MACAAFA FAARFANNAA 43
43
Waaqayyoon Yaadanii Kadhachuu
1Dhugaa koo anaaf baasi, yaa Waaqayyo!
Warra kan kee hin ta'inittis
yaa'ii koo anaaf falmi!
Warra arraba gegeddaranii fi
warra waan jal'aa hojjetan jalaas na baasi!
2Ati Waaqayyo isa ani kooluu itti galee dha,
maaliif na gatte ree>>
Sababii cunqursaa diina koofis
maaliifan boo'aa adeema>>
3Ifa kee fi dhugaa kee ergi,
isaan anatti karaa haa argisiisan;
tulluu kee isa qulqulluutti,
iddoo buufata keettis ana haa geessan!
4Gara iddoo itti Waaqayyoof aarsaa dhi'eessanii,
gara Waaqayyoo isa ani itti gammaduu nan dhaqa;
kiraaraanis sagalee gammachuu dhageessisee sin jajadha,
yaa Waaqayyo, yaa Waaqayyoo ko!
5Yaa lubbuu ko maaliif akkas gadditee dhiphatta>>
Maaliifis akkas ana keessatti gabii dhabda>>
Ati Waaqayyoon abdiidhaan eeggadhu!
Anoo deebi'ee gargaarsa isa duraa anaaf dhufuuf,
Waaqayyo koo ta'uu isaatiifis isa jajachuufan jira.
Currently Selected:
MACAAFA FAARFANNAA 43: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
