FULO 3
3
MAGANU MUSE WOSHSHI
1Muse Midiyaamichu ballisi Yootoori ge'reewonna me"e allaalanni hee'ri; mitto barra, tenne saada haa're halalli qacce Korebi#3:1 Korebi Siinara layinki su'maati. yinanni Ilaali Maganunnihuwa dayi. 2Hakko hee'reenna, Kaaliiqi sokkaasinchi buwanni noo citi giddo hee're leellisi; Museno giira cita ittanni heedheennanni giiraminokkita afe, 3«Kuni maala'linanni coyeti; citu hiitto ikke giirama hoogino ikka? Konne coye hanni shiqqi yee laeemmo» yee hedi.
4Kaaliiqi Muse la"ara shiqqi yiinota afihu gedensaanni citu giddo hee're, «Muse! Muse!» yee woshshisi.
Isino, «Yee!» yii.
5Maganuno, «Anewa shiqqi yitooti! Uurrootto dargi qullaawa ikkino daafira, lekkakkinni koattekki fushshi. 6Ani akaakkakki Abirihaami, Yisihaaqinna Yaiqoobi Maganooti» yiisi. Museno Magano la"a waajjino daafira alba diphi.
7Hakkunni gedensaanni Kaaliiqi, «Manni'ya Gibitsete gobbara qarrame noo gara laoommo; gadadissannori anganni fushshannoha hasidhe raartino raare macciishshoommo; iillinonsa qarrano afe, 8Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa. 9Manni'ya Israeelete raare seekke macciishshoommo; Gibitsootu assitanni noonsa beebba laoommo. 10Xa manna'ya Gibitsetenni fushshatto gede, Gibitsete mootewa soyemmohena amo» yiisi.
11Muse kayinni Maganoho, «Feriooniwa mare Israeelete manna Gibitsetenni fushshate ani hiitto ikke dandeemmo?» yii.
12Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.
13Museno, «Ani Israeelete manniwa mare, ‹Akaakka'ne Magani ki'newa soyinoe› yeenna, insano qolte, ‹Su'misi ayeti› yite xa'mituero mayee dawaronsa?» yii.
14Maganuno qole, «Ani noommohonna hee'reemmo Maganooti; kunnira atino, ‹Soyinoehu su'mi, «ANI ANEETI» yiino yite kulinsa› yii. 15Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe. 16Xa marte, Israeelete roorroota gamba assi; akaakka'ne Abirihaami, Yisihaaqinna Yaiqoobi Magani Kaaliiqi atera leelloommota kulinsa; insawano dirre Gibitsootu assitinonsa beebba laoommota kulinsa. 17Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.
18«Manni'ya roorrootino coyi'rattore macciishshitanno; atinna Israeelete roorrooti Gibitsete mootewa martine, ‹Ibiraawootu Magani Kaaliiqi ninke ledo xaadino; kunnira, Maganinke Kaaliiqira kakkallammora 3 barri doogo halallitte gobba ha'neemmona fajjinke› yiiyyesi. 19Ikkollana ani giddeessummokkinni fajjanno'nekkita afoommo. 20Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.
21«Fultinanni yannara Gibitsootu albaanni gaacheena eemmo'ne daafira, mulla anganni dihadhinanni. 22Meenti'neno minensanna olliinsara noo meenti Gibitsennihuwiinni imaana, culka, birranna woleno seesu uduunne aannonsa gede xa'mi'rona; adhinoreno oosonsara labballohonna seenneho uddisiisi'ranno; kunni garinni Gibitsoota mulqitine fultinanni» yii.
Currently Selected:
FULO 3: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FULO 3
3
MAGANU MUSE WOSHSHI
1Muse Midiyaamichu ballisi Yootoori ge'reewonna me"e allaalanni hee'ri; mitto barra, tenne saada haa're halalli qacce Korebi#3:1 Korebi Siinara layinki su'maati. yinanni Ilaali Maganunnihuwa dayi. 2Hakko hee'reenna, Kaaliiqi sokkaasinchi buwanni noo citi giddo hee're leellisi; Museno giira cita ittanni heedheennanni giiraminokkita afe, 3«Kuni maala'linanni coyeti; citu hiitto ikke giirama hoogino ikka? Konne coye hanni shiqqi yee laeemmo» yee hedi.
4Kaaliiqi Muse la"ara shiqqi yiinota afihu gedensaanni citu giddo hee're, «Muse! Muse!» yee woshshisi.
Isino, «Yee!» yii.
5Maganuno, «Anewa shiqqi yitooti! Uurrootto dargi qullaawa ikkino daafira, lekkakkinni koattekki fushshi. 6Ani akaakkakki Abirihaami, Yisihaaqinna Yaiqoobi Maganooti» yiisi. Museno Magano la"a waajjino daafira alba diphi.
7Hakkunni gedensaanni Kaaliiqi, «Manni'ya Gibitsete gobbara qarrame noo gara laoommo; gadadissannori anganni fushshannoha hasidhe raartino raare macciishshoommo; iillinonsa qarrano afe, 8Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa. 9Manni'ya Israeelete raare seekke macciishshoommo; Gibitsootu assitanni noonsa beebba laoommo. 10Xa manna'ya Gibitsetenni fushshatto gede, Gibitsete mootewa soyemmohena amo» yiisi.
11Muse kayinni Maganoho, «Feriooniwa mare Israeelete manna Gibitsetenni fushshate ani hiitto ikke dandeemmo?» yii.
12Maganuno daware, «Ani ledokki hee're kaa'leemmohe; Israeele Gibitsetenni fushshatto yannara, kunni ilaalira magansidhinannie; kunino ani soommoheta egensiisate malaate ikkannohe» yiisi.
13Museno, «Ani Israeelete manniwa mare, ‹Akaakka'ne Magani ki'newa soyinoe› yeenna, insano qolte, ‹Su'misi ayeti› yite xa'mituero mayee dawaronsa?» yii.
14Maganuno qole, «Ani noommohonna hee'reemmo Maganooti; kunnira atino, ‹Soyinoehu su'mi, «ANI ANEETI» yiino yite kulinsa› yii. 15Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe. 16Xa marte, Israeelete roorroota gamba assi; akaakka'ne Abirihaami, Yisihaaqinna Yaiqoobi Magani Kaaliiqi atera leelloommota kulinsa; insawano dirre Gibitsootu assitinonsa beebba laoommota kulinsa. 17Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.
18«Manni'ya roorrootino coyi'rattore macciishshitanno; atinna Israeelete roorrooti Gibitsete mootewa martine, ‹Ibiraawootu Magani Kaaliiqi ninke ledo xaadino; kunnira, Maganinke Kaaliiqira kakkallammora 3 barri doogo halallitte gobba ha'neemmona fajjinke› yiiyyesi. 19Ikkollana ani giddeessummokkinni fajjanno'nekkita afoommo. 20Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.
21«Fultinanni yannara Gibitsootu albaanni gaacheena eemmo'ne daafira, mulla anganni dihadhinanni. 22Meenti'neno minensanna olliinsara noo meenti Gibitsennihuwiinni imaana, culka, birranna woleno seesu uduunne aannonsa gede xa'mi'rona; adhinoreno oosonsara labballohonna seenneho uddisiisi'ranno; kunni garinni Gibitsoota mulqitine fultinanni» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014