MACAAFA FAARFANNAA 42
42
Macaafni inni Lammaffaan
(Geggeessituu warra faarfatootaaf; mararoo ilmaan Qoraahi)
(Faarfannaa 42–72)
Waaqayyoon Yaaduu
1Borofni akkuma bishaan yaa'u argachuu yaadu,
lubbuun koos akkasuma si yaaddi, yaa Waaqayyo!
2Lubbuun koo Waaqayyoon immoo, Waaqayyoon isa jiraataa
akka bishaanii in dheebotti;
yooman dhufa,
Waaqayyo koo durattis yooman argama*!
3Namoonni guyyuma guutuu,
<<Waaqayyo kee eessa jira?>> anaan in jedhu;
kanaafis guyyaa fi halkan imimmaan
soora anaaf in ta'e*.#2 17:15; 63:1; 84:2; 143:6 3 79:10; 115:1-2
4Ani tuuta sanaa wajjin,
saba ayyaaneffachaa ture wajjinis,
sagalee gammachuu guddaa fi faarfannaa galataatiin,
tooraan gara mana Waaqayyootti
attamitti akkan adeeme, nan yaadadha;
yeroon kana yaadadhus lubbuun koo na keessaa in sokka*.
5Yaa lubbuu ko, maaliif akkas gadditee dhiphatta>>
Maaliifis akkas ana keessatti gabii dhabda>>
Ati Waaqayyoon abdiidhaan eeggadhu!
Anoo deebi'ee gargaarsa isa biraa anaaf dhufuuf,
Waaqayyo koo ta'uu isaatiifis isa jajachuufan jira*!
6Lubbuun koo ana keessatti gadditee dhiphatteetti,
kanaafis ani biyya Yordaanosii fi Hermoonii,
tulluu Mizaar gubbaadhaas sin yaadadha.
7Yeroo bishaan kee huursutti,
tuujjubni tuujjuba akka isaatii in waama;
dha'aan kee fi tuulamee darbatamuun bishaan kee
ana irra yaa'an*.
8Waaqayyo gaarummaa isaa guyyaa akka abboomutti,
halkan isa nan faarfadha,
kadhatas gara Waaqayyoo jireenya kootiitti nan dhi'eessa.#4 122:1 5 39:7; 62:1 7 18:4; 69:1-2; Yon 2:4
9Anis kattaa koo Waaqayyoon,
<<Ati maaliif na irraanfatte>>
Sababii cunqursaa diina koofis,
maaliifan boo'aa adeema?>> nan jedha*.
10Warri na cunqursan guyyuma guutuu,
<<Waaqayyo kee eessa jira?>> anaan jechuudhaan,
anatti ga'isanii lafee koo na cabsan.
11Yaa lubbuu ko, maaliif akkas gadditee dhiphatta>>
Maaliifis akkas ana keessatti gabii dhabda>>
Ati Waaqayyoon abdiidhaan eeggadhu!
Anoo deebi'ee gargaarsa isa duraa anaaf dhufuuf,
Waaqayyo koo ta'uu isaatiifis isa jajachuufan jira!#9 Kes 32:4
Currently Selected:
MACAAFA FAARFANNAA 42: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
