ၵလႃႇတီႉ ၵႂၢမ်းၼမ်း
ၵႂၢမ်းၼမ်း
လိၵ်ႈတြႃးပုၼ်ႈၸိူဝ်းၸဝ်ႈဝဵင်းၵလႃႇတီႉဢၼ်တမၢၼ်ႇၸဝ်ႈပေႃးလူႉတႅမ်ႈမိူဝ်ႈပီႊၸဝ်ႈၶရိၸ်ႈ၊49 (A.D. 49) ၼၼ်ႉဢေႃႈ။ မိူဝ်ႈဢၼ်ၶၢဝ်ႇတြႃးသိူဝ်းပျေႃႇလွင်ႈၸဝ်ႈယေႇသူႉလႆႈႁေႃးလၢတ်ႈထိုင်တီႈၵူၼ်းမဵဝ်းဢၼ်ဢမ်ႇၸႂ်ႈယူႉတႃႉၶဝ်ယဝ်ႉၼၼ်ႉ၊ ၶဝ်ၵေႃႈႁပ်ႉတုင်းဢဝ်သေယဝ်ႉ၊ ၵႂၢမ်းထၢမ်ဢၼ်ဝႃႈ၊ လွင်ႈၶရိၸ်ႈယၢၼ်ႇဢၼ်ၸႅတ်ႈၼၼ်ႉ၊ ၸွင်ႇလူဝ်ႇၵမ်ၵျၢင်ႉၸွမ်းတြႃးမူဝ်းသေႇႁိုဝ်ဝႃႈၼႆၼၼ်ႉ၊ ပေႃႇပဵၼ်မႃးဢေႃႈ။ တမၢၼ်ႇၸဝ်ႈပေႃးလူႉၽုၺ်ႇၼႄလွင်ႈဢၼ်ၵမ်ၵျၢင်ႉၸွမ်းတြႃးမူဝ်းသေႇၼၼ်ႉဢမ်ႇၶိုၵ်ႉ။ တၢင်းဢၼ်ယုမ်ႇမၢတ်ႈၸဝ်ႈၶရိၸ်ႈ၊ ဢိၵ်ႇတင်းတၢင်းဢၼ်လႆႈပဵၼ်ၵူၼ်းသိုဝ်ႈတေႃႇၵႃႈတီႈၽြႃးပဵၼ်ၸဝ်ႈၼၼ်ႉၵူၺ်းၸင်ႇပဵၼ်ငဝ်ႈႁၢၵ်ႈတၢင်းဢၼ်ဢသၢၵ်ႈလိပ်းဢေႃႈ။ ၵူၺ်းၵႃႈ ၵႃႈတီႈၸိူဝ်းၸဝ်ႈတင်းလၢႆဢၼ်မီးၵႃႈၼႂ်းမိူင်းၵလႃႇတီႉဢၼ်ၶုၼ်ရူဝ်းမႃႉၶဝ်ဢုပ်ႉပိူင်ႇဝႆႉၼၼ်ႉ၊ မီးၵူၼ်းၵမ်ႈၽွင်ႈမႃးႁေႃးလၢတ်ႈၶတ်းၵၼ်တင်းတမၢၼ်ႇၸဝ်ႈပေႃးလူႉလွင်ႈဢၼ်ဝႃႈ၊ ၵူၼ်းၵူႈၵေႃႉထုၵ်ႇလီၵမ်ၵျၢင်ႉၸွမ်းတြႃးမူဝ်းသေႇၼင်ႇႁိုဝ်တၵ်းပဵၼ်ၵူၼ်းသိုဝ်ႈတေႃႇၵႃႈတီႈၽၢႆႇၼႃႈၽြႃးပဵၼ်ၸဝ်ႈဝႃႈၼႆဢေႃႈ။
“လိၵ်ႈတြႃးပုၼ်ႈၵူၼ်းမိူင်းၵလႃႇတီႉ” ၼႆႉတႅမ်ႈပၼ်ၵႂႃႇ၊ ႁႂ်ႈလႆႈတိုၵ်းယူင်းၸူဝ်းဢဝ်ၶဝ်ၸိူဝ်းဢၼ်ၽိတ်းပိူင်ႈၸွမ်းတြႃးဢၼ်သွၼ်ၽိတ်းဝႆႉၼၼ်ႉသေလႄႈ၊ ၶိုၼ်းလႆႈတြႃးတၢင်းယုမ်ႇမၢတ်ႈဢၼ်ၸိုဝ်ႈၸႂ်ႈၼၼ်ႉဢေႃႈ။ တမၢၼ်ႇၸဝ်ႈပေႃးလူႉၽုၺ်ႇၼႄလွင်ႈဢၼ်မၼ်းပဵၼ်တမၢၼ်ႇၸဝ်ႈၵေႃႉၼိုင်ႈဢၼ်ၽြႃးပဵၼ်ၸဝ်ႈၶၢၼ်းဝႆႉႁႂ်ႈပွင်ၵၢၼ်မၼ်းၸဝ်ႈၵႃႈၼႂ်းၵူၼ်းမဵဝ်းဢၼ်ဢမ်ႇၸႂ်ႈယူႉတႃႉၶဝ်ၼၼ်ႉဢေႃႈ။ တမၢၼ်ႇၸဝ်ႈပေႃးလူႉသိုပ်ႇၽုၺ်ႇၼႄဝႃႈ၊ ၵွပ်ႈပိူဝ်ႈတၢင်းယုမ်ႇမၢတ်ႈၵူၺ်း၊ လႆႈပဵၼ်ၵူၼ်းဢၼ်သိုဝ်ႈတေႃႇၵႃႈတီႈၽြႃးပဵၼ်ၸဝ်ႈလႄႈ ၵမ်းလိုၼ်းသုတ်းမၼ်းသိုပ်ႇလၢတ်ႈၼႄလွင်ႈဢၵျၢင်ႉၶရိၸ်ႈယၢၼ်ႇဢၼ်ပဵၼ်မႃးၵႃႈတီႈတၢင်းႁၵ်ႉမႅတ်ႈတႃႇ ဢၼ်တႄႇယူႇၼႂ်းတၢင်းဢၼ်ယုမ်ႇမၢတ်ႈၸဝ်ႈၶရိၸ်ႈ၊ ၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
တၢင်းဢၼ်ပိုတ်ႇႁူဝ်ၵႂၢမ်းၽိုၼ်လိၵ်ႈတြႃး 1:1-10
လွင်ႈဢႃႇၼႃႇတမၢၼ်ႇၸဝ်ႈပေႃးလူႉၵွပ်ႈပိူဝ်ႈပဵၼ်တမၢၼ်ႇၸဝ်ႈ 1:11-2:21
ၶၢဝ်ႇတြႃးသိူဝ်းပျေႃႇလွင်ႈၵျေးၸူးၽြႃးပဵၼ်ၸဝ်ႈ 3:1-4:31
လွင်ႈလွတ်ႈလႅဝ်းလႄႈပုၼ်ႈၽွၼ်းၶရိၸ်ႈယၢၼ်ႇ 5:1-6:10
ၶေႃႈၵႂၢမ်းသင်ႇလၢတ်ႈ 6:11-18
Currently Selected:
ၵလႃႇတီႉ ၵႂၢမ်းၼမ်း: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship