ၵေႃးလေႃးသေး 2

1ၵဝ်မီးဢလူဝ်ႇၶႂ်ႈႁႂ်ႈသူႁူႉလွင်ႈဢၼ် ၵဝ်လႆႈၶၢမ်ႇတၢင်းဢၼ်တိုၵ်းဢၼ်တေႃးပုၼ်ႈသူ ဢိၵ်ႇတင်းၵူၼ်းဝဵင်းလေႃးတီႉၵီႉတင်းလၢႆ တင်းၶဝ်ၸိူဝ်းဢၼ်ဢမ်ႇတွၼ်ႉႁၼ်ၼႃႈၵဝ် ၵႃႈမီးတင်းသဵင်ႈတင်းလူင်ၼၼ်ႉ ယႂ်ႇၼႃႇထၢၼ်ႇႁိုဝ်ၼၼ်ႉ၊- 2ႁႂ်ႈၶဝ်ၼင်ႇၵၼ်ၵၼ် လႆႈမီးတင်းမႅတ်ႈတႃႇမၢတ်ႉၶွတ်ႇၽွတ်ႇၶဵၼ်းဝႆႉတီႈၵၼ်သေလႄႈ ပျေႉၸုမ်ႇတင်းၸေးၸိမ်ႇၺၢၼ်ႇဢၼ် ၵၢင်းလွတ်ႈတင်း တၢင်းဢၼ်ယုမ်ႇၶိုင်ႈၼိုင်ႈဢမ်ႇယုမ်ႇၶိုင်ႈၼိုင်ႈ၊ ဢၼ်ႁူႉလွင်ႈတၢင်းဢၼ်လိုၵ်ႉဢၼ်လမ်ႇၽြႃးပေႃႈၸဝ်ႈဢၼ်ဝႃႈၸဝ်ႈၶရိၸ်ႈ ၼၼ်ႉလႆႈၼၼ်ႉသေလႄႈ ႁူဝ်ၸႂ်သၢၵ်ႈသႃႇဢေႃႈ။- 3ၵႃႈၼႂ်းလွင်ႈတၢင်းဢၼ်လိုၵ်ႉဢၼ်လမ်ႇၼၼ်ႉ၊ ၽၼ်ႇတႃႇပိင်ႇၺႃႇ၊ ၽၼ်ႇတႃႇၺၢၼ်ႇၵႃႈမီးတင်းသဵင်ႈတင်းလူင်သိူင်ႇဝႆႉလပ်ႉဝႆႉယူႇဢေႃႈ။

4ၵဝ်လၢတ်ႈၵႂၢမ်းၼႆႉ ႁႂ်ႈၽူႈလႂ်ဢမ်ႇလႆႈဢဝ်တင်းၵႂၢမ်းဢၼ်ၶျေႃးဝွၼ်းၸူဝ်းဢဝ်ၼၼ်ႉ ပႅတ်ႉလႅၼ်သူဢေႃႈ။- 5ပိၵ်ႉသမ်ႉတူဝ်ၶၼ်ႇထႃႇၵဝ် ၽၢတ်ႇယၢၼ်ၵၼ်တင်းသူယူႇသေၵေႃႈ၊ ပိူဝ်ႈဢၼ်ၸႂ်ဝီႉၺိၺ်ႇၵဝ် မီးယူႇလူၺ်ႈၵၼ်တင်းသူလႄႈ ၵဝ်မီးတၢင်းဢၼ်သိူဝ်းပျေႃႇယူႇသေလႄႈ ႁၼ်လွင်ႈဢၼ်သူ ၸၢင်ႈၸီႇယၢင်ႇႁဵတ်းပဵၼ်လီလီငၢမ်းငၢမ်း ဢိၵ်ႇတင်းလွင်ႈဢၼ်သူ ယုမ်ႇမၢတ်ႈ တီႈၸဝ်ႈၶရိၸ်ႈၼၼ်ႉ မၼ်ႈမၼ်ႈၶိူင်ႇၶိူင်ႇယူႇၼၼ်ႉဢေႃႈ။

