиткун қамахлъютың ка̄сима̄т, ынка̄м хўа̄ аклъюңигатуңа. Тунусяси хўаңамнун аҳқуткыхкастун аюқут Кияӷныӷми ыфқуҳтинапихлъыҳӣт. 19Ынка̄ңам Кияӷныӷма ята̄ҳқунъа̄ӷӣси сямың тамаҳа̄ның аклъюкыхкаҳпысиның аклъюңитылъыҳлъягмикун Христос Иисусыкун. 20Кияӷнымнун, Атамун усюқилъта, қӯнпырухлъяк кынлыңуна̄н. Аминь.
Киңулӣт Сю̄мқилъҳыт
21Уңипа̄таҳнакыси қамахлъюки ухпықат Христос Иисусыкун сю̄мқақанкаңуқ. Ухпықа̄лгутыт хўаңамнилңӯт сю̄мқақӣсиңуқ. 22Қамахлъютың Кияӷныӷым юган сю̄мқақӣсиңуқ, кияң та̄кут Кесарым мыңтыӷаӷмӣңита.
23Наңлъыхталъҳа Иисус Христосым таӷныӷаҳпысинилъи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.