Nikumoona 66
66
Nikumoon LXVI.
1O Muma̔takooseesta̔k Muneto, missewā uskee̔k: nikumoostumwa̔k oo mume̔chimikoowin ā kistāye̔tumwāk oo We̔yoowin, isse̔tawa̔k oo mume̔chimikoowin kitta kistāye̔takwuneyik.
2Omisse iti̔k Muneto, O tapwā ke mamuskatāye̔takoosin ket isse̔chekāwini̔k: ā ispee̔che ke̔che soo̔katisseyun ka pukwatiskik kitta miskowawuk ā keyaskitchik.
3Weya missewā uske kitta putuppeestakooyun: kitta nikumoostaskik, mena kitta mume̔che̔tu̔kik ke We̔yoowin.
4O astumetik ota, mena kunowapu̔tumwa̔k oot isse̔chekāwina Muneto: ā ispee̔che mama̔tawe totowat ayiseyinewe koosisana.
5Ke̔ kwāskinum wenepāk kitta pa̔kwu̔tchayik: ākose ke̔ utte sapooskāwuk nippee̔k; ākota ke ke̔ muma̔takoosinow āwuko o̔che.
6Tipāye̔chekāo kakekā oo soo̔katissewin o̔che; kunowapumāo ayiseyinewa: mena tu̔to āka ka we̔ tapwā̔tu̔kik numma kitta kuske̔tawuk kitta kistāye̔takoositchik.
7O mume̔chimee̔k ke Munetoomenow, ayiseyinetik: mena isse̔tawa̔k oo mume̔chimikoowin kitta pā̔tumoo̔t;
8Ka mitchiminat ket a̔cha̔koonowa pimatissewini̔k: mena āka kitta sooskoosinwu̔k ke’sitena̔k.
9Weya keya, O Muneto, ke ke̔ kootāyiminan: keya ke ke̔ kootāyiminan, tapiskooch sooneyawapisk ka isse nutowe kiskāye̔takwu̔k.
10Ke pāsewinan nukwakuni̔k pee̔che: mena ket ustan mikooskatāyimoowin ne’yowena̔k.
11Ke ke̔ eyinumowawuk ayiseyinewuk kitta tā̔tuppitchik ne’ stikwanena̔k: ne ke̔ sapooskanan iskootā̔k mena nippee̔k, ākose ke ke̔ itoo̔tahinan ā wāyootu̔k itta.
12Ne ga itoo̔tan ke waskahikuni̔k ne tipetotumakāwin keke: mena ne ga tipa̔hān ka ke̔ mussina̔hikāyan, ka ke̔ ussootumakāyan ne’ tooni̔k o̔che, mena ka ke̔ itwāyan, mākwach ayimissewini̔k ā ayayan.
13Ke ga muchoostāhumatin ā weeyinoowu̔k muchoostāhumatoowina, ussitche yapāwe mayutchi̔kwuk: ne ga muchoostāhumowaw yapāwe mistooswa mena goata.
14O astumetik ota, mena nutoo̔tumook, ka̔keyow keyawaw ka koosikwāyimāk Muneto: ākose ke ga we̔tumatinawaw ka̔ i̔totumowat net a̔cha̔kwa.
15Ne ke̔ mowimoostowaw ne’ toon o̔che: mena ne ke̔ meeyaw mume̔chimikoowina ne’ tāyune o̔che.
16Keespin muche kākwi ne mitchiminān ne’ tā̔i̔k: ākose ka Tipāye̔chekāt numoweya ne ga nutoo̔tak.
17Maka Muneto ne ke̔ nutoo̔tak: mena ke̔ nakutowāye̔tum net ayumehawin.
18Kitta mume̔chimaw Muneto āka ka o̔che wuyowetissa̔hu̔k net ayumehawin: mena āka ka muskumit oo kissāwatisseewin.
Currently Selected:
Nikumoona 66: CSW
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1876-1877.
