FULO 2
2
MUSE ILAMI
1Mittu Leewi ga're manchi ga'resi giddonni galte adhino. 2Iseno gedensaanni godobbe labbaa beetto iltusi; qaaqqu xuma ikkino daafira, xawo fushshitukkinni 3 agana maaxxu. 3Ikkeennano hakkuyi aleenni maaxa dandiitannokkita affe, leemmunni seekkinoonni gimboola haadhe wayi eannokki gede aanaho suwe gante, qaaqqo gimboolu giddo worte wayi gama noo haqali giddo massite wortu. 4Qaaqqu rodoono xeertote heedhe, ikkannore la'anni uurritu.
5Hatte yannara, Feriooni beetto biso hayishshidhara wayi lagira dirritu; soqqamannose seennino wayi gama ha'ramanni no; iseno hedeweelcho haqalu mereero noo gimboola affe, soqqamaanchose sokke abbisiissu. 6Fantanno woyite qaaqqu giddo no; qaaqqu wi'lanni noo daafira lowo geeshsha mararte, «Kuni Ibiraawootu qaaqqooti» yitu.
7Hatte yannara qaaqqu rodoo mootete beettora, «Qaaqqo qansite lossitannoheta Ibiraawootu meenti giddonni mitte awuutte lossitannota woshshe abboheni?» yite xa'mituse.
8Mootete beettono, «Ee! Marte abbie» yiteenna, ise kayinni qaaqqu ama woshshite abbitu. 9Mootete beettono mancho, «Konne qaaqqo haadhe qansitanni lossie; daafurikki waagano eemmahena» yituse. Manchono qaaqqo haadhe qansitu. 10Lophihu gedensaanni, qaaqqo mootete beettowa haadhe abbiteenna, «Feriooni beetto beettooti» yinanna hee'ri. Iseno, «Wayi giddonni fushshoommaha ikkino daafira, su'masi Muse#2:10 Muse yaa Ibiraawootu afiinni haa're fushshate yaate. yeemma» yitu.
MUSE MIDIYAAMI GOBBA FULE BAI
11Muse wedellicha ikkihu gedensaanni, fule fiixasi towatanno woyite, gadadinseennansa kaajjado looso loossanni noota afi; hakkuyi aanano, mittu Gibitsichi mitto fiixasi Ibiraawicha gananna lai. 12Museno kawanna ka'a lae mannu nookkita afihu gedensaanni, Gibitsicha shee shaafu giddo madaare ha'ri. 13Layinki barrano hakkiira maranno woyite, lamu Ibiraawooti ganantanna afi; sao assinoha bade afihu gedensaanni, «Fiixakki mayira ganatto?» yee xa'misi. 14Manchuno, «Ninkera roorrichanna yoo yaattoha asse worinohehu ayeti? Woy Gibitsicha shiitto gede aneno shaattoera hasi'roo?» yiisi. Museno lowo geeshsha waajje, «Hada assoommore mannu afe kaino» yee hedi. 15Ferioonino konne coye macciishshihu gedensaanni, Muse shaara hasi. Muse kayinni Midiyaami yinanni gobba fule bae mitte bue gama ofolli. 16Hattenne gobbara 7 seenne afi'rinohu Yootoori yinannihu mittu qeesichi no. Seennuno anninsa ge'reewiranna meira waa badiroho wore toohara hakkiira dayi. 17Uminsa saada allaa'lite noori dagge konne seenne shorritunsa. Muse kayinni seenne allaalaasinete anganni gatise saadansara waa toohi. 18Seennuno anninsawa Raagueeliwa#2:18 Raagueeli Yootoorira layinki su'maati. mare iilli. Isino, «Techo hiitto yannantenni higgini?» yee xa'minsa.
19Insano, «Mittu Gibitsichu allaalaasinete anganni gatise, waano hinkiile saadankeno toohino» yee dawarisi. 20Anninsano, «Xa hiikko nooyya? Mayira agurtine dagginisi? Sagale itona martine woshshesi» yiinsa.
21Museno kunni qeesichi minira ha're ledosi hee'ri; qeesichuno mitte Siphaara yinanni beetto uyisi. 22Iseno labbaa beetto iltusi; Museno, «Ani manni gobba manchooti» yaanni beettisira su'ma Gershoomi#2:22 Gershoomi yaa Ibiraawootu afiinni manni gobba mancho yaate. yee fushshi.
23Lowo diri gedensaanni Gibitsete moote reyi; Israeelete manni kayinni borojjimmate gadadi giddo hee're kaa'lo afi'rate raari; raarensano Maganunniwa iillitu. 24Maganuno urattonsa macciishshe Abirihaami, Yisihaaqinna Yaiqoobi ledo eino gondooro hedi. 25Maganu Israeelete manni widira lae, shettote giddo noota afe kaa'lansara hasi'ri.
