MACAAFA FAARFANNAA 94
94
Dhugaan Iddoo Isaatti Deebi'uu
1Yaa Waaqayyo, gooftaa gumaa baaftuu,
ati Waaqayyo, inni gumaa baaftu,
ifa kee keessaan mul'adhu*!
2Yaa abbaa firdii lafa kanaa ka'i!
Warra hamaa hojjetanii ittiin of jajan,
hojii isaanii mataa isaaniitti deebisi*!
3Yaa Waaqayyo, jal'oonni
hamma yoomiitti akkasitti turu>>
Jal'oonni hamma yoomiitti gammaduu isaanii argisiisu*>>
4Dubbii salphinaa gad in jijjigsu,
warri hamaa godhan hundinuu of in gurguddisu.#1 Kes 32:35 2 Uma 18:25 3 13:1-2
5Yaa Waaqayyo, isaan saba kee in caccabsu,
warra dhuunfaa keetiis gad in qabu.
6Isaan haadha hiyyeessaa, galaas in gorra'u,
warra abbaan irra hin jirres in ajjeesu.
7Isaan,<<Gooftichi hin argu,
Waaqayyo inni kan Yaaqoob yaadaan hin qabu>>
in jedhu*.#7 10:11
8Saba keessaa warri wallaaloo taatan hubadhaa!
Isin warri gowwoonni yoom ogeeyyii taatu>>
9Inni gurra namaaf dhaabe ofii isaatii hin dhaga'uu ree>>
Inni ija tolche ofii isaatii hin arguu ree*>>
10Inni saba lafa irraa gorsee deebisu,
inni beekumsa nama barsiisu,
ofii isaatii hin adabuu ree>>
11Gooftichi wanta namni yaadu,
namni akka qilleensa shuf jedhuu
duwwaa ta'uu isaas in beeka*.#9 Bau 4:11 11 1Qor 3:20
12Yaa Waaqayyo, namni ati gorsitee deebiftu,
inni ati seera kee barsiiftus gammachuu qaba*!
13Hamma nama jal'aadhaaf boolli qotamutti,
barsiisuu keetiin guyyaa rakkinaatti
ati boqonnaa isaaf in laatta.
14Waaqayyo saba isaa hin buusu,
warra dhuunfaa isaa ta'anis hin dhiisu!
15Firdiin gara qajeelummaatti in deebi'a,
gara-qajeelonni hundinuu isa duukaa in bu'u.#12 Iyo 5:17
16Eenyutu ka'ee anaaf jedhee warra jal'ootaan morma>>
Eenyutus warra hamaa hojjetaniin mormuudhaaf
gara koo dhaabata>>
17Waaqayyo utuu ana hin gargaarre ta'ee,
silaa yowwana lubbuun koo
biyya warra cal jedhanii keessa buufatteetti*!
18Yeroo ani,<<Miilli koo in sigigaate>> jedhetti,
gaarummaan kee qabee na oolche, yaa Waaqayyo!
19Yeroo yaaddoon garaa kootti baay'atu,
ati na jajjabeessitee lubbuu koo in gammachiifta*.#17 124:1-5 19 2Qor 1:4-5
20Namni badiisa namatti fiduudhaaf
barcuma firdii irra taa'u,
inni seera jal'isee
wanta hamaa nama irratti qopheessus,
sii wajjin walitti hidhachuu in danda'aa ree>>
21Isaan jireenya nama qajeelaa irratti in gamtatu,
dhiiga nama balleessaa hin qabneetti
dhangala'uu in muru.
22Waaqayyo garuu da'oo anaaf ta'eera,
Waaqayyo kattaa ani kooluu itti galuu dha.
23Inni yakka isaanii mataa isaaniitti in deebisa,
jal'ina isaaniitiifis lafa irraa isaan in balleessa,
Waaqayyo keenya gooftichi lafa irraa isaan in balleessa.
Currently Selected:
MACAAFA FAARFANNAA 94: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
