MACAAFA FAARFANNAA 98
98
Faarfannaa Haaraadhaan Waaqayyoon Faarfachuu
(Faarfannaa)
1Hojii guddaa dinqisiisaa waan hojjeteef,
faarfannaa haaraadhaan Waaqayyoon faarfadhaa!
Harki isaa inni mirgaa,
irreen isaa inni qulqulluunis,
mo'icha isa argachiisaniiru*.
2Waaqayyo mo'uu isaatiin fayyisuu isaa beeksiseera,
saba lafa irraa durattis
gocha isaa isa qajeelaa mul'iseera.
3inni gaarummaa isaa fi amanamummaa isaa,
mana Israa'eliif yaadateera;
warri andaara lafaa jiran hundinuu
fayyisuu Waaqayyo keenyaa arganiiru*.#1 33:3; 96:1-2; Isa 63:5 3 Isa 52:10
4Yaa guutummaa lafaa,
Waaqayyotti gammaduu kee guddisii dhageessisi,
weedduu gammachuu guddisii dhageessisi,
ililleedhaanis faarfadhu!
5Sagalee kiraara guddaatiin,
kiraaraa fi sagalee faarfannaatiin Waaqayyoon jajadhaa!
6Fiingee fi fiinoo afuufaa,
Waaqayyo mooticha durattis
gammaduu keessan guddisaa dhageessisaa!
7Galaanni, wanti isa keessa guute,
biyyi lafaa,
warri isa keessa jiraatanis haa huursan*!
8Lagoonni harka isaanii walitti haa rukutan,
tulloonni walii wajjin haa ililchan!
9Waaqayyo lafaaf firdii kennuuf waan dhufuuf,
fuula isaa duratti kana haa dhageessisan!
inni qajeelummaadhaan biyya lafaaf firdii in kenna,
saba hundumaas
qajeeltootti firdii in dhageessisa*.#7 96:11-12 9 96:13
Currently Selected:
MACAAFA FAARFANNAA 98: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