Currently Selected:
FULO 2: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FULO 2
2
MUSE ILAMI
1Mittu Leewi ga're manchi ga'resi giddonni galte adhino. 2Iseno gedensaanni godobbe labbaa beetto iltusi; qaaqqu xuma ikkino daafira, xawo fushshitukkinni 3 agana maaxxu. 3Ikkeennano hakkuyi aleenni maaxa dandiitannokkita affe, leemmunni seekkinoonni gimboola haadhe wayi eannokki gede aanaho suwe gante, qaaqqo gimboolu giddo worte wayi gama noo haqali giddo massite wortu. 4Qaaqqu rodoono xeertote heedhe, ikkannore la'anni uurritu.
5Hatte yannara, Feriooni beetto biso hayishshidhara wayi lagira dirritu; soqqamannose seennino wayi gama ha'ramanni no; iseno hedeweelcho haqalu mereero noo gimboola affe, soqqamaanchose sokke abbisiissu. 6Fantanno woyite qaaqqu giddo no; qaaqqu wi'lanni noo daafira lowo geeshsha mararte, «Kuni Ibiraawootu qaaqqooti» yitu.
7Hatte yannara qaaqqu rodoo mootete beettora, «Qaaqqo qansite lossitannoheta Ibiraawootu meenti giddonni mitte awuutte lossitannota woshshe abboheni?» yite xa'mituse.
8Mootete beettono, «Ee! Marte abbie» yiteenna, ise kayinni qaaqqu ama woshshite abbitu. 9Mootete beettono mancho, «Konne qaaqqo haadhe qansitanni lossie; daafurikki waagano eemmahena» yituse. Manchono qaaqqo haadhe qansitu. 10Lophihu gedensaanni, qaaqqo mootete beettowa haadhe abbiteenna, «Feriooni beetto beettooti» yinanna hee'ri. Iseno, «Wayi giddonni fushshoommaha ikkino daafira, su'masi Muse#2:10 Muse yaa Ibiraawootu afiinni haa're fushshate yaate. yeemma» yitu.
MUSE MIDIYAAMI GOBBA FULE BAI
11Muse wedellicha ikkihu gedensaanni, fule fiixasi towatanno woyite, gadadinseennansa kaajjado looso loossanni noota afi; hakkuyi aanano, mittu Gibitsichi mitto fiixasi Ibiraawicha gananna lai. 12Museno kawanna ka'a lae mannu nookkita afihu gedensaanni, Gibitsicha shee shaafu giddo madaare ha'ri. 13Layinki barrano hakkiira maranno woyite, lamu Ibiraawooti ganantanna afi; sao assinoha bade afihu gedensaanni, «Fiixakki mayira ganatto?» yee xa'misi. 14Manchuno, «Ninkera roorrichanna yoo yaattoha asse worinohehu ayeti? Woy Gibitsicha shiitto gede aneno shaattoera hasi'roo?» yiisi. Museno lowo geeshsha waajje, «Hada assoommore mannu afe kaino» yee hedi. 15Ferioonino konne coye macciishshihu gedensaanni, Muse shaara hasi. Muse kayinni Midiyaami yinanni gobba fule bae mitte bue gama ofolli. 16Hattenne gobbara 7 seenne afi'rinohu Yootoori yinannihu mittu qeesichi no. Seennuno anninsa ge'reewiranna meira waa badiroho wore toohara hakkiira dayi. 17Uminsa saada allaa'lite noori dagge konne seenne shorritunsa. Muse kayinni seenne allaalaasinete anganni gatise saadansara waa toohi. 18Seennuno anninsawa Raagueeliwa#2:18 Raagueeli Yootoorira layinki su'maati. mare iilli. Isino, «Techo hiitto yannantenni higgini?» yee xa'minsa.
19Insano, «Mittu Gibitsichu allaalaasinete anganni gatise, waano hinkiile saadankeno toohino» yee dawarisi. 20Anninsano, «Xa hiikko nooyya? Mayira agurtine dagginisi? Sagale itona martine woshshesi» yiinsa.
21Museno kunni qeesichi minira ha're ledosi hee'ri; qeesichuno mitte Siphaara yinanni beetto uyisi. 22Iseno labbaa beetto iltusi; Museno, «Ani manni gobba manchooti» yaanni beettisira su'ma Gershoomi#2:22 Gershoomi yaa Ibiraawootu afiinni manni gobba mancho yaate. yee fushshi.
23Lowo diri gedensaanni Gibitsete moote reyi; Israeelete manni kayinni borojjimmate gadadi giddo hee're kaa'lo afi'rate raari; raarensano Maganunniwa iillitu. 24Maganuno urattonsa macciishshe Abirihaami, Yisihaaqinna Yaiqoobi ledo eino gondooro hedi. 25Maganu Israeelete manni widira lae, shettote giddo noota afe kaa'lansara hasi'ri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014