ဢေးၽႅတ်ႈ ၵႂၢမ်းၼမ်း
ၵႂၢမ်းၼမ်း
လိၵ်ႈတြႃးပုၼ်ႈၵူၼ်းဝဵင်းဢေးၽႅတ်ႈၼႆႉ တမၢၼ်ႇၸဝ်ႈပေႃးလူႉတႅမ်ႈမိူဝ်ႈပီႊၸဝ်ႈၶရိၸ်ႈ၊ 61 (A.D. 61) ၽွင်းယၢမ်းဢၼ်တမၢၼ်ႇၸဝ်ႈပေႃးလူႉလႆႈတူၵ်းထွင်ႇယူႇ ၵႃႈၼႂ်းဝဵင်းရူဝ်းမႃႉယူႇၼၼ်ႉဢေႃႈ။ လိၵ်ႈတြႃးၼႆႉ ႁူဝ်ႁုပ်ႈမၼ်းပဵၼ်လွင်ႈ “တၢင်းဢၼ်ၽြႃးပဵၼ်ၸဝ်ႈၵျၢမ်ႇပွင်ဢဝ်ၶိူင်ႈပိူင်တင်းသဵင်ႈတင်းလူင်၊ ၸႃႉၸဵမ်ၵႃႈဢၼ်မီးၼိူဝ်ၽႃႉၵၢင်ႁၢဝ်လႄႈလိၼ်မိူင်း ႁုပ်ႈၸူႉတွမ်ၵၼ်ႁႂ်ႈၸဝ်ႈၶရိၸ်ႈ၊ ပဵၼ်ႁူဝ်ၼၼ်ႉဢေႃႈ။” (1:10) လိူဝ်သေၼၼ်ႉ၊ တိုၵ်းယူင်းႁႂ်ႈၵူၼ်းၽြႃးပဵၼ်ၸဝ်ႈတင်းလၢႆ၊ ၽွမ်ႉႁူမ်ႈၵၼ်ပဵၼ်ဢၼ်လဵဝ်ၼႂ်းၸဝ်ႈယေႇသူႉၶရိၸ်ႈဢေႃႈ။
ၼႂ်းတွၼ်ႈဢွၼ်တၢင်းၼၼ်ႉ၊ ၵေႃႉတႅမ်ႈၽိုၼ်လိၵ်ႈလၢတ်ႈၼႄလွင်ႈၽြႃးပဵၼ်ၸဝ်ႈလိူၵ်ႈဢဝ်ၵူၼ်းမၼ်းၸဝ်ႈ ႁႂ်ႈၶဝ်လႆႈၶၢမ်ႇတၢင်းဢၼ်ပွႆႇလွတ်ႈဢပႅတ်ႈ ၵွပ်ႈလူၺ်ႈၸဝ်ႈယေႇသူႉၶရိၸ်ႈဢိၵ်ႇတင်း လွင်ႈဝီႉၺိၺ်ႇမူတ်းၸၢင်ႇၸဝ်ႈ ပဵၼ်လွင်ႈဢႃႇမႃႉၶၢမ်ႇ ၵတီႉတေႃႇၽြႃးပဵၼ်ၸဝ်ႈၼၼ်ႉဢေႃႈ။ ၼႂ်းတွၼ်ႈပႃႈလိုၼ်းၸမ်ႉ၊ တိုၵ်းယူင်းႁႂ်ႈၶဝ်ၸိူဝ်းဢၼ်ၽတ်းဢၢၼ်ႇၽိုၼ်လိၵ်ႈၼႆႉ ၵမ်ၵျၢင်ႉၸွမ်းၼႂ်းတၢင်းဢၼ်ပဵၼ်ဢၼ်လဵဝ်ၵၼ်ၼႂ်းၸဝ်ႈၶရိၸ်ႈ၊ ဢေႃႈ။
ဢဝ်တင်းၵႂၢမ်းဢူႉပမႃႇၼမ်ၼႃႇတႅၵ်ႈၼႄ တၢင်းဢၼ်ၵူၼ်းၽြႃးပဵၼ်ၸဝ်ႈၽွမ်ႉႁူမ်ႈၵၼ် ပဵၼ်ဢၼ်လဵဝ်ၼႂ်းၸဝ်ႈၶရိၸ်ႈ၊ ဢၼ်ဝႃႈ၊ ၸိူဝ်းၸဝ်ႈပဵၼ်ၸိူဝ်ႉၼင်ႇတူဝ်ၶၼ်ႇထႃႇလႄႈ ၸဝ်ႈၶရိၸ်ႈ၊ ပဵၼ်မိူၼ်ၸိူဝ်ႉၼင်ႇႁူဝ်၊ ပဵၼ်မိူၼ်ၸိူဝ်ႉၼင်ႇႁိူၼ်းတိူၵ်ႈ၊ ဢၼ်ၸဝ်ႈၶရိၸ်ႈ၊ ပဵၼ်မိူၼ်ၸိူဝ်ႉၼင်ႇမၢၵ်ႇႁိၼ်ႁူဝ်ၸဵင်ႇတိူၵ်ႈ၊ ပဵၼ်မိူၼ်ၸိူဝ်ႉၼင်ႇမေးလႄႈ ၸဝ်ႈၶရိၸ်ႈ၊ ပဵၼ်မိူၼ်ၸိူဝ်ႉၼင်ႇၽူဝ် ၸိူဝ်းၼၼ်ႉဢေႃႈ။ ၽိုၼ်လိၵ်ႈၼႆႉၽုၺ်ႇၼႄလွင်ႈသူႉၵျေးၸူးၽြႃးပဵၼ်ၸဝ်ႈၼၼ်ႉယႂ်ႇမျၢတ်ႈၵႃႈႁိုဝ်။ ဢိၵ်ႇတင်းလွင်ႈၵႃႈမီးတင်းသဵင်ႈတင်းလူင်၊ ပေႃႇဢွၵ်ႇထၢင်ႇသႃးယူႇၼႂ်းတၢင်းႁၵ်ႉမႅတ်ႈတႃႇၸဝ်ႈၶရိၸ်ႈ၊ တၢင်းဢၼ်ၸဝ်ႈၶရိၸ်ႈ၊ သၢၵ်ႈလူႇတူဝ်ၸဝ်ႈၵဝ်ႇ၊ ၸဝ်ႈၶရိၸ်ႈ၊ ပွႆႇလွတ်ႈပၼ်ဢပႅတ်ႈလႄႈ၊ မၼ်းၸဝ်ႈမီးၵျေးၸူး၊ဢိၵ်ႇတင်းတၢင်းဢၼ်မူတ်းၸၢင်ႇၵႃႈမီးၸိူဝ်းၼၼ်ႉဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
ၵႂၢမ်းတူင်ႉတၵ်ႉ 1:1-2
ၸဝ်ႈၶရိၸ်ႈလႄႈၸိူဝ်းၸဝ်ႈ 1:3-3:21
တၢင်းဢၼ်ဢသၢၵ်ႈလိပ်းဢၼ်မႂ်ႇၼႂ်းၸဝ်ႈၶရိၸ်ႈ 4:1-6:20
ၶေႃႈၵႂၢမ်းၵမ်းလိုၼ်းသုတ်း 6:21-24
Currently Selected:
ဢေးၽႅတ်ႈ ၵႂၢမ်းၼမ်း: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship