MACAAFA FAARFANNAA 8
8
Waa'ee Guddina Waaqayyoo Fi Waa'ee Ol Ka'uu Namaa
(Geggeessituu warra faarfatootaaf; kun kiraara guddaadhaan yookiis akka qooqa faarfannaa kanaan dura beekame tokkootti faarfatame; faarfannaa Daawit)
1Yaa Waaqayyo gooftaa keenyaa!
Maqaan kee guutummaa biyya lafaatti
guddaa guddaa caalu attamii tii!
Guddina kee bantiiwwan waaqaa irratti diriirsiteetta*.
2Warra si irratti ka'an deebisuudhaaf,
diinaa fi isa ijaa baafatu gab gochuudhaafis,
afaan mucoolii fi daa'imootaatiin,
ati humna dhaabbatteetta*.#1 Isa 6:3; Bau 3:13-15 2 Mat 21:16
3Ani gara bantiiwwan waaqa keetii
warra harka keetiin hojjetamanii,
gara ji'aa fi urjoota
warra ati dhaabdee yeroon ilaalu,
4<<Ati akka isa yaadattuuf namni maali>>
Ati akka isaaf dhimmituufis
ilmi namaa maali?>> jedhee nan gaafadha*.#4 Iyo 7:17-18; Far 144:3; Ibr 2:6-8
5Yaa Waaqayyo, kana keessaa immoo,
xinnoodhuma ofii keetii gad isa goote,
gonfoo guddinaa fi ulfinaa mataa isaa irra keesse*;
6hojii harka keetii hundumaa irratti isa moosifte,
wanta hundumaas miillan isaa jala galchite*;
7bushaa'ee fi saawwan hundumaa,
bineensota caakkaas akkasuma,
8simbirroota qilleensa keessa balali'an,
qurxummiiwwan galaana keessaas,
waanuma galaana keessa daandii baafatee deddeebi'us.#5 Uma 1:26-28 6 1Qor 15:27; Efe 1:22; Ibr 2:8
9Yaa Waaqayyo gooftaa keenyaa!
Maqaan kee guutummaa biyya lafaatti
guddaa guddaa caalu attamii tii!
Currently Selected:
MACAAFA FAARFANNAA 8: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
