MACAAFA FAARFANNAA 57
57
Rakkina Keessatti Kooluu Argatanii Galateeffachuu
(Geggeessituu warra faarfatootaaf; kun akka qooqa faarfannaa isa <<Hin balleessin>> jedhamutti faarfatame; kan Daawit, isa afaan Ibrootaatti<<Mikitaam>> jedhamuu dha; Daawit yeroo Saa'ol jalaa baqatee holqa dhagaatti gale kana faarfate)
1Araara anatti argisiisi, yaa Waaqayyo!
Lubbuun koo kooluu waan sitti galteef,
araara anatti argisiisi!
Badiisi jabaan hamma darbutti,
ani gaaddisa bobaa kee jalatti kooluu nan gala*.
2Waaqayyo isa hundumaa gara irraatti,
Waaqayyo isa dubbii koo anaaf raawwatutti nan iyyadha.
3Nama arrabsee na ari'u jalaa na oolchuudhaaf,
inni waaqa irraa in erga;
Waaqayyo gaarummaa isaa fi amanamummaa isaa in erga.#1 17:8; 91:1-2
4Warra akka leencaa nama nyaachuu kajeelanii
ija isaanii bobeessan gidduu nan ciisa;
ilkaan isaanii akka eeboo fi akka xiyyaa ti,
arrabni isaaniis akka billaa qaramaa ti.
5Bantiiwwan waaqaa gara irraatti ol ka'i, yaa Waaqayyo!
Ulfinni kees lafa hundumaa irratti ol haa jedhu*!
6Warri sun miilla koo dura futtaasaa dhaaban,
lubbuun koos gadditee gad deebite;
boolla anaaf qotan,
ofuma isaaniitii immoo walakkaa isaatti kufan*.#5 8:1 6 7:15-16
7Garaan koo hin shakku, yaa Waaqayyo!
Garaan koo hin shakku;
sin faarfadha,
sagalee mi'a garaa garaas nan dhageessisa.
8Yaa lubbuu ko dammaqi,
yaa kiraaraa, yaa maseenqoo, dammaqaa!
Ani barii lafaa nan dammaqsa.
9Ani namoota keessatti sin galateeffadha, yaa gooftaa,
saba lafa irraa keessattis faarfannaadhaan sin jajadha;
10gaarummaan kee hamma bantii waaqaatti in guddata,
amanamummaan kees hamma duumessaa in ga'a*.
11Bantiiwwan waaqaa gara irraatti ol ka'i, yaa Waaqayyo!
Ulfinni kees lafa hundumaa irratti ol haa jedhu!#10 36:5
Currently Selected:
MACAAFA FAARFANNAA 57: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
