MACAAFA FAARFANNAA 146
146
Waaqayyo Isa Gargaarsi Biraa Dhufu Irra Abdii Kaa'achuu
1Waaqayyoon jajadhaa!
Waaqayyoon jajadhu, yaa lubbuu ko!
2Ani jireenya koo guutuu Waaqayyoon nan jajadha,
hamman jirutti jajuu Waaqayyo koo nan faarfadha!
3Amanannaa keessan gurguddoota irra,
ilmaan namaa
warra gargaarsi bira hin jirre irras
hin kaa'atinaa*!
4Yeroo hafuurri isaa keessaa baatu,
inni deebi'ee biyyoo in ta'a;
guyyuma sanas akeeki isaa in bada*.#3 118:8-9; Er 17:5-6 4 Uma 3:19; Lal 3:20
5Namni,
Waaqayyo inni kan Yaaqoob gargaarsa isaa ta'eef,
abdii isaas
Waaqayyo isaa goofticha irra inni kaa'ate haa gammadu*!
6Gooftichi isa bantii waaqaa fi lafa,
galaanaa fi wanta isaan keessa jirus uumee dha;
inni bara baraan amanamummaa in eega.
7Inni warra cunqurfamaniif dhugaa in baasa;
warra beela'aniifis soora in kenna;
Waaqayyo warra hidhaman hiikee gad in dhiisa.#5 Er 17:7
8Waaqayyo jaamotaaf agartuu isaanii in deebisa;
Waaqayyo warra gad deebi'an ol in kaasa;
Waaqayyo warra qajeelota in jaallata*.
9Waaqayyo galaa biyya ormaa in eega;
inni ijoollee abbaan irra hin jirree fi
haadha hiyyeessaa in jiraachisa;
karaa warra jal'ootaa garuu irraa in kaachisa*.
10Yaa Xiyoon, Waaqayyo kee gooftichi,
dhalootaa hamma dhalootaatti, bara baraan in mo'a!
Waaqayyoon jajadhaa*!#8 145:14 9 Bau 22:21-22 10 93:1; 96:1
Currently Selected:
MACAAFA FAARFANNAA 146: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
