MACAAFA FAARFANNAA 58
58
Namni Biyya Irratti Dalga Hojjetu Gaafatamuuf Akka Jiru
(Geggeessituu warra faarfatootaaf; akka qooqa faarfannaa isa <<Hin balleessin>> jedhamuutti faarfatame; kan Daawit isa afaan Ibrootaatti<<Mikitaam>> jedhamuu dha)
1Isin yaa warra aboo qabdanii,
dhuguma wanta qajeelaa ta'e in dubbattuu ree>>
Ilmaan namootaafis qajeeltootti firdii in laattuu ree>>
2Waawuu! Isin garaa keessan keessatti dabaa in qopheessitu,
biyya keessatti immoo humnaan nama irratti ka'uudhaan,
harka keessan itti in ulfaachiftu*.#1-2 82:2-4; Mik 3:1-4
3Warri jal'oonni garaa haadha isaaniitii jalqabanii
karaa irraa in goru,
warri soba dubbatanis dhalachuu isaaniitii jalqabanii
irraa in kaatu.
4Isaan hadhaa isa akka hadhaa bofaa of keessaa qabu,
isaan akka mar'ataa duudaa isa gurra isaa cufuu ti.
5Akkasitti sagalee warra dawweessanii,
yookiis dubbii namicha isa wallaalchisee abboomsisuu
hin dhaga'u.
6Yaa Waaqayyo, ilkaan isaanii afaan keessatti hurreessi,
qarriffaa warra akka ilmoolee leencaas
caccabsii baasi, yaa gooftaa!
7Akka bishaan lola'ee darbuu tamsa'anii haa badan,
isaan iddaa isaanii haa jabeeffatan,
xiyyi isaanii garuu qarri kan ittii fuudhame haa ta'u!
8Akka cilalluu gorora ishee keessatti
bishaan ta'aa adeemtuu,
akka wanta iddoo hin ga'in dhalatee,
biiftuu hin argin hafus haa ta'an!
9Warri akka qoraattii isin waraanan,
xobbee yookiis qancara yoo ta'an iyyuu,
utuu isaan hin beekin,
inni haree isaan in balleessa!
10Namni qajeelaan
ijaa baafachuu kana waan argeef in gammada,
miilla isaas dhiiga nama jal'aa keessatti in dhiqata*.
11Yommus namoonni,<<Dhuguma namni qajeelaan
gatii isaa in argata,
dhugumas Waaqayyo
inni lafa irratti dhugaa baasu jira>> in jedhu*.#10 Kes 32:35-36 11 Mil 2:17; 3:1-5
Currently Selected:
MACAAFA FAARFANNAA 58: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