တၢင်းဢၼ်ၸေးၸုမ်ႇၼႂ်းၸဝ်ႈၶရိၸ်ႈ

6ပိူဝ်ႈၼႆလႄႈ ၵႃႈၼင်ႇဢၼ်သူလႆႈၶၢမ်ႇဢဝ်ယေႇသူႉၶရိၸ်ႈ ဢၼ်ပဵၼ်ၸဝ်ႈၼၼ်ႉယဝ်ႉၼၼ်ႉ မီးတၢင်းဢၼ်ၽုၵ်ႇသွမ်ႈဢိၵ်ႇတင်း တၢင်းဢၼ်တႄႇႁဵတ်းၼႂ်းၸဝ်ႈၼၼ်ႉယူႇ၊- 7ၸႂ်ၸပ်းၸႂ်ၸွႆး ၼႂ်းတၢင်းဢၼ်ယုမ်ႇမၢတ်ႈမၼ်ႈမၼ်ႈၶိူင်ႇၶိူင်ႇ ၸွမ်းၵႃႈၼင်ႇဢၼ်သူၶၢမ်ႇဢဝ် ၼႄးဢူႉပတေႇယဝ်ႉၼၼ်ႉယူႇ၊ ပျေႉၸုမ်ႇ ၼမ်ၵိုၼ်း ၼႂ်းတၢင်းဢၼ်ယုမ်ႇမၢတ်ႈ ဢိၵ်ႇတင်းတၢင်းဢၼ်ယွင်ႈယေႃး ၵျေးၸူးၸဝ်ႈယူႇသေလႄႈ ဢွၼ်ၵၼ်ၵႂႃႇမႃးၼႂ်းၸဝ်ႈၼၼ်ႉ ယူႇတႃႉ။

8ၼင်ႇႁိုဝ်ၵေႃႉဢၼ်ဢမ်ႇၸွမ်းတြႃးၸဝ်ႈၶရိၸ်ႈ၊ ၸွမ်းၼႄးဢူႉပတေႇ ဢၼ်သိုပ်ႇလူင်းမႃး ၵႃႈတီႈၵူၼ်းမိူဝ်ႈၵွၼ်ႇ ဢိၵ်ႇတင်းလေႃးၵီႇတြႃးၼုမ်ႇၼၼ်ႉသေၵေႃႉသေၵူၼ်း တၵ်းဢမ်ႇလႆႈဢဝ်တင်းပိင်ႇၺႃႇလေႃးၵီႇ တင်းပရီႉယႄႇ ဢၼ်လၢႆလၢႆ ဢမ်ႇပွင်ႇလွင်ႈ ၵႃႈသင်ၼၼ်ႉ ယႃႉယူၵ်ႉႁိမ်ဢဝ်သူၸိုင်၊ ႁဵတ်းသတီႉတႃႉ။- 9လွင်ႈမၼ်းၸမ်ႉ တၢင်းဢၼ်ပျေႉၸုမ်ႇတင်းၸႃႇတီႉၽြႃးပဵၼ်ၸဝ်ႈ ၵႃႈမီးတင်းသဵင်ႈတင်းလူင်ၼၼ်ႉၸိုင် ထၢင်ႇသႃးယူႇၼႂ်း တူဝ် ၸဝ်ႈၶရိၸ်ႈလႄႈ ၵိင်းဝၢပ်ႈယူႇဢေႃႈ။- 10ၼႂ်းၸဝ်ႈဢၼ်ပဵၼ်ႁူဝ်ဢၼ်ထွတ်ႈဢၼ်မျၢတ်ႈ တင်းဢႃႇၼႃႇၸၢၵ်ႈၵႃႈမီးတင်းသဵင်ႈတင်းလူင်ၼၼ်ႉ၊ သူမီးတၢင်းဢၼ်ၸေးၸုမ်ႇ ဢေႃႈ။- 11ၼႂ်းၸဝ်ႈၼၼ်ႉ၊ သူၶၢမ်ႇတၢင်းဢၼ်ထိူဝ်ႁိမ်း ဢၼ်ဢမ်ႇဢဝ်တင်းမိုဝ်းႁဵတ်းဢၼ်ဝႃႈ တၢင်းဢၼ်ပႅတ်ႈဝႆႉ တူဝ်ၸႃႇတီႉပၵတီႉ ၵႃႈၼႂ်းတၢင်းဢၼ်ၸဝ်ႈၶရိၸ်ႈၶၢမ်ႇတၢင်းဢၼ်ထိူဝ်ႁိမ်းၼၼ်ႉဢေႃႈ။- 12သူၶၢမ်ႇတၢင်းဢၼ်သၢင်းၵျူဝ်ႇလူၺ်ႈၵၼ်တင်းၸဝ်ႈၼၼ်ႉ ၼႂ်းပပ်ႉတီႉၸမ်ႇဢေႃႈ။ သူၶၢမ်ႇပပ်ႉတီႉၸမ်ႇလႄႈ ႁွတ်ႈထိုင်တၢင်းဢၼ် လုၵ်ႉၶိုၼ်းလူၺ်ႈၵၼ်တင်းၸဝ်ႈၼၼ်ႉ ၵွပ်ႈပိူဝ်ႈဢၼ်သူယုမ်ႇမၢတ်ႈ တၢင်းဢၼ်ၽြႃးပဵၼ်ၸဝ်ႈ ဢၼ်ႁႂ်ႈၸဝ်ႈၶရိၸ်ႈ လုၵ်ႉၵႃႈတၢင်းတၢႆၶိုၼ်းလိပ်းၼၼ်ႉ ႁဵတ်းပဵၼ်ၼၼ်ႉဢေႃႈ။- 13မၼ်းၸဝ်ႈႁႂ်ႈသူၸိူဝ်းဢၼ်တၢႆၼႂ်း တူႉၸရိူၵ်ႈဢပႅတ်ႈဢိၵ်ႇတင်း ဢၼ်ဢမ်ႇၶၢမ်ႇတၢင်းဢၼ် ထိူဝ်ႁိမ်းဢၼ်ၸၢပ်ႈသႅင်ႇၵၼ်တင်း ၸႃႇတီႉပၵတီႉတင်းလၢႆၼႆႉ ဢသၢၵ်ႈလိပ်းလူၺ်ႈၵၼ်တင်းၸဝ်ႈၶရိၸ်ႈလႄႈ ဢဵတ်းလူပွႆႇလွတ်ႈပၼ်ဢပႅတ်ႈ ၵႃႈမီးတင်းသဵင်ႈတင်းလူင်ဢေႃႈ။- 14မၼ်းၸဝ်ႈမွတ်ႇပႅတ်ႈ လၢၵ်ႈမၢတ်ႈဢၼ်ၸၢပ်ႈသႅင်ႇၵၼ်တင်းၼႄးဢူႉပတေႇ ဢၼ်ၶတ်းၵၼ်တင်းႁဝ်းၼၼ်ႉလႄႈ ယႅၼ်ႉတွၵ်ႇဝႆႉ ၵႃႈတီႈသဝ်လၵ်းဝႃးၵၢပ်ႈၼၼ်ႉသေယဝ်ႉ၊ ပႄႇၽဵဝ်ႈပႅတ်ႈသေၵႃႈၼႂ်းၵႄႈဝူင်ႈၵၢင်ႁဝ်းယဝ်ႉ။- 15မၼ်းၸဝ်ႈႁိမ်ဢဝ် ဢၼ်ထွတ်ႈဢၼ်မျၢတ်ႈ ဢိၵ်ႇတင်းဢႃႇၼႃႇၸၢၵ်ႈတင်းလၢႆယဝ်ႉၸင်ႇ ဢဝ်ဢွၵ်ႇၼႄပျႃး ထၢင်ႇသႃး လႄႈ ၶၢမ်ႇပွႆးဢၼ်ပႄႉၼႅင်ႇ ၵွပ်ႈပိူဝ်ႈသဝ်လၵ်းဝႃးၵၢပ်ႈၼၼ်ႉယဝ်ႉ။

