MACAAFA FAARFANNAA 56
56
Waaqayyotti Of Kennachuu
(Geggeessituu warra faarfatootaaf; kun akka qooqa faarfannaa isa <<Gugee muka fagoo irra cal-jettee teessu>> jedhametti faarfatame; faarfannaa Daawit isa afaan Ibrootaatti<<Mikitaam>> jedhamuu dha; yeroo warri Filisxeem mandara Gaatitti isa qabatan faarfatame)
1Yaa Waaqayyo, araara anatti argisiisi!
Warri na barbaadan ana in ari'u;
warri na lolanis guyyaa hundumaa na cunqursu.
2Warri guyyaa guutuu na gaadan barbaadanii na ari'u,
warri ol of qabuudhaan na lolan
lakkoobsa hin qaban;
3ani yeroon sodaadhutti,
amanannaa koo si irra nan kaa'adha.
4Waaqayyoon isa ani sagalee isaa jajadhu,
Waaqayyoon sodaa malee nan amanadha;
namni foonii maal na gochuu danda'a ree*?#4 27:1; 118:6; Isa 12:2; 51:12; Mat 10:28
5Guyyaa hundumaa waan ani dubbadhu in micciiru
yaadni isaanii hundinuu hamaadhaaf ana irratti ka'uu dha.
6Isaan walitti in gamtatu, in riphus;
jireenya koo balleessuudhaaf in gaadu,
tarkaanfii koos in caqasu.
7Wanta jal'aa hojjetanii hin ba'an,
ati dheekkamsaan
saba akkasii gad deebisi, yaa Waaqayyo!
8Joora koo ati lakkooftee keesseetta,
imimmaan koo qodaa safaraa keetti walitti qabi!
Isaan dhugumaan macaafa kee keessatti caafamaniiru.
9Yeroo ani Waaqayyoon waammadhutti,
diinonni koo gara booddee in deebi'u;
yommus Waaqayyo gara koo ta'uu isaa nan beeka.
10Waaqayyoon amanadhee sagalee isaa nan jajadha,
goofticha amanadhee sagalee isaa nan jajadha.
11Sodaa malee Waaqayyoon nan amanadha,
namni maal na gochuu danda'a ree>>
12Wanti ani siif wareege ana irra jira, yaa Waaqayyo!
Aarsaa galataas siif nan dhi'eessa*.
13Fuula kee dura, yaa Waaqayyo,
ifa jireenyaa keessas akka ani deddeebi'utti,
ati lubbuu koo du'a, miilla koos gufuu oolchiteetta*.#12 50:15 13 Iyo 33:30
Currently Selected:
MACAAFA FAARFANNAA 56: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
