MACAAFA FAARFANNAA 7
7
Waaqayyo Abbaa Firdii Qajeelaa Ta'uu Isaa
(Faarfannaa addaa, isa Daawit waa'ee dubbii Kuush namni gosa Benyaamiin dubbateef, Waaqayyoon faarfate)
1Yaa Waaqayyo gooftaa ko, ani sitti kooluu nan gala
na gargaari, warra na ari'atan
hundumaa jalaa na baasi!
2Lafa inni oolchu na bira hin jirretti,
isaan akka leencaa
ana cuffatanii hin kukkutatin!
3Yaa Waaqayyo gooftaa ko,
ani wanta akkasii hojjedheera yoon ta'e,
hojii harka koo keessas yakki yoo jiraate,
4nama nagaatti anaa wajjin jiraatu hamaa godhee,
nama na cunqurses
sababii malee saameera yoon ta'e,
5diinni koo ari'ee ana haa qaqqabu,
jireenya koo dhidhiitee lafatti haa dabalu,
ulfina koos awwaara keessa haa buusu*.#4-5 Iyo 31:7-34
6Aarii keetiin ka'i! Yaa Waaqayyo,
cunqursituu koo
warra aaranii boba'an kana irratti ka'i!
Ati firdiin akka kennamu abboomteetta,
anaaf dammaqi yaa Waaqayyoo ko!
7Sabni hundinuu naannoo keetti walitti haa qabaman,
ati immoo teessoo kee isaan gara irraatti ol kaasii dhaabadhu!
8Waaqayyo saba hundumaaf firdii in kenna,
akka qajeelummaa koottii fi
akka balleessaa malee argamuu kootti,
dhugaa koo anaaf baasi yaa Waaqayyo*!
9Hamminni warra jal'ina hojjetanii haa ga'u,
nama qajeelaa garuu jabeessii dhaabi!
Garaa namaa fi yaada namaa kan qortu,
ati Waaqayyo qajeelaa dha*.#8 18:21-27 9 104:35; 139:1; Er 11:20; Mul 2:23
10Waaqayyo warra yaadni garaa isaanii qajeele in oolcha,
gaachanni koos isuma biraa anaaf dhufa.
11Waaqayyo abbaa firdii isa qajeelaa dha,
guyyaa hundumaas dheekkamsa isaa in mul'isa.
12Namni yaada garaa isaa yoo geddarachuu dhabaate,
Waaqayyo billaa isaa in qarata,
iddaa isaas dabsee, jabeessee, ol in fudhata*;
13inni mi'a ajjeesu kana ol itti in fudhata,
xiyya boba'aa adeemus itti in qopheeffata.#12 Kes 32:41
14Kunoo namni jal'aan hamaa garaa isaatti in yaada,
jal'ina kanas in ciniinsifata,
wallaalchisas bakkeetti in baasa.
15Inni boolla gad fageessee warra kaaniif in qota,
ofuma isaatii immoo isa keessa in bu'a*.
16Hamaan inni gochuuf yaade mataa isaatti gara in gala,
wanti inni humnaan nama irratti hojjetes
gubbee isaa irratti in bu'a.#15 Fak 26:27
17Ani qajeelummaa isaatiif jedhee
Waaqayyoof galata nan galcha,
maqaa Waaqayyoo aabbaas faarfannaadhaan nan jajadha.
Currently Selected:
MACAAFA FAARFANNAA 7: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
