MACAAFA FAARFANNAA 95
95
Waaqayyoof Abboomamanii Isa Jajachuu
1Kottaa Waaqayyoon in faarfannaa!
Kattaa isa itti baqannee oollutti
gammaduu keenyas in dhageessifna.
2Galataan fuula isaa duratti in dhi'aanna,
isatti gammaduu keenya
faarfannaadhaan in dhageessifna.
3Waaqayyo gooftaa isa guddaa waan ta'eef,
waaqayyolii hundumaa irrattis inni mootii guddaa dha*;
4lafa jalaa iddoon gad fagoon harka isaa keessa jira,
bantiin tullootaas kan isaa ti;
5galaanonni kan isaa ti, isatu isaan hojjete,
lafti gogaanis kan isaa ti
harka isaatu isa tolche.#3 Bau 15:11
6Kottaa in sagannaa gadis in jennaa,
Waaqayyo uumaa keenya durattis in jilbeenfannaa!
7Innoo Waaqayyo keenya,
nuyi saba harka isaa jala jirruu dha,
hoolota inni tiksuu dhas
har'a sagalee isaa utuu dhaggeeffattanii attam gaarii dha*!#7 74:1; 100:3; Yoh 10:27-28
8Akkuma Mariibaa iddoo morkii sanatti,
akka gaafa Maasaa iddoo qoramaa isa lafa onaa keessaatti
isin mata-jabeeyyii hin ta'inaa*!
9Abaabiliin keessan achitti na qoran,
wanta ani godhe utuma arganii
qoranii na ilaalan*.
10Waggaa afurtamaaf
dhaloota akkasii arguu na jibbisiise,
ani,<<Isaan saba garaan isaa karaa irraa kaatuu dha,
karaa koos beekuu hin barbaadan;
11Kanaafan aaree,
<<Matumaa biyya boqonnaa isa ani qopheessetti
hin galan>> jedhee kakadhe>> jedhe*.#8 Ibr 3:7-8 9 Bau 17:2,7 11 Lak 14:21-23; Ibr 4:3
Currently Selected:
MACAAFA FAARFANNAA 95: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
