MACAAFA FAARFANNAA 60
60
Waaqayyo Malee Homtuu Hin Tolu
(Geggeessituu warra faarfatootaaf; kun dhugaa ba'uudhaaf akka qooqa faarfannaa isa <<Daraaraa>> jedhameetti faarfatame; mararoo Daawit isa barsiisaaf ta'u; isa inni yeroo warra Aaram biyya bishaan lama gidduu sanaa fi warra Aaram Xobaa wajjin wal lole, yeroo Yo'aab immoo deebi'ee dachaa soogiddaa keessatti namoota Edoom kuma kudha lama rukute faarfate)
1Yaa Waaqayyo ati nu gattee,
humna keenya cabsitee,
nutti dheekkamteetta,
amma deebi'ii gara keenya gori!
2Ati laficha sochoofteetta,
tattarsaaftees afaan bansiifteetta,
cabaa isaa ati suphi,
kanaa achi iddoo isaatii in sigigaata!
3Sabni kee rakkina cimaa akka argu gooteetta,
wanta mataa nama naannesus
akka daadhii wayniitti nu obaafteetta*.#3 75:8
4Iddaa jalaa gara isaatti akka baqataniif,
ati warra si sodaataniif faajjii ol kaafteetta*.
5Michoonni kee akka oolfamaniif immoo,
ati harka kee mirgaadhaan gargaari,
nuufis deebii deebisi!#4 Bau 17:15
6Waaqayyo iddoo isaa isa qulqullaa'aa keessaa dubbatee,
<<Ani guddisee itti nan gammada,
Sheekem kutaa biyyaa nan hira,
dachaa Suukootis safaree gargar nan hira.
7Biyyi Gili'aad kan koo ti,
biyyi Minaasees kan koo ti;
biyyi Efreem gonfoo sibiilaa
isa ani mataa koo ittiin eeggachuuf kaa'adhuu dha;
biyyi Yihudaa siiqqee mootummaa kootii ti*.
8Biyyi Mo'aab caabii dhiqannaa kootii ti,
biyyi Edoom kan koo ta'uu isaa argisiisuudhaaf,
kophee koo isa irra nan buusa;
biyyi Filisxiyaa isa irratti mo'uu koo
guddisee haa dhageessisu!>> jedhe*.#7 Uma 49:8,10 8 Rut 4:7-8
9Gara mandara naannoon isaa
dallaa dhagaatiin marfametti, eenyutu na fida ree>>
Eenyutus gara Edoomitti na geessa ree>>
10Ati garuu nu gatteetta mitii, yaa Waaqayyo>>
Ati yaa Waaqayyo,
loltuu keenyaa wajjinis lafa duulaatti hin baatu.
11Warra nu cunqursan jalaa ba'uuf,
gargaarsi namaa homaa waa'ee hin baasu waan ta'eef,
ati gargaarsa nuuf kenni*!
12Waaqayyoo wajjin nuyi humna in godhanna,
warra nu cunqursan gad kan dhidhiitu isa.#11 118:8-9
Currently Selected:
MACAAFA FAARFANNAA 60: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
