FULO 4
4
MAGANU MUSERA UYINOTI MAALA'LINANNI WOLQA
1Muse, «Israeelete manni, ‹Kaaliiqi dileellinohe› yee amananna macciishsha giwiero mayoo?» yee Kaaliiqa xa'mi.
2Kaaliiqino, «Hakku anga amadde noottohu maati?» yiisi.
Isino, «Siqqichote» yee dawari.
3Kaaliiqi qole, «Hanni uulla tugi» yii. Muse siqqicho uulla tugita hamashsho ikkitu; isino mulisenni xooqi. 4Kaaliiqi kayinni, «Angakkinni farro amadde kayisi» yiisi. Muse farro amade kayisita galagalte siqqicho ikkitu. 5Kaaliiqino, «Akaakka'ne Abirihaami, Yisihaaqinna Yaiqoobi Magani Kaaliiqi leellinoheta Israeelete manni ammananno gede konne malaate leellishinsa» yiisi.
6Kaaliiqi galagale Musera, «Angakki kikki'lakki giddo wori» yiisi; isino angasi kikki'lasi giddo wori; kikki'late giddonni fushshanno woyite angasi taraawannohu gogu dhibbi amadinote gede kaade labbannota ikkitu. 7Kaaliiqi qole, «Galagalchite angakki kikki'lakki giddo wori» yiisi. Museno galagalche angasi kikki'late worita, albite gedee fayyaaleette ikkitu. 8Kaaliiqi, «Umi maalalenni ammana hoogguro, tennenni ammantanno. 9Lamentenni ammantannokkiha ikkironna yoottoreno macciishshitannokkiha ikkiro, Abbayinni shiima waa haadhe, moola baattora duni; baattote aana dunootto wayino mundeete soorramanno» yiisi.
10Muse kayinni, «Kaaliiqa'ya, ani albano ikko, ati ledo'ya hasaawa hanafitto kawano coyi'ra dandoommokki babbichaati» yii.
11Kaaliiqino qole Musera, «Mannaho afoo kalaqinohu ayeti? Danqicha woy macciweelo, illete afannohanna illiweelo kalaqinohu ayeti? Konne baalanka assoommohu ane Kaaliiqa di"ikkoommo? 12Xa kai ha'ri! Ani ledokki hee're coyi'ra dandaatto gede asseemmohe; coyi'rattoreno kuleemmohena» yiisi.
13Muse qole, «Eeggatena Mooticha'ya ballo, wole soyi» yii.
14Hatte yannara Kaaliiqi Musera hanqe, «Leewi ga'rehu rodiikki dino? Isi dancha gede coyi'rannoha ikkinota afoommo; isinni xa kune atewa daanni no; ate afanno woyiteno hagiidhanno. 15Konne coye isira hasaawattosi; yaannoreno kulattosi; ani ki'ne lamunku ledo hee're, assitinannire baala kuleemmo'ne. 16Isi ate afoo ikke coyi'ranno; ate su'minni mannaho sokka kulanno; atino isira Maganu gede ikkite yaannore kulattosi. 17Maalale leellishattota tenne siqqono anga adhite ha'ri» yiisi.
MUSE GALAGALE GIBITSE HIGI
18Muse galagale ballisi Yootooriwa mare, «Gibitsete heedhannori fiixi'ya keerunni noo gedee mare laeemmona fajjie» yiisi.
Yootoorino, «Maahoyyena keerunni ha'ri» yiisi.
19Muse Midiyaami gobbara hee'reenna Kaaliiqi, «Shitahera hassannori baalu reyite gooffinona galagalte Gibitse ha'ri» yiisi. 20Muse galtesinna oososi harrichoho huddeele Gibitse ha'ri. Maganu adhe ha'ranno gede kulinosi siqqono anga amade no.
21Kaaliiqi Musera galagale, «Xaate Gibitse ha'ratto daafira, oommohe wolqanni Feriooni albaanni maalale assattota habbooti; ikkeennano, ani wodanasi dilleesseemmo daafira manna'ya fulara diaguranno. 22Hatte yannara Ferioonira, ‹Kaaliiqi, «Israeeli bayira beetto'yaati; 23beetti'ya ha're ane magansi'roena aguri yoommohe. Ati kayinni ha'ra hoolootto daafira, ateha bayira beetto sheemmo yiino» › yaatto» yiisi.
24Muse Gibitse ha'ranni hee're doogo galinowa Kaaliiqi daye, shaasira kai. 25-26Galtesi Siphaara reeqqiicho haadhe qaaqqose barcimshiishshu; barcimshiishshino shigginni Muse lekka amammaddu; qaaqqose barcimshiishshino daafira, «Xaate ati anera mundeete galte'yaati» yitusi. Kaaliiqino Muse marare shaa agurisi.
27Kaaliiqi Aarooni, «Musenni xaadatto gede halallira ha'ri» yiisi. Isino Maganu ilaaliwa Korebira mare Musenni xaade sunqe keere haa'risi. 28Museno Gibitse higanno gede Kaaliiqi hajajisi yannara kulinosi coyenna leellishanno gede hajajinosi maalale baala Aaroonira kulisi. 29Hakkunni gedensaanni, Musenna Aarooni Gibitse marte, Israeelete roorroota mittowa gamba assitu. 30Aarooni, Kaaliiqi Musera yiinore baala kulinsa; Museno maalale baalanta mannaho leellishi. 31Mannuno konne coye ammani; Kaaliiqi daye towatinonsatanna assinoonninsa beebba afinota macciishshite guluphite guwissusi.
