1е Тимофею 2

Апыҳтӯсят Манигӯтылъыӷмың

1Сивуклъюку кайымамкын юӷа̄ткысқылъюки қамахлъюки югыт, туңсӣтысқылъюки Кияӷныӷмун аклъюкыхкӣтның, игамсиқаягунъакытынлъю Кияӷныӷмун. 2Юӷа̄ткики умӣлгыт, қамахлъюкилъю иглыӷутилӷӣт, кияҳсяҳқа̄люта ныкыхмылъюта манигӯсималюта, қӯлва̄малюкулъю Кияӷнық. 3Таўатылңуқ юӷалъық пиниҳтуқ, ыфқуӷнаҳтуқ Кияӷныӷми Югулиӷистымнъи, 4қаюҳлъяк қамахлъюку ю̄к югулилъыңысюга̄, лӣтысюга̄лъю ипапилъық. 5Та̄ўа ата̄сӣна̄гуқ Кияӷнық, ата̄сӣна̄гуқлъю илялӣӷутиста Кияӷныӷмунлъю, югнунлъю. Та̄наңӯқ ю̄к Христос Иисус. 6Лъминың тӯныхка̄гуқ аҳқутңулюни итымунъалюки сыӷлыҳқылъҳитның қамахлъюки югыт. Та̄наңӯқ пилъыҳқаҳлъюўа̄қ Кияӷныӷым кылгутилъҳа югулилъыңысюгнилюки югыт қамахлъюки. 7Тама̄кын апалъюқлъюку Кияӷныӷым накмикыхкақа̄ңа уңипақистыңулюңа, апостолыңулюңа. Каяхта̄ңа апыҳтӣсқылъюки язычнигыт ухпықилъыӷмыңлъю, ипапилъыӷмыңлъю. Ипа уңипа̄тамкын, иқлъыңиқңунӷитуңа!

8Тамаҳа̄ни юӷаӷвигни югӣна̄т юӷӣсқысюганка. Тама̄куңулит кияҳлъыҳӣт қа̄ткулъютың Кияӷныӷым пиюкылъҳанун. Юӷаӷлит ныңугулъюки ӣхытың сякша̄лъңунатыңлъю, а̄ҳтӣра̄лъңунатыңлъю. 9-10Пиюканкалъю аӷнат пиниӷналъҳит кылгутысқылъюки пинитун пилюгулъҳитхун. А̄ткӣт малъыгңафқӣта налиӷмың кайңунаӷьяҳқа̄фқӣта. Итупилъ пиниӷналъытың кылгулъитки аныӷныҳқилъыӷмыхтыхун, нака̄н нуяқыхсяӷўа̄лъыҳқун налиӷмың золотамыңлъю, жемчугымыңлъю улъңақлъютың налиӷмың акитуқамың а̄ткамың а̄лъютың. Таўатын пилъық ылъқуӷутңа̄қ аӷнанун манигӯткаюгнун Кияӷныӷмун.

11Югыт апыҳтуӷинӷата юӷаӷвигни аӷнат нагасяҳқа̄гут ныпӣӷңаӷмың, малиҳқутақлъютың. 12Аӷнат апыҳтуӷистысюгигатанка налиӷмың иглыӷутистыңусюгигатанка югнун. Ныпӣӷңаяҳқа̄гут, 13қаюҳлъяк Кияӷныӷым улимаюха̄қақа̄ Адам, та̄хкын Ева. 14Адамыңунӷитуқ пӯҳтылъыңыхкақ, иўырңа аӷна̄гуқ пӯҳтылъыңыхкақ ынка̄м сыӷлыҳқыстыңуҳтыка̄қуқ. 15Иўырңа аӷнат иӷнӣката таӷнуҳаӷның югулилъыңылъықут нагныӷумакуйың ныӷьюклъюку Иисус, пиниқимаңинақумың илямыхның, кияҳсимаңинақумыңлъю аглыӷнаӷлюку кияҳта̄лъыӷмың қусывыхтылъылиӷлютың.

Currently Selected:

1е Тимофею 2: ess2

Highlight

Compare

Copy