2 ၵေႃးရိၼ်ႇထူႉ 10
10
တမၢၼ်ႇၸဝ်ႈပေႃးလူႉလၢတ်ႈလွင်ႈၵၢၼ်တူဝ်ၸဝ်ႈၵဝ်ႇ
1ၵဝ်ပေႃးလူႉ၊ဢၼ်မီးတၢင်းဢၼ်ၶျႃးတႅမ်ႇ၊ၵႃႈတီႈသိုဝ်ႈၼႃႈတႂ်ႈတႃသူ၊ ဢၼ်မီးတၢင်းဢၼ်ၸီႇယၢင်ႇသူ ႁတ်းႁတ်းႁၢၼ်ႁၢၼ်ၵႃႈတီႈဢၼ်လပ်ႉလင်သူၼႆႉ ဢဝ်လွင်ႈတၢင်းဢၼ် ၸဝ်ႈၶရိၸ်ႈၼိမ်သိမ်ႇဢူၼ်ႈဢွၼ်ႇၼၼ်ႉလႄႈ တွင်းပၢၼ်ႇသူၶႃႈဢေႃႈ။- 2လွင်ႈၼင်ႇႁိုဝ် မိူဝ်ႈဢၼ်ၵဝ်ႁွတ်ႈထိုင်တီႈဢၼ်သူမီးၼၼ်ႉ ၵဝ်တၵ်းဢမ်ႇလႆႈမီးတၢင်းဢၼ်ႁတ်းႁၢၼ် ၸိူဝ်ႉၼင်ႇတၢင်းဢၼ်ႁတ်းႁၢၼ် ဢၼ်ၵဝ်ၵျၢမ်ႇပွင်တီႈၶဝ်ၸိူဝ်းဢၼ် မၢတ်ႈႁဝ်းပဵၼ်ၸိူဝ်ႉၼင်ႇ ၵေႃႉဢၼ်ၸွမ်းဢလူဝ်ႇၸႃႇတီႉပၵတီႉလႄႈၵမ်ၵျၢင်ႉၼၼ်ႉၸိုင်၊ ၵဝ်တွင်းပၢၼ်ႇသူၶႃႈဢေႃႈ။- 3ၵွပ်ႈပိူဝ်ႈၸိူဝ်ႉၼင်ႇႁိုဝ် ဝႃႈၼႆၸမ်ႉ၊ ပိၵ်ႉသမ်ႉႁဝ်းၵႂႃႇမႃးၼႂ်းၸႃႇတီႉၵူၼ်းယူႇသေၵေႃႈ၊ ႁဝ်းၸွမ်းဢလူဝ်ႇၸႃႇတီႉပၵတီႉသေလႄႈ တိုၵ်းသိုၵ်းဢမ်ႇၸႂ်ႈ။- 4လၢၵ်ႈၼၢၵ်ႈဢၼ်ႁဝ်းယိပ်းၵမ်လႄႈ တိုၵ်းသိုၵ်းၸိူဝ်းၼၼ်ႉ ပဵၼ်လၢၵ်ႈၼၢၵ်ႈၸႃႇတီႉပၵတီႉဢမ်ႇၸႂ်ႈ၊ ပဵၼ်လၢၵ်ႈၼၢၵ်ႈဢၼ်မီးတၼ်းၶူဝ်းၵႃႈတီႈၽၢႆႇၼႃႈၽြႃးပဵၼ်ၸဝ်ႈလႄႈ ၸၢင်ႈယႃႉၽဵဝ်ႈလမ်းဝဵင်းလမ်းတပ်ႉပႅတ်ႈဢေႃႈ။- 5ႁဝ်းပႃးတင်းလၢၵ်ႈၼၢၵ်ႈၼၼ်ႉသေလႄႈ ဢဝ်တၢင်းၵျၢမ်ႇတၢင်းပွင်ၵူၼ်းတင်းလၢႆ၊ မႃႇၼႃႉတၢင်းဢၼ်ၸႂ်သုင်ဢၼ် ႁႄႉၶႅၼ်ပိင်ႇၺႃႇဢၼ်ႁူႉၽြႃးပဵၼ်ၸဝ်ႈ ၵႃႈမီးၼၼ်ႉၶျႃးတူၵ်းတီႈတႅမ်ႇ ၶႂမ်ႈပိၼ်ႈပႅတ်ႈလႄႈ တီႉဢဝ်ၸႂ်ၵႃႈမီးတင်းသဵင်ႈတင်းလူင်ၵႂႃႇၶျုၵ်ႈဝႆႉယူႇသေလႄႈ၊ ႁႂ်ႈထွမ်ႇဢဝ်ၵႂၢမ်းၸဝ်ႈၶရိၸ်ႈဢေႃႈ။- 6တၢင်းဢၼ်သူထွမ်ႇဢဝ်ၼၼ်ႉပျေႉၸုမ်ႇသေယဝ်ႉ၊ လွင်ႈၼင်ႇႁိုဝ်တၵ်းလႆႈပၼ်တၢမ်ႇတီႈၶဝ်ၸိူဝ်းဢၼ်ဢမ်ႇထွမ်ႇလႄႈယူႇ တင်းသဵင်ႈတင်းလူင်ၼၼ်ႉၸိုင် ႁဝ်းမႄးႁႅၼ်းဝႆႉယဝ်ႉ။
7သူၸၢင်ႈတူၺ်းၼႃႈၵူၺ်းႁိုဝ်။ ပေႃးသေၵေႃႉသေၵူၼ်း ယုမ်ႇတူဝ်ၸဝ်ႈၵဝ်ႇလႄႈဝႃႈ၊ ၵဝ်ပဵၼ်ၵူၼ်းၸဝ်ႈၶရိၸ်ႈဢေႃႈ၊ ဝႃႈၼင်ႇၼႆၸိုင်၊ ႁႂ်ႈမၼ်းၼၼ်ႉသမ်ႉၶႆႈၸႂ်ဝူၼ်ႉၸႂ်တူၺ်းတူဝ်ၸဝ်ႈၵဝ်ႇ လွင်ႈဢၼ်ႁဝ်းပဵၼ်ၵူၼ်းၸဝ်ႈၶရိၸ်ႈ ၸိူဝ်ႉၼင်ႇဢၼ်မၼ်းပဵၼ် ၵူၼ်းၸဝ်ႈၶရိၸ်ႈၼၼ်ႉလႄႈႁူႉတႃႉ။- 8ပိၵ်ႉသမ်ႉၵဝ်ယဵင်ႈၶႅၼ်းဢုပ်ႇဝၢဝ်းလူၺ်ႈလွင်ႈတၼ်းၶူဝ်း ဢၼ်ၽြႃးပဵၼ်ၸဝ်ႈဢၢပ်ႈပၼ်တီႈႁဝ်း ပုၼ်ႈဢၼ်တၵ်းယႃႉၽဵဝ်ႈသူပႅတ်ႈဢမ်ႇၸႂ်ႈ၊ ပုၼ်ႈဢၼ်တၵ်းတႄႇႁဵတ်းသူၼၼ်ႉသေၵေႃႈ၊ လွင်ႈဢၼ်တၵ်းလီဢူၵ်းလီဢၢႆဢမ်ႇမီး။- 9ၵဝ်ဢမ်ႇၶႂ်ႈဢဝ်တင်းလိၵ်ႈ ဢၼ်ၵဝ်တႅမ်ႈပၼ်ၼၼ်ႉၵူၺ်း ႁဵတ်းၸိူဝ်ႉၼင်ႇႁၢင်ႈဢၼ်လွၵ်ႇသူ။- 10လွင်ႈမၼ်းၸမ်ႉမီးၶဝ်ၸိူဝ်းဢၼ်ၸၢင်ႈလၢတ်ႈလႄႈဝႃႈ၊ လိၵ်ႈမၼ်းၼၼ်ႉပဵၼ်လိၵ်ႈဢၼ်ၼၵ်းၼႃႇလႄႈ ပျေႉၸုမ်ႇတင်းတၼ်းၶူဝ်းဢေႃႈ၊ ပေႃးတူဝ်မၼ်းမီးၸမ်ႉ၊ ပဵၼ်ၵေႃႉဢၼ်ဢမ်ႇမီးႁႅင်းလႄႈလၢတ်ႈၵႂၢမ်းဢၼ်လၢႆလၢႆ ဢမ်ႇပွင်ႇလွင်ႈၵႃႈသင်၊ ဝႃႈၼင်ႇၼႆၼၼ်ႉဢေႃႈ။- 11ႁႂ်ႈၵေႃႉၸိူဝ်ႉၼင်ႇၼၼ်ၼၼ်ႉ ၶႆႈၸႂ်လႄႈႁူႉလွင်ႈဢၼ်ႁဝ်း တၵ်းႁဵတ်းၼႂ်းမိူဝ်ႈဢၼ်ႁဝ်းမီးယူႇသိုဝ်ႈၼႃႈတႂ်ႈတႃသူၼၼ်ႉ တၵ်းမိူၼ်ၸိူဝ်ႉၼင်ႇဢၼ်ႁဝ်းပဵၼ်ၼႂ်းၵႂၢမ်းဢၼ်ပႃးၵႃႈၼႂ်းလိၵ်ႈ ၼႂ်းမိူဝ်ႈဢၼ်ႁဝ်းဢမ်ႇမီးယူႇၵႃႈတီႈသူၼၼ်ႉတႃႉ။
12ႁဝ်းဢမ်ႇႁတ်းႁဵတ်း တၢင်းဢၼ်ၶဝ်ႈပႃးလႄႈၼပ်ႉဢၢၼ်ႇ ဢိၵ်ႇတင်းတၢင်းဢၼ်တႅၵ်ႈတူၺ်း လူၺ်ႈၵၼ်တင်းၶဝ်ၸိူဝ်းဢၼ်ယွင်ႈယေႃးတူဝ်ၸဝ်ႈၵဝ်ႇၼၼ်ႉ၊ၶဝ်ၼၼ်ႉၵေႃႉၼိုင်ႈလႄႈၵေႃႉၼိုင်ႈၼင်ႇၵၼ်ၵၼ် ႁဵတ်းတၢင်းဢၼ်ၶိုင်ၼိူင်း ဢိၵ်ႇတင်းတၢင်းဢၼ်တႅၵ်ႈတူၺ်းၵၼ်လႄႈ ပဵၼ်ဢၼ်ဢမ်ႇမီးပိင်ႇၺႃႇဢေႃႈ။- 13လိူဝ်သေၼၼ်ႉ ႁဝ်းဢမ်ႇႁတ်းမီးတၢင်းဢၼ်ဢုပ်ႇဝၢဝ်း လူၺ်ႈလွင်ႈတၢင်းဢၼ်ပူၼ်ႉလိူဝ် ပုၼ်ႈတႃႇတူဝ်ၸဝ်ႈၵဝ်ႇသေလႄႈႁဵတ်းၼၼ်ႉ၊ ႁဝ်းႁတ်းမီးတၢင်းဢၼ်ႁဝ်းဢုပ်ႇဝၢဝ်းၵႃႈၼႂ်း တၢင်းဢၼ်တႅၵ်ႈတူၺ်းပုၼ်ႈတႃႇ ဢၼ်ၽြႃးပဵၼ်ၸဝ်ႈမႅင်ႇပၼ်တီႈႁဝ်း ဢၼ်ၶိုတ်းထိုင်ႁွတ်ႈတီႈသူယူႇၼၼ်ႉၵူၺ်းဢေႃႈ။- 14ႁဝ်းပူၼ်ႉလိူဝ်သေလႄႈ ႁဵတ်းမိူၼ်ၸိူဝ်ႉၼင်ႇဢၼ် ႁဝ်းဢမ်ႇၶိုတ်းထိုင်ႁွတ်ႈတီႈသူၼၼ်ႉဢမ်ႇၸႂ်ႈ၊ လွင်ႈမၼ်းၸမ်ႉ၊ ႁဝ်းႁေႃးလၢတ်ႈတြႃးသတၢင်းသိူဝ်းပျေႃႇၸဝ်ႈၶရိၸ်ႈလႄႈ ႁွတ်ႈထိုင်ၵႃႈတီႈဢၼ်သူမီးၼၼ်ႉယဝ်ႉ။- 15ႁဝ်းမီးတၢင်းဢၼ်ဢုပ်ႇဝၢဝ်းၵွပ်ႈပိူဝ်ႈဢၼ်ပူၼ်ႉလိူဝ် ပုၼ်ႈတႃႇတူဝ်ၸဝ်ႈၵဝ်ႇသေလႄႈ ၶဝ်ႈၵႃႈၼႂ်းတၢင်းႁဵတ်းပိူၼ်ႈဢမ်ႇၸႂ်ႈ၊ ႁဝ်းမုင်ႈထႃႈမွင်းထႃႈလွင်ႈဢၼ် ပေႃးပႃႇရမီႇတၢင်းယုမ်ႇမၢတ်ႈသူယႂ်ႇၵႂၢင်ႈၼမ်မႃးယဝ်ႉၸိုင်၊ ၵႃႈၼင်ႇပုၼ်ႈတႃႇႁဝ်းၼၼ်ႉ ႁဝ်းတၵ်းလႆႈၶၢမ်ႇတၢင်းဢၼ်ယႂ်ႇၵႂၢင်ႈၼမ်မႃးၼႃႇလူင်လၢင်၊- 16ထၼ်ႈပေႃးႁဝ်းယင်းဢမ်ႇမီးတၢင်းဢၼ်ဢုပ်ႇဝၢဝ်း ၼႂ်းလွင်ႈတၢင်းဢၼ်ပိူၼ်ႈမႄးႁဵတ်းဝႆႉလႄႈ ပဵၼ်ပုၼ်ႈတႃႇပိူၼ်ႈၼၼ်ႉလႄႈ လႆႈဢၶႂၢင်ႉဢၼ်လႆႈၶၢမ်ႈၵႂႃႇၵႃႈတီႈၽၢႆႇပုၼ်ႉမိူင်းသူသေလႄႈ ႁေႃးလၢတ်ႈတြႃးသတၢင်းသိူဝ်းပျေႃႇၼၼ်ႉယူႇဢေႃႈ။- 17ပိူဝ်ႈၼႆလႄႈႁႂ်ႈၵေႃႉဢၼ်ၶႂ်ႈဢုပ်ႇဝၢဝ်းၼၼ်ႉ ဢုပ်ႇဝၢဝ်းၼႂ်းၽြႃးပဵၼ်ၸဝ်ႈတႃႉ။- 18လွင်ႈမၼ်းၸမ်ႉ၊ ၵေႃႉဢၼ်ယွင်ႈယေႃးတူဝ်ၸဝ်ႈၵဝ်ႇၼၼ်ႉ ပဵၼ်ၵေႃႉဢၼ်မၼ်းၸဝ်ႈႁပ်ႉတုင်းဢဝ်ဢမ်ႇၸႂ်ႈ၊ ၵေႃႉဢၼ်လႆႈၶၢမ်ႇတၢင်းဢၼ်ၸဝ်ႈၽြႃးယွင်ႈယေႃးၼၼ်ႉၵူၺ်း ပဵၼ်ၵေႃႉဢၼ်မၼ်းၸဝ်ႈႁပ်ႉတုင်းဢဝ်ဢေႃႈ။
Currently Selected:
2 ၵေႃးရိၼ်ႇထူႉ 10: CBMS
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