Currently Selected:
FULO 4: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FULO 4
4
MAGANU MUSERA UYINOTI MAALA'LINANNI WOLQA
1Muse, «Israeelete manni, ‹Kaaliiqi dileellinohe› yee amananna macciishsha giwiero mayoo?» yee Kaaliiqa xa'mi.
2Kaaliiqino, «Hakku anga amadde noottohu maati?» yiisi.
Isino, «Siqqichote» yee dawari.
3Kaaliiqi qole, «Hanni uulla tugi» yii. Muse siqqicho uulla tugita hamashsho ikkitu; isino mulisenni xooqi. 4Kaaliiqi kayinni, «Angakkinni farro amadde kayisi» yiisi. Muse farro amade kayisita galagalte siqqicho ikkitu. 5Kaaliiqino, «Akaakka'ne Abirihaami, Yisihaaqinna Yaiqoobi Magani Kaaliiqi leellinoheta Israeelete manni ammananno gede konne malaate leellishinsa» yiisi.
6Kaaliiqi galagale Musera, «Angakki kikki'lakki giddo wori» yiisi; isino angasi kikki'lasi giddo wori; kikki'late giddonni fushshanno woyite angasi taraawannohu gogu dhibbi amadinote gede kaade labbannota ikkitu. 7Kaaliiqi qole, «Galagalchite angakki kikki'lakki giddo wori» yiisi. Museno galagalche angasi kikki'late worita, albite gedee fayyaaleette ikkitu. 8Kaaliiqi, «Umi maalalenni ammana hoogguro, tennenni ammantanno. 9Lamentenni ammantannokkiha ikkironna yoottoreno macciishshitannokkiha ikkiro, Abbayinni shiima waa haadhe, moola baattora duni; baattote aana dunootto wayino mundeete soorramanno» yiisi.
10Muse kayinni, «Kaaliiqa'ya, ani albano ikko, ati ledo'ya hasaawa hanafitto kawano coyi'ra dandoommokki babbichaati» yii.
11Kaaliiqino qole Musera, «Mannaho afoo kalaqinohu ayeti? Danqicha woy macciweelo, illete afannohanna illiweelo kalaqinohu ayeti? Konne baalanka assoommohu ane Kaaliiqa di"ikkoommo? 12Xa kai ha'ri! Ani ledokki hee're coyi'ra dandaatto gede asseemmohe; coyi'rattoreno kuleemmohena» yiisi.
13Muse qole, «Eeggatena Mooticha'ya ballo, wole soyi» yii.
14Hatte yannara Kaaliiqi Musera hanqe, «Leewi ga'rehu rodiikki dino? Isi dancha gede coyi'rannoha ikkinota afoommo; isinni xa kune atewa daanni no; ate afanno woyiteno hagiidhanno. 15Konne coye isira hasaawattosi; yaannoreno kulattosi; ani ki'ne lamunku ledo hee're, assitinannire baala kuleemmo'ne. 16Isi ate afoo ikke coyi'ranno; ate su'minni mannaho sokka kulanno; atino isira Maganu gede ikkite yaannore kulattosi. 17Maalale leellishattota tenne siqqono anga adhite ha'ri» yiisi.
MUSE GALAGALE GIBITSE HIGI
18Muse galagale ballisi Yootooriwa mare, «Gibitsete heedhannori fiixi'ya keerunni noo gedee mare laeemmona fajjie» yiisi.
Yootoorino, «Maahoyyena keerunni ha'ri» yiisi.
19Muse Midiyaami gobbara hee'reenna Kaaliiqi, «Shitahera hassannori baalu reyite gooffinona galagalte Gibitse ha'ri» yiisi. 20Muse galtesinna oososi harrichoho huddeele Gibitse ha'ri. Maganu adhe ha'ranno gede kulinosi siqqono anga amade no.
21Kaaliiqi Musera galagale, «Xaate Gibitse ha'ratto daafira, oommohe wolqanni Feriooni albaanni maalale assattota habbooti; ikkeennano, ani wodanasi dilleesseemmo daafira manna'ya fulara diaguranno. 22Hatte yannara Ferioonira, ‹Kaaliiqi, «Israeeli bayira beetto'yaati; 23beetti'ya ha're ane magansi'roena aguri yoommohe. Ati kayinni ha'ra hoolootto daafira, ateha bayira beetto sheemmo yiino» › yaatto» yiisi.
24Muse Gibitse ha'ranni hee're doogo galinowa Kaaliiqi daye, shaasira kai. 25-26Galtesi Siphaara reeqqiicho haadhe qaaqqose barcimshiishshu; barcimshiishshino shigginni Muse lekka amammaddu; qaaqqose barcimshiishshino daafira, «Xaate ati anera mundeete galte'yaati» yitusi. Kaaliiqino Muse marare shaa agurisi.
27Kaaliiqi Aarooni, «Musenni xaadatto gede halallira ha'ri» yiisi. Isino Maganu ilaaliwa Korebira mare Musenni xaade sunqe keere haa'risi. 28Museno Gibitse higanno gede Kaaliiqi hajajisi yannara kulinosi coyenna leellishanno gede hajajinosi maalale baala Aaroonira kulisi. 29Hakkunni gedensaanni, Musenna Aarooni Gibitse marte, Israeelete roorroota mittowa gamba assitu. 30Aarooni, Kaaliiqi Musera yiinore baala kulinsa; Museno maalale baalanta mannaho leellishi. 31Mannuno konne coye ammani; Kaaliiqi daye towatinonsatanna assinoonninsa beebba afinota macciishshite guluphite guwissusi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014