Nikumoona 65
65
Nikumoon LXV.
1Keya, O Muneto, ke mume̔chimikowin Sioni̔k: mena keya ka ke̔che itwā̔k kā tipa̔humakoweyun Jerusalemi̔k.
2Keya ka nutoo̔tumun ayumehawin: keya ka̔keyow ayiseyinew ke ga natik.
3Ne wunetotumoowina ne sakoochehikoon: O kissāwatota ne muche̔tewinenana.
4Sowāye̔takoosew āwuko ayiseyinew, ka nowusoonut, mena ka piske̔tinumasooyun: kitta ayaw ket e̔tawini̔k, mena kitta tāpāye̔tum ā isse meywāye̔takwu̔k ke waskahikuni̔k, mena ke ke̔che ayumehāwekumikoo̔k.
5Ke ga wapu̔teyinan mama̔tawe kākwiä kwiusk ket itatissewini̔k, O Muneto ka pimacheheya̔k: keya ka uspāyimoototaskik ka̔keyow ā isko kesipak ayiseyinewuk, mena unekee ka ayatchik ke̔che wenepākoo̔k.
6Weya oo soo̔katissewini̔k ke̔ ayeetustaw wutcheeä: mena ā pukwa̔tāhoototu̔k soo̔katissewin.
7Ka uywastine̔tat ā muma̔kaskayik ke̔che wenepāk: mena ā keeskwāyit ayiseyinewa.
8Unekee mena ka ayatchik ā isko kesipak uske kitta koostumwuk ke kiskinowache̔chekuna: keya ka isse̔tayun a kākesāpayak mena ā ootakoosik kitta mume̔chimikooyun.
9Ke mitoonāye̔tān uske, mena ke meyo totān: ket isse̔tan naspitch kitta peesakwu̔k.
10Oo sepeem Muneto sakuskināo nippe o̔che: ke kwyache̔tawan kistekana, ākose āse oo̔cheestumowutchik uskee̔k ka ayatchik.
11Ket owistapawutan kistekāo uske, ke pā isitissa̔hān kimewunapoë itta ā pusa̔chak: ke yooskapawutan kimewunapoë o̔che, mena ke meyo totān itta ka ne̔taweki̔k.
12Ke meyo totān uskeewin ke meywatissewin o̔che: mena ke wuskoomi̔k o̔che pu̔kekowun ā nissitwak.
13Kitta pu̔kekowinwa pukwutuskee̔k: mena wutcheesisa kitta muma̔takoosemukunwa.
14Mayutchi̔kwuk kitta sakuskināwuk itta ka we̔kee kipa̔hoo̔tchik: ā pusa̔chakee ussitche ka ispee̔che sakuskināk kistekan o̔che, kitta pa̔pemukunwa mena kitta nikumomukunwa.
Currently Selected:
Nikumoona 65: CSW
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society 1876-1877.