16ပိူဝ်ႈၼႆလႄႈ ယႃႇပေႁႂ်ႈၽူႈလႂ်ၸႅတ်ႈထၢမ်ၸီႇယၢင်ႇသူ ၼႂ်းလွင်ႈတၢင်းဢၼ်ၵိၼ်ဢၼ်ၶူပ်း၊ ၼႂ်းလွင်ႈတၢင်းဢၼ်ပႂ်ႉဝၼ်းပွႆး၊ ဝၼ်းလိူၼ်မႂ်ႇ၊ ဝၼ်းၵမ်သိၼ်ၸိူဝ်းၼၼ်ႉ။- 17လွင်ႈတၢင်းၸိူဝ်းၼၼ်ႉပဵၼ်သၢႆငၢႆလွင်ႈတၢင်းဢၼ် တၵ်းပဵၼ်မႃးၵမ်းလိုၼ်းၼၼ်ႉဢေႃႈ။ တူဝ်ၸမ်ႉ၊ ၸၢပ်ႈသႅင်ႇၵၼ်တင်း ၸဝ်ႈၶရိၸ်ႈဢေႃႈ။- 18ယႃႇပေႁႂ်ႈၵေႃႉဢၼ် ယင်းဢမ်ႇဢိင်ႁူဝ်ၸဝ်ႈလႄႈ မီးတၢင်းဢၼ်ယူႇ ဢလူဝ်ႇလူဝ်ႇၶျႃးတႅမ်ႇၸႂ်မၼ်း ဢိၵ်ႇတင်း တၢင်းဢၼ် ၵူဝ်းၵႂၢႆႇတမၢၼ်ႇၵၢင်ႁၢဝ်ယူႇ၊ ၸီးၸွႆးလွင်ႈတၢင်းဢၼ်ဢမ်ႇႁူႉဢမ်ႇႁၼ်ၼၼ်ႉယူႇ၊ မီးႁူဝ်ၸႂ်ဢၼ်ၸႃႇတီႉပၵတီႉမၼ်း ၽႅၼ်သုင်လၢႆလၢႆဢမ်ႇပွင်ႇလွင်ႈၵႃႈသင်ယူႇၼၼ်ႉသေၵေႃႉသေၵူၼ်းႁိမ်ဢဝ်သူးတီႈသူ။- 19ၵႃႈတီႈႁူဝ်ၸဝ်ႈၼၼ်ႉ တင်းတူဝ်တင်းၶိင်းၼႆႉ ၵွပ်ႈပိူဝ်ႈဢၼ်မီးတၢင်းဢၼ်ပဵၼ်ပွင်ႈပဵၼ်ပွတ်း မတ်ႉၶွတ်ႇၽွတ်ႇၶဵၼ်း ၼၼ်ႉလႄႈထႅင်ႈႁႅင်းယူႇ၊ မတ်ႉၶွတ်ႇၽွတ်ႇၶဵၼ်းယူႇသေလႄႈ ၸၢင်ႈယႂ်ႇမႃး ၵႃႈၼင်ႇဢၼ်မႅၼ်ႈတၢင်းဢၼ်ၽြႃးပဵၼ်ၸဝ်ႈ ႁႂ်ႈယႂ်ႇမႃးၼၼ်ႉဢေႃႈ။

