MACAAFA FAARFANNAA 49
49
Badhaadhummaan Lafa Irraa Nama Wallaalchisuu Isaa
(Geggeessituu warra faarfatootaaf; faarfannaa ilmaan Qoraahi)
1Yaa saba lafa irraa hundumti keessan kana dhaga'aa,
isin yaa warra lafa irra jiraattanii
hundumti keessan gurra keessan as qabaa!
2Guddaa fi xinnaa, sooressaa fi hiyyeessaa,
walii wajjin kana dhaggeeffadhaa!
3Afaan koo ogummaa haa dubbatu,
wanti ani garaatti yaadus
hubannaa haa argisiisu!
4Dubbii yaada gad fagoo of keessaa qabu fudhachuudhaaf
gurra koo itti nan qaba,
yeroo ani kiraara rukututtis
hiikaa isaa isa dhokataa nan mul'isa.
5Guyyaa wanti hamaan na irra ga'u,
warri faana na dha'an
hamaa gochuudhaaf yommuu anatti marsan,
maaliifan sodaadha>>
6Isaan kun qabeenya isaanii in amanatu,
sooruma isaanii isa tuullataniinis of in jaju*.
7Dhuguma iyyuu namni nama furu,
yookiis gatii furee sanaa
Waaqayyoof baasuu danda'u hin jiru;
8gatiin furee lubbuu isaanii sonaan guddaa dha,
bara baraanis utuu hin baafamin in hafa*.
9Kanaafis namni bara baraan nama jiraachisuu,
awwaalamuus isa oolchuu hin danda'u.#6 37:16; Er 9:23-24 7-8 Mat 16:26
10Ogeessonni iyyuu akka du'an eenyu iyyuu in arga,
namni gowwaanis, namni doofaanis,
lafa irraa in badu,
qabeenya isaaniis warra kaaniif in dhiisu*;
11biyya maqaa isaaniitiin waamamu yoo qabaatan iyyuu,
awwaalonni isaanii bara baraan mana isaanii ti,
dhalootaa hamma dhalootaattis lafa boqonnaa isaanii ti.
12Namni ulfina isaatti jiraachaa hin hafu,
namni horiitti yookiis bineensatti fakkeeffamee
waa'een isaa in raawwatama*.#10 Lal 2:13-16; 6:2 12 Lal 3:18-21
13Kunoo, warra gowwummaadhaan of amanatanitti
kan akkasiitu dhufa,
dhumni warra isaan duukaa
of gurguddisuu isaaniitti gammadaniis akkas.
14Isaan iddoo lafa jalaatiif kaa'aman,
duunis akkuma hoolotaa isaan in tiksa;
bifni isaanii inni akka manaatti keessa jiraatan,
iddoo lafa jalaatti irraa in dhuma;
warri waan qajeelaa hojjetan immoo,
ganamaan isaan irratti mootummaa in argatu.
15Waaqayyo garuu humna iddoo lafa jalaa harkaa na baasa;
inni dhugumaan ofitti na fudhata*.#15 Hos 13:14; Far 73:24
16Namni yommuu sooromu,
ulfinni mana isaas baay'achaa yommuu adeemu,
waan guddaa sitti hin fakkaatin*!
17Namni yeroo du'u waan tokko iyyuu fudhatee hin dhaqu,
ulfinni isaas isa duukaa hin dhaqu*;
18inni bara jireenya isaatti gammaduu isaa haa himu,
ofii isaatiinis,
<<Gaariitti jiraachuu keetiif
namoonni si haa jajan!>> haa jedhu!
19Garuu inni abboota isaa warra du'an,
warra baraan iyyuu deebi'anii ifa hin argine
bira dhaquun isaa hin oolu.
20Namni ulfina qabaatee hubannaa dhabee,
horiitti yookiis bineensatti fakkeeffamee,
waa'een isaa in raawwatama.#16 Iyo 21:7-15 17 Lal 5:15; 1Xim 6:7
Currently Selected:
MACAAFA FAARFANNAA 49: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
