MACAAFA FAARFANNAA 9
9
Firdii Qajeelaadhaaf Waaqayyoon Galateeffachuu Isaa
(Geggeessituu warra faarfatootaaf; kun akka qooqa faaruu<<Du'a ilmaa>> jedhamee beekametti faarfatame; faarfannaa Daawit)
1Garaa koo guutuudhaan sin galateeffadha yaa Waaqayyo!
Gocha dinqisiisaa ati goote hundumaas nan hima*.
2Ani sitti nan gammada, nan burraaqas;
maqaa kees faarfannaadhaan nan jajadha, yaa aabba!
3Kunis diinonni koo
gara booddee isaanii waan deebi'aniif,
kufaniis fuula kee duraa waan balleeffamaniif;
4ati dubbii koo ilaaltee anaaf faraddeetta,
abbaa firdii isa qajeelaa waan taateef,
barcuma firdii irra teesseetta.#1 44:1
5Ati saba lafa irraa hundumaa ifattee,
warra jal'ootas balleessitee,
maqaan isaaniis yeroo hundumaa
baruma baraan akka hin yaadatamne in goote.
6Diinonni bara baraan caccabanii dhumaniiru,
ati mandaroota isaanii iddoodhaa balleessiteetta,
seenaan isaaniis badeera*.#6 34:16
7Waaqayyo immoo bara baraan teessoo isaa irra jira,
barcuma firdii isaas jabeessee dhaabateera.
8Inni biyya lafaa qajeelummaadhaan in seerrata,
saba hundumaafis firdii qajeelaa in kenna*.
9Waaqayyo, warra gad qabamaniif da'oo ol jedhaa dha,
isaan yeroo rakkinaatti da'oo isa in godhatu.#8 96:13
10Yaa Waaqayyo, warri maqaa kee beekan kooluu sitti in galu,
ati warra si barbaadan hin ganne'o.
11Waaqayyoon isa Xiyoon irra teessoo isaa dhaabate
faarfannaadhaan jajadhaa!
Hojii isaa hundumaas saba lafa irraatti labsaa!
12Inni dhiiga dhangala'eef gumaa baasu,
warra gadadamoo in yaadata,
wawwaannaa isaaniis hin irraanfatu*.#12 10:14; 35:10; 140:12; 146:7-9; Kes 10:18-19; Far 72:4
13Yaa Waaqayyo anaaf oo'i!
Gadadamuu koo isa warra na jibban biraa
anatti dhufe ilaali!
Afaan boollaa irra yoon ga'e iyyuu, ati ol na deebisi*!
14Yommus ani waanan ittiin si jajadhu hundumaa
karra Xiyoon keessatti nan hima,
na gargaaruu keetiifis walga'ii ijoollee ishee duratti
guddaa nan gammada*.
15Sabni lafa irraa boolla ofii isaaniitii qotanitti
gad in liqimfaman;
kiyyoodhuma dhoksaniinis miilli isaanii in qabame*.
16Waaqayyo, firdii kennuu isaatiin of beeksise,
namni jal'aan
waan harka isaatiin hojjeteen in korokkodame.
[Sagalee mi'a ribuu qabutu gidduutti dhageessifame.]#13 16:10-11 14 22:22; 13:5 15 7:15-16
17Warri jal'oonni
gara iddoo lafa jalaatti gad haa bu'an,
lafa irraa warri Waaqayyoon irraanfatanis
akkasuma gad haa lixan.
18Warri wanta barbaachisaa dhaban,
irraanfatamanii hin hafan,
abdiin warra gadadamoos bara baraan hin badu*.
19Yaa Waaqayyo, humni namaa
harka akka hin fudhannetti, ati ka'i!
Sabni lafa irraa si duratti
firdii akka fudhatan godhi*!
20Yaa Waaqayyo, sabni lafa irraa
namootuma foon uffatan duwwaa
ta'uu isaanii akka beekaniif,
ati pherpheramuu isaanitti fidi!#18 22:24; 10:17 19 Lak 10:35
Currently Selected:
MACAAFA FAARFANNAA 9: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
