MACAAFA FAARFANNAA 96
96
Waaqayyo Guutummaa Biyya Lafaatti Mootii Ta'uu Isaa
(1Sen 16:23-33)
1Faarfannaa haaraadhaan Waaqayyoon faarfadhaa,
guutummaan biyya lafaas Waaqayyoon faarfadhaa*!
2Waaqayyoon faarfadhaa, maqaa isaas eebbisaa,
fayyisuu isaas guyyuma guyyaatti labsaa!
3Saba lafa irraa keessatti guddina isaa,
saba hundumaa keessattis
gocha isaa isa dinqisiisaa beeksisaa!#1 33:3; 40:3; 98:1; Isa 42:10; Mul 5:9; 14:3
4Waaqayyo guddaa dha, guddisee jajamuun in ta'aaf,
waaqayyolii hundumaa gara irraattis
sodaatamuun isaaf in ta'a.
5Waaqayyoliin saba warra kaanii hundinuu
kan dhimma hin baafnee dha,
Waaqayyo garuu bantiiwwan waaqaa in hojjete*.
6Surraan, simboonis fuula isaa dura,
aangoon, miidhagummaanis
mana qulqullummaa isaa keessa jiru.#5 115:3-6; Isa 40:18-26
7Isin qomoon saba hundaa
Waaqayyoof ulfina dhi'eessaa!
Aangoo Waaqayyoos beeksisaa!
8Ulfina maqaa isaatiif ta'u Waaqayyoof dhi'eessaa!
Kennaa fidaatii gara oobdii isaa kottaa!
9Qulqullummaa akka mi'a miidhaginaatti
naqadhaatii Waaqayyoof sagadaa,
yaa guutummaa lafaa, isa duratti rom'i!
10Saba lafa irraa keessatti,
<<Waaqayyo mootii dha!
Eyyee, inni biyya lafaa jabeessee dhaabeera,
iddoo isaatiis akka inni hin butanne godheera;
qajeeltoodhaanis
saba hundumaaf firdii in kenna>> jedhaa*!
11Bantiiwwan waaqaa haa gammadan,
laftis gammachuu haa qabaatu,
galaanni wanti isa keessa guutes haa huursu!
12Bakkeen, wanti isa keessa jiru
hundinuus haa gammadan
eyyee, mukeetiin caakkaa hundinuu
sagalee gammachuu haa dhageessisan!
13Kun fuula Waaqayyoo duratti in ta'a,
inni in dhufa,
eyyee, inni lafaaf firdii kennuudhaaf in dhufa;
guutummaa biyya lafaaf qajeelummaadhaan
saba hundumaafis amanamummaadhaan
firdii in kenna*.#10 93:1 13 9:8; 82:8; HoE 17:31
Currently Selected:
MACAAFA FAARFANNAA 96: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
