MACAAFA FAARFANNAA 99
99
Guddina Waaqayyoo Ol Ol Kaasuu
1Waaqayyo mootii dha,
sababii kanaaf sabni hundinuu in rom'a!
Inni teessoo isaa isa Kiruubel baatan irra jira,
sababii kanaaf lafti in socho'a*!
2Waaqayyo Xiyoonitti guddaa dha,
inni saba hundumaa irratti ol jedhaa dha.
3Maqaa kee isa guddaadhaa fi isa sodaatamaadhaafis
galata haa galchan!
Inni dhuguma qulqulluu dha!#1 93:1; 18:10; 2Sam 6:2
4Aangoon mootichaa,
wanta dhugaa ta'e in jaallata;
ati wanta qajeelaa ta'e jabeessitee dhaabdeetta,
dhugaan, qajeelummaanis Yaaqoob keessatti
akka argamu gooteetta.
5Waaqayyoon gooftaa keenya ulfinaan ol kaasaa,
ejjeta miilla isaa jalatti isaaf sagadaa!
Inni dhuguma qulqulluu dha*!#5 132:7-8; 1Sen 28:2; Faru 2:1
6Museenii fi Aaron luboota isaa keessa turan;
Saamu'elis immoo
warra maqaa isaa waammatan keessaa tokko ture;
isaan Waaqayyoon waammatan,
innis isaaniif deebise.
7Inni utubaa duumessaa keessaa isaanitti dubbate,
isaan immoo abboommii isaaf dhugaa ba'u,
seerrata inni isaaniif kennes eeganiiru*.#7 Bau 33:9
8Yaa Waaqayyo gooftaa keenyaa,
ati deebii isaaniif kennite;
Waaqayyo isa isaaniif dhiisu,
hojii isaanii irrattis isa haala isaanitti ba'u taateettaaf*.
9Waaqayyoon gooftaa keenya ulfinaan ol kaasaa,
Waaqayyo gooftaan keenya qulqulluu dha;
tulluu isaa isa qulqullaa'aa irratti isaaf sagadaa!#8 Bau 34:7; Dan 9:15-16
Currently Selected:
MACAAFA FAARFANNAA 99: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