တၢႆလႄႈလိပ်းလူၺ်ႈၵၼ်တင်းၸဝ်ႈၶရိၸ်ႈ

20ပေႃးသူတၢႆလူၺ်ႈၵၼ်တင်းၸဝ်ႈၶရိၸ်ႈလႄႈ ၵၢင်းလွတ်ႈသေၵႃႈၼႂ်းလေႃးၵီႇတြႃးၼုမ်ႇ ဢမၢၼ်ႇၶၼ်ပဵၼ်ၸိုင်၊ ႁဵတ်းသင်လႄႈ သူပဵၼ်ၸိူဝ်ႉၼင်ႇဢၼ် ယင်းလိပ်းယူႇၼႂ်းဢသၢၵ်ႈလေႃးၵီႇၼႆႉသေလႄႈ ထွမ်ႇဢဝ်ၵႂၢမ်းပိင်းၺၢပ်ႈ ဢၼ်ဝႃႈ၊- 21ယႃႇပေတိူဝ်ႉထုၵ်ႇ၊ ယႃႇပေၸၢမ်းၸိမ်း၊ ယႃႇပေယိပ်းၵမ်၊ ဝႃႈၼင်ႇၼႆၼၼ်ႉၼင်ႇႁိုဝ်။- 22ပိင်းၺၢပ်ႈၵႃႈဢၼ်ၵမ်ၵျၢင်ႉ ၸွမ်းၼင်ႇပိင်းၺၢပ်ႈဢေႃးဝႃႇတႃႉ ၵူၼ်းတင်းလၢႆၼၼ်ႉၸိုင်၊ ပဵၼ်လွင်ႈတၢင်းဢၼ် ၸၢင်ႈလူႉၸၢင်ႈလႅဝ် ဢေႃႈ။- 23ပိင်းၺၢပ်ႈၸိူဝ်ႉၼင်ႇၼၼ်ၼၼ်ႉ ၸၢပ်ႈသႅင်ႇၵၼ်တင်းမုၼ်သရေႇ ပုၼ်ႈဢၼ်တၵ်းလဵင်ႉတၵ်းလူ ၼိူဝ်ႉတူဝ်ၵႃႇယႃႉ ႁႂ်ႈဢိမ်ႇ ႁႂ်ႈတဵမ်ၼၼ်ႉဢမ်ႇၸႂ်ႈ၊ ၸၢပ်ႈသႅင်ႇၵၼ်တင်းတၢင်းဢၼ်ၵူဝ်းၵႂၢႆႇၸွမ်းၼင်ႇဢလူဝ်ႇ တူဝ်ၸဝ်ႈၵဝ်ႇ ဢိၵ်ႇတင်းတၢင်းဢၼ် ယူႇဢလူဝ်ႇလူဝ်ႇ ၶျႃးတႅမ်ႇၸႂ်မၼ်းတင်း တၢင်းဢၼ်ၼိၵ်ႈၸၢၵ်ႈငႅၼ်းသႄး တူဝ်ၵႃႇယႃႉၸိူဝ်းၼၼ်ႉၵူၺ်းလႄႈ ႁဵတ်းၼင်ႇႁၢင်ႈ မီးပိင်ႇၺႃႇဢေႃႈ။

Currently Selected:

ၵေႃးလေႃးသေး 2: CBMS

Highlight

Copy

Compare