MACAAFA FAARFANNAA 145
145
Iji Hundinuu Waaqayyoon Abdiidhaan Eeggachuu Isaa
(Faarfannaa jajachuu; kan Daawit)
1Yaa Waaqayyo mootii ko, guddina kee nan beeksisa,
yeroo hundumaa baruma baraan maqaa kee nan eebbisa.
2Guyyuma guyyaan ulfinaan sin jajadha,
yeroo hundumaas baruma baraan
maqaa kee nan jajadha.
3Waaqayyo guddaa dha, guddisee kan jajamuu dha;
guddinni isaas qoramee bira hin ga'amu.
4Dhaloonni tokko hojii kee
dhaloota isa kaanitti in jaja,
hojii aangoo kees in labsa*.
5Isaan waa'ee simboo ulfina kee, waa'ee surraa kee,
waa'ee hojii kee isa dinqisiisaas
itti yaadanii in dubbatu*.
6Isaan waa'ee aangoo hojii kee
isa guddaa sodaachisaa in dubbatu;
anis guddina kee nan hima.
7Isaan seenaa baay'ina arjummaa kee
gad in jijjigsu,
qajeelummaa kees sagalee gammachuutiin in dhageessisu.#4 78:4 5 19:1-6
8Waaqayyo araara-qabeessaa fi oo'a-qabeessa;
aariitti suuta in jedha, gaarummaan isaas guddaa dha*.
9Waaqayyo nama hundumaaf gaarii dha;
hojii harka isaa hundumaafis in oo'a.
10Hojiin harka kee hundinuu
galata siif in galchu, yaa Waaqayyo,
warri siif of kennan hundinuus
ulfinaan si jaju!
11Isaan waa'ee ulfina mootummaa kee in dubbatu,
waa'ee hojii aangoo kees in himu.
12Hojii kee isa aango-qabeessa,
ulfina mootummaa kee isa simbo-qabeessas,
ilmaan namootaatti beeksisuudhaaf kana in godhu.
13Mootummaan kee mootummaa baraaf bara hundumaa ti,
mo'uun kee dhalootaa hamma dhaloota hundumaatti;
[Waaqayyo dubbii isaa hundumaatti amanamaa dha,
hojii isaa hundumaattis gaarummaa in argisiisa.]#8 Bau 34:6
14Waaqayyo warra kufuuf jedhan hundumaa
qabee in oolcha,
warra gad deebi'an hundumaas ol in kaasa*.
15Iji hundinuu abdiidhaan si eeggata,
atis soora isaanii yeroo ta'utti isaaniif in laatta.
16Ati harka kee in diriirsita,
fedha warra lubbuu qaban hundumaas in quufsita*.#14 9:12; 146:8 15-16 104:27-28; 136:25
17Waaqayyo karaa hojjetu hundumaatti qajeelaa dha,
hojii isaa hundumaattis gaarummaa in argisiisa.
18Waaqayyo warra isa waammatan hundumaatti,
warra dhugaadhaan isa waammatan hundumaatti dhi'oo dha*.
19Inni fedha warra isa sodaatanii fiixaan in baasa;
iyya isaaniis immoo in dhaga'a, isaan in oolchas*.
20Waaqayyo warra isa jaallatan hundumaa in eega,
warra jal'oota hundumaa garuu in balleessa*.#18 Kes 4:7; Isa 58:6-9 19 Fak 10:24 20 1:1-6
21Afaan koo jajannaa Waaqayyoo haa dubbatu!
Foon kan uffate hundinuus yeroo hundumaa,
baruma baraan maqaa isaa isa qulqulluu haa eebbisu!
Currently Selected:
MACAAFA FAARFANNAA 145: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
