Ep'esio 1

Pablopa nãɨ k'art'ade naa bɨda

1Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso#1:1 Ép'eso. Chi eda waapẽarã k'art'a griego pedeade mãɨ pedea newẽma. p'uurudepemarã pae. 2Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristopa ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

Tachi Ak'õrepa nejõma pia tachi jaore pae tea bɨ k'orea bɨda

3Tachi Chipari Jesucristo Ak'õrea pia pedeadai p'anɨma. Cristo ome p'anɨ pẽra ichi Jaoredepa nejõma pia tachiá pajãnepa tea bɨma. 4-5Nãɨ ĩjũa ooi naena Cristodepa tachi jɨrɨ atasima ichi pae pia p'ananamẽrá mãɨnepa ichi k'ĩrari nemietaawẽa p'ananamẽrá.#1:4-5 Nemietaawẽa. Griego pedeade nãɨya bɨ bɨma: jayoawẽa. Jua chiwidieda Jesucristodepa tachi ichi warrarã padayade a k'ɨ̃risiasima, mãɨya oo k'ɨ̃ria bada pẽra mãɨnepa tachi k'ɨ̃riana pẽra. 6Ichi minachia sõpia bɨdepa tachi k'aripasima ichia k'ɨ̃ria bɨ Warradepa. Mãɨ k'orea ichiá pia pedeadai p'anɨma. 7Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima. 8Mãɨ sõpia bɨdepa tachi minachia k'aripak'ari, jõma ichi k'ɨ̃risia k'awa bɨ mãɨnepa k'ɨ̃risia tachiá teasima.#1:8 Mãɨ sõpia bɨdepa tachi minachia k'aripak'ari, jõma ichi k'ɨ̃risia k'awa bɨ mãɨnepa k'ɨ̃risia tachiá teasima. Chi eda waapẽarã k'art'ade nãɨya bɨ bɨma: Mãɨ sõpia bɨdepa tachi minachia k'aripasima jõma k'ɨ̃risia k'awa bɨ mãɨnepa k'ɨ̃risia minachia bɨ pẽra. 9Ichia oo k'ɨ̃ria bɨt'a, naena k'awapiwẽa basima. Maamina tachiá k'awapisima ichi sõpiadepa k'ɨ̃riana pẽra. Ichia Cristodepa naenaena ooi k'ɨ̃risia bada 10ichia bɨda ewaride nãɨya ãarea ooipɨ: mãɨ ewaride ne ãarea pajãnepema mãɨnepa nãɨ ĩjũanepema Cristo juade bɨipɨ.

11Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima,#1:11 Cristodepa tachi jɨrɨ atasima. Griego pedeade mãɨ t'aju bɨma. Chi eda waapẽarãmá nãɨya jara bɨma: «Ichia chi teai pada atadai makɨɨ ẽpẽrarã papisima». naenaena k'ɨ̃risia bada jĩra. 12Mãɨya oosima tai judiorã chi naa Cristode ĩjãanaanarãpa ichi pia bɨ k'orea pia pedeadamẽrá. 13Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a. 14Tachi Ak'õre Jaore jitatadada pẽra tachia k'awa p'anɨma jõma Tachi Ak'õrepa teai jarada piarã jitadait'a chi ichidirã ãarea pia bɨi ewaride. Mãɨ k'orea ichi pia bɨ k'orea pia pedeadai p'anɨma.

Pablopa Tachi Ak'õrea ɨt'aa chiidida

15Mãɨpuru mãrapa Tachi Chipari Jesude ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a mɨa k'awasiedapema, 16mɨa ewaricha mãra k'orea Tachi Ak'õrea sõpia bɨade aparima mãɨnepa mãra k'orea ɨt'aa chiidiparima. 17Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ. 18Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá.#1:18 Mãrá k'ɨ̃risia teamẽrá. Griego pedeade nãɨya bɨ bɨma: mãra sõnepema tau urua p'anana. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a. 19Mãɨnepa mɨa ɨt'aa chiidiparima mãrapa k'awadamẽrá ichi jõmãɨrã k'aepẽra atepe jua chaarea bɨt'a. Mãɨ jua chaareadepa ichia tachi ichide ĩjãapataɨrã k'aripa bɨma. Ara mãɨ jua chaarea minachia bɨdepa, 20Tachi Ak'õrepa Cristo piu bada chok'ae p'irabaripik'ari pajãne ichi juaraari suak'a beepisima. 21Tachi Ak'õrepa ichi chi atepe bɨsima ãarea jaore mietaarã chi minachia k'awa berã k'aepẽra, pajãnepema chi atepe k'awa berã k'aepẽra, chi jua chaarea berã k'aepẽra, mãɨnepa chi ãarea p'uepataɨrã k'aepẽra. Nãɨ ewaride ichi jõmãɨrã k'aepẽra chi atepe bɨma, mãɨnepa k'aadeapema ewaride pida mãɨya baipɨ. 22Tachi Ak'õrepa ne ãarea Cristo juade bɨsima, mãɨnepa Cristo bɨsima ne ãareaɨne ichi ẽpẽrarã Chipari#1:22 Chipari. Griego pedeade nãɨya bɨ bɨma: poro. bamẽrá. 23Ẽpẽrarã Cristoderã ara ichi k'ak'uapɨ. Ãchi ne ãareaɨne ichidepa p'anɨma, mãɨnepa nejõma ichidepa bɨma.

Currently Selected:

Ep'esio 1: tdc

Highlight

Copy

Compare